Fri, 18th April, 2014
Saturday, 08 December 2012 05:51

ဒေါက်တာစိုင်းမောက်ခမ်းနှင့် ဒေါ်အောင်ဆန်းစုကြည် တို့၏ မြန်မာနိုင်ငံအရေး ပြောကြားချက်

Written by  အယ်ဒီတာ

 

မြန်မာနိုင်ငံတွင် ပထမဆုံး အကြိမ်အဖြစ် ဒီဇင်ဘာလ ၅ရက်နှင့် ၆ရက်နေ့ တို့က ရန်ကုန်မြို့ ဆီဒိုးနား ဟိုတယ်တွင် ကျင်းပပြုလုပ်သော အာဆီယံ ခေါင်းဆောင်မှု ၁၀၀ ဖိုရမ်တွင် တက်ရောက် ပြောကြားခဲ့သော မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်းနှင့် အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် တို့၏ ပြောကြားချက် များကို မြန်မာပြည် သူလူထု သိရှိနိုင်စေရေး အတွက် ကောက်နုတ် ဖော်ပြလိုက်ခြင်း ဖြစ်ပါသည်။

 

ဒုတိယသမ္မတ ဒေါက်တာစိုင်းမောက်ခမ်း၏ ပြောကြားချက်

smkမြန်မာနိုင်ငံတွင် ပထမဆုံး အကြိမ် အဖြစ် ဒီဇင်ဘာလ ၅ရက်နှင့် ၆ရက်နေ့ တို့က ဆီဒိုးနား ဟိုတယ်တွင် ကျင်းပ ပြုလုပ်သော အာဆီယံ ခေါင်းဆောင်မှု ၁၀၀ ဖိုရမ်တွင် “မြန်မာနိုင်ငံ အတွက် စိန်ခေါ်မှုများနှင့် အခွင့်အလမ်းများ” ခေါင်းစဉ်ဖြင့် တက်ရောက် ပြောကြား ခဲ့သော မြန်မာနိုင်ငံတော် ဒုတိယသမ္မတ ဒေါက်တာ စိုင်းမောက်ခမ်း၏ ပြောကြားချက် များမှ ကောက်နုတ် ဖော်ပြအပ်ပါသည်။

အာဆီယံနှင့် မြန်မာနိုင်ငံ
ဒေသတွင်း ဆက်သွယ်ပေါင်း စည်းမှု အစီအစဉ်များဟာ ဒေသတွင်း ဒီမိုကရေစီနဲ့ လူ့ယဉ်ကျေးမှု စံများ သဟဇာတ ဖြစ်စေခြင်း၊ ကုန်သွယ်မှုနှင့် ရင်းနှီးမြှုပ်နှံမှုများ တိုးချဲ့ခြင်းတို့မှ တစ်ဆင့် မြန်မာနိုင်ငံကို အကျိုးဖြစ် ထွန်းစေနိုင်မယ်လို့ ယုံကြည်ပါတယ်။

တရားဥပဒေစိုးမိုးရေး
တရားဥပဒေ စိုးမိုးမှု ပိုမိုခိုင်မာ စေရေး၊ တရားရေးဆိုင်ရာ အခြေခံ အဆောက်အဦများနှင့် တရားစီရင်မှု စနစ်များ လွတ်လပ်မျှတမှု ရှိစေရေး တို့ကိုလည်း ဦးစားပေး ဆောင်ရွက်လျက် ရှိပါတယ်။ မူဝါဒဆိုင်ရာ ဆောင်ရွက်မှု တိုင်းကို လွှတ်တော်မှာ သေချာစွာ ဆွေးနွေးပြီးမှသာ ဆောင်ရွက်လျက် ရှိပါတယ်။ ယခုအခါ လွတ်လပ်တဲ့ သတင်း မီဒီယာများလည်း ရှိနေပါပြီ။

နိုင်ငံခြား ရင်းနှီးမြှုပ်နှံမှု ဥပဒေ
နိုင်ငံခြား ရင်းနှီးမြှုပ်နှံမှု ဥပဒေသစ် ဟာဆိုရင် သက်ဆိုင်သူ အားလုံးရဲ့ အကျိုး စီးပွားကို ထည့်သွင်းစဉ်းစားထားပြီး အားလုံး အတွက် အကျိုးဖြစ်ထွန်း စေရေးကို အာမခံ ချက် ပေးထားပါတယ်။ ရင်းနှီးမြှုပ်နှံသူများ အနေနှင့် ဝင်ငွေခွန်၊ ကုန်သွယ်ခွန်နဲ့ ကုန်ကြမ်း တင်သွင်းခွန်များ ကင်းလွတ်ခွင့် အပါအဝင် ပိုင်ဆိုင်မှုနဲ့ အကျိုးအမြတ်များ ကာ ကွယ်ပေးခြင်းစတဲ့ အခွင့်အရေး များစွာ ခံစားနိုင်ခွင့် ရရှိကြမှာဖြစ်ပါတယ်။

ဖိတ်ခေါ်ချက်
နိုင်ငံခြား ရင်းနှီးမြှုပ်နှံသူများ အနေနဲ့ သီလဝါ၊ ထားဝယ်နဲ့ ကျောက်ဖြူ မြို့တို့မှာ ဆောက်လုပ်မယ့် ရေနက် ဆိပ်ကမ်း စီမံချက်တွေနဲ့ နိုင်ငံတစ်ဝန်းရှိ အထူးစီးပွားရေး ဇုန်များမှာ လာရောက် ရင်းနှီးမြုပ်နှံကြဖို့ ဖိတ်ခေါ်လိုပါတယ်။

စိုက်ပျိုးရေး
မြန်မာနိုင်ငံရဲ့ စီးပွားရေးဟာ စိုက်ပျိုးရေးကို အခြေခံတဲ့ စီးပွားရေး ဖြစ်တဲ့အားလျော်စွာ စိုက်ပျိုးရေးနဲ့ ဆက်စပ်လျက်ရှိတဲ့ ကုန်ထုတ်လုပ်မှုနဲ့ ဝန်ဆောင်မှု ဆိုင်ရာတို့ကို မြှင့်တင်သွား ဖို့ရှိပါတယ်။ မြန်မာနိုင်ငံအနေနဲ့ အာရှ ဒေသကိုသာမက ကမ္ဘာတစ်ဝန်းကိုပါ ပံ့ပိုးပေးနိုင်မယ့် အရင်းအမြစ် များစွာ ရှိတယ်လို့ ယုံကြည်ပါတယ်။

ခရီးသွားလုပ်ငန်း
မြန်မာနိုင်ငံရဲ့ ကြွယ်ဝတဲ့ သမိုင်း အစဉ်အလာတွေ၊ စုံလင်တဲ့ယဉ်ကျေးမှု နဲ့ သဘာဝ ရှုမျှော်ခင်းတွေဟာ ဆိုရင် လည်း ဒေသရဲ့ကမ္ဘာလှည့် ခရီးသွား လုပ်ငန်းနဲ့ ဧည့်ဝန်ဆောင်မှု လုပ်ငန်းများ မြှင့်တင်ရေးအတွက် အခြေခံကောင်းများ ဖြစ်ပါတယ်။ လာမယ့်နှစ်မှာ အာဆီယံ ဒေသနဲ့ ဒေသပြင်ပက ခရီးသွားများ မြန်မာနိုင်ငံကို ပိုမိုလာရောက်လည် ပတ်နိုင်ရေးကို ရှေးရှုပါတယ်။

စွမ်းရည်မြှင့်လုပ်သားများ
ထုတ်လုပ်နိုင်စွမ်းကို မြှင့်တင်နိုင်ဖို့ အတွက် လုပ်သားထုရဲ့ အရေအတွက်နဲ့ အရည်အသွေး ကိုပါ တိုးမြှင့်နိုင်ဖို့ ဆောင် ရွက်လျက်ရှိပါတယ်။ ပြည်သူ့ဝန်ထမ်း များကို ကျွမ်းကျင်မှု မြှင့်တင်ပြီး အစိုးရ ရဲ့ကဏ္ဍကို စွမ်းဆောင်ရည်မြင့်အောင် ဆောင်ရွက်နေပါတယ်။

အာရှကို ဦးဆောင်မည့်မြန်မာ
မြန်မာနိုင်ငံဟာ ၂ဝ၁၃ ခုနှစ်မှာ (၂၇)ကြိမ်မြောက် အရှေ့တောင်အာရှ အားကစားပြိုင်ပွဲနဲ့ ၂ဝ၁၄ခုနှစ်မှာ အာဆီယံဥက္ကဋ္ဌ တာဝန်တို့ကို ထမ်းဆောင် ခွင့်ရရှိတာဟာ ကမ္ဘာ့အသိုက်အဝန်းမှာ တာဝန်သိ နိုင်ငံတစ်ခုအနေနဲ့ သက်သေ ပြခွင့်ရှိမှာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ပြောကြားချက်

dsအာဆီယံခေါင်းဆောင်မှု ၁၀၀ ဖိုရမ်တွင် “အခက်အခဲများ ကြားမှ ပြန်လည်နိုးထခြင်း” ခေါင်းစဉ်ဖြင့် တက်ရောက် ပြောကြားခဲ့သော အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စား လှယ် ဒေါ်အောင်ဆန်းစုကြည်၏ ပြောကြားချက် များမှ ကောက်နုတ် ဖော်ပြအပ်ပါသည်။

ဖက်ဒရယ်မူ
ကျွန်မတို့နိုင်ငံမှာ အသွင်ကွဲပြားတဲ့ တိုင်းရင်းသား လူမျိုးစု များစွာ တစ်စုတစ်စည်းတည်း ရှိနေတဲ့အတွက် ဂုဏ်ယူပါ တယ်။ မတူကွဲပြားမှုတွေက လှပပြီးတော့ လူသားထုကို ပိုမို တိုးတက်စေတယ်လို့ ယုံကြည်ပါတယ်။ ဒီလိုကွဲပြားတဲ့ လူမျိုးစု များစွာ စုစည်းထားတဲ့ ပြည်ထောင်စု စနစ်ကနေ ကျွန်မတို့ အားလုံး ရည်မှန်းထားတဲ့ ပန်းတိုင်ကို စုပေါင်းပြီးတော့သွား နိုင်ကြမှာပါ။ ဖက်ဒရယ်မူကို ကျွန်မ ယုံကြည်ပါတယ်။ ဖက်ဒရယ်မူဟာ တိုင်းရင်းသားတွေကို ခွဲထွက် သွားစေမှာ မဟုတ် ပါဘူး။ တိုင်းရင်းသားတွေ ကြားမှာ ပိုမိုနီးကပ်တဲ့ ဆက်ဆံရေးတွေ ဖြစ်လာ နိုင်ပါတယ်။ ဖွဲ့စည်းပုံ အခြေခံဥပဒေမှာ ဆိုရင် ပြည်ထောင်စု သမ္မတမြန်မာ နိုင်ငံတော်ဆိုတာ ထိရောက်တဲ့ စကားလုံး တစ်လုံးပဲ ဖြစ်ပါတယ်။

ပြုပြင်ပြောင်းလဲရေး
ကျွန်မကို မြန်မာပြည်သူတွေ ရှေ့မှာ မားမားမတ်မတ် ရပ်တည်ပေးတဲ့ သတ္တိရှင် ကြီးတစ်ယောက် အဖြစ် မမြင်စေချင်ပါဘူး။ လူ့အခွင့်အရေးနဲ့ ဒီမိုကရေစီနည်း ဥပဒေ တွေကို ယုံကြည်သက်ဝင် လေးစားပြီး နိုင်ငံတိုးတက်အောင် တစ်ဖက်တစ်လမ်းက ဆောင်ရွက်ပေးနေတဲ့ အများတကာထဲက တစ်ယောက်အဖြစ်သာ မြင်စေချင်ပါတယ်။

မြန်မာနိုင်ငံသားတွေက လူ့အခွင့်အရေးကို လိုချင်ကြပါတယ်။ ဒါပေမဲ့ သူတို့ က ကမ္ဘာ့ကုလသမဂ္ဂက ချမှတ်ထားတဲ့ အခြေခံ လူ့အခွင့်အရေး အချက်အလက် တွေကို နားမလည်ကြပါဘူး။ သူတို့နားလည်ထားတာ သူတို့ လွတ်လပ်ချင် တယ်။ အကြောက်အရွံ့ ကင်းချင်တယ်၊ လုံလုံခြုံခြုံ နေချင်ကြတယ်။ မြန်မာနိုင်ငံ ပြုပြင်ပြောင်းရေး လုပ်ငန်းစဉ်တွေမှာ လူအတော်များများ က အနှေးအမြန်ကို အာရုံစိုက် ပြောနေကြတယ်။ ကျွန်မကတော့ နိုင်ငံရေး ပြုပြင်ပြောင်းလဲမှုကို ပိုပြီး အာရုံစိုက်တယ်။ အဲ့ဒီချိန်မှာ နိုင်ငံရေး ပြုပြင်ပြောင်းလဲမှုက အဓိကကျတယ်။

ဒီမိုကရေစီက ပြီးပြည့်စုံတဲ့ စနစ်လို့ ကျွန်မတပ်အပ် မပြောနိုင်ပါဘူး။ နိုင်ငံသား တွေ ကျင့်ကြံတဲ့ပေါ် မူတည်နေတာပါ။ ကျွန်မတို့ လျှောက်လှမ်းနေတဲ့ ဒီမိုကရေစီ လမ်းစဉ်ပေါ်ကနေ နောက်ကြောင်းပြန် လှည့်သွားနိုင်လား မေးရင် မသေချာဘူး လို့ ပြောရမှာပဲ။ ဘယ်တော့လောက်မှ တည်ငြိမ်သွားမှာလဲ မေးရင် ဘယ်တော့ သာမန် အရပ်သားတွေက သူတို့ရဲ့ဘဝတွေ ပြောင်းလဲလာပြီလို့ ယုံကြည် ထင်မှတ်လာရင်၊ သူတို့ ကြောက်လန့်မှုတွေ ကင်းဝေးပြီး လုံခြုံစွာ နေနိုင်ပြီလို့ ထင်မှတ်လာတဲ့ အခါမှာတော့ မြန်မာနိုင်ငံဟာ ဒီမိုကရေစီ လမ်းကြောင်း ပေါ်ကနေ နောက်ကြောင်းပြန် မလှည့်နိုင်တော့ဘူးလို့ တပ်အပ် ပြောနိုင်ပါတယ်။

အကျင့်ပျက်ခြစားမှု
အကျင့်ပျက် ခြစားမှုတွေက ပြည်သူတွေရဲ့လိုအပ်ချက်ကြောင့် ဖြစ်လာရတာပါ။ ပြည်သူ့ ဝန်ထမ်းတွေက အခြေခံလစာ ကောင်းကောင်း မရကြတော့ လာဘ်ပေးလာဘ်ယူ အရပ်စကားနဲ့ ဆိုရင် လက်ဖက်ရည် ဖိုးတွေနဲ့ ရပ်တည်နေရတယ်။ နောက်တစ်ချက် ကတော့ အကြောက် တရားကြောင့် ဖြစ်တယ်။ အဲ့ဒီအကြောက်တရား တွေက အုပ်ချုပ်ရေး ပိုင်းကလူတွေ ပြည်သူ့ဝန်ဆောင်မှု တွေမှာ ဝင် ရောက် စွက်ဖက်တာကြောင့်ဖြစ်ပါတယ်။ အဲ့ဒီတော့ ပြည်သူ့ ဝန်ထမ်းတွေကို လစာကောင်းကောင်းနဲ့ ဘဝလုံခြုံမှုအတွက် အာမခံချက်ရှိတဲ့ စနစ်တစ်ခု ရှိနေသင့်တယ်။

ပညာရေး
ပညာရေးဆိုတာ ဘွဲ့လက်မှတ်တွေ၊ ပညာရေးမှတ် တမ်းတွေကို ဆိုလိုတာ မဟုတ်ပါဘူး။ ဘဝရဲ့ စိန်ခေါ်မှုတွေကို ကြံ့ကြံ့ခံနိုင်တဲ့၊ ကျော်လွှားနိုင်တဲ့ စွမ်းရည်ပဲဖြစ်ပါတယ်။ မြန်မာနိုင်ငံရဲ့ပညာရေးကတော့ ပြောရမှာ စိတ်မကောင်းပါဘူး။ မြန်မာ့ပညာရေး စနစ်က ဘဝရဲ့ စိန်ခေါ်မှုတွေကို ရင်ဆိုင်ကျော်လွှားနိုင်တဲ့ စွမ်းရည်မျိုး သင်ကြား မပေးနိုင်ဘူး။

ကြေးနီတောင်စီမံကိန်း
မြန်မာနိုင်ငံရဲ့ ရှင်းလင်းပြတ်သားတဲ့ ပြုပြင်ပြောင်းလဲမှု ဖြစ်စဉ်တွေကို မမြင်ရ သေးပါဘူး။ ကျွန်မ ပြောခဲ့သလိုပါပဲ နိုင်ငံရဲ့ပြုပြင်ပြောင်းလဲမှုမှာ ကဏ္ဍစုံအားလုံး လွှမ်းခြုံနိုင်တဲ့ ပြုပြင်ပြောင်းလဲမှု ဖြစ်စဉ်ကို မြင်ချင်ပါတယ်။ ပြုပြင်ပြောင်းလဲမှုမှာ ပွင့်လင်းမြင်သာမှုက တစ်စိတ်တစ်ပိုင်း အဖြစ် ပါဝင်နေပါတယ်။ အခုဖြစ်နေတဲ့ ပြဿနာ အမြောက်အမြားက အတိတ်ကာလက ပွင့်လင်းမြင်သာမှု မရှိခဲ့လို့ပဲ ဖြစ်ပါတယ်။ လက်ရှိအစိုးရရဲ့ ပွင့်လင်းမြင်သာမှု ကိုလည်း လုံးဝကြီး ကျေနပ်အားရ မှုမရှိသေးပါဘူး။ ကျွန်မရဲ့ အခုအဓိက ဆောင်ရွက်ချက် ကတော့ ကြေးနီတောင် စီမံကိန်း စုံစမ်းရေး ကော်မရှင်မှာ ဥက္ကဋ္ဌအဖြစ် တာဝန်ယူနေတာပါပဲ။ ဒီကိစ္စမှာ မှန်မှန် ကန်ကန်နဲ့ အမြန်ဆုံး ဖြေရှင်းနိုင်ဖို့ကို ကြိုးစားနေပါတယ်။ ကျွန်မတို့ လူ့အဖွဲ့ အစည်းတွေရဲ့အရိုးစွဲနေတဲ့ အဓိက အားနည်းချက်ကတော့ ငြိမ်းချမ်းစွာ ညှိနှိုင်း ဆွေးနွေးနိုင်မှု မရှိတာဘဲ။ ငြိမ်းချမ်းစွာ ညှိနှိုင်း ဆွေးနွေးနိုင်တဲ့ စိတ်ကူးတွေသာ ဓလေ့တစ်ခု ဖြစ်လာမယ်ဆိုရင် ဒီမိုကရေစီ လမ်းစဉ်ကို လျှောက်လှမ်းတဲ့ အခါမှာ အထောက်အကူ ဖြစ်စေမှာပါ။

စိုက်ပျိုးရေး
၂၁ ရာစုကတော့ စိုက်ပျိုးရေး မူဝါဒနှစ် ဖြစ်ပြီးတော့ ရိက္ခာဖူလုံရေးဟာ အနာဂတ်ရဲ့ အကြီးမားဆုံး စိန်ခေါ်မှုတစ်ရပ် ဖြစ်ပါတယ်။ မြန်မာနိုင်ငံရဲ့ စိုက်ပျိုးရေးကို ပုံစံသစ်တစ်ရပ်နဲ့ ချီတက် ချင်ပါတယ်။

 

Copyright © 2013 The Voice
All rights reserved
Powered by The Voice