Perspective http://www.thevoicemyanmar.com Fri, 27 May 2016 10:02:31 +0000 Joomla! - Open Source Content Management en-gb ပညာရေးအသုံးစရိတ် ဆိုတာ အနာဂတ်နိုင်ငံအတွက် ရင်းနှီးမြှုပ်နှံမှုပါ http://www.thevoicemyanmar.com/index.php/perspective/item/10879-pna http://www.thevoicemyanmar.com/index.php/perspective/item/10879-pna ပညာရေးအသုံးစရိတ် ဆိုတာ အနာဂတ်နိုင်ငံအတွက် ရင်းနှီးမြှုပ်နှံမှုပါ

ကျောင်းဖွင့်ရာသီနီးလာတော့ ကျောင်းဝင်ခွင့်တို့၊ ကျူရှင်ကြေးတို့၊ လက်ဆောင်ပစ္စည်းတို့ စတဲ့ကိစ္စတွေကြောင့် ဆရာ၊ ဆရာမတွေအပေါ် စေတနာ ပျက်နေကြတဲ့သူတွေ ရှိတယ်။ မြို့ကြီးပြကြီးတွေက ကျောင်းကြီးခန်းကြီးတွေမှာ ဝါသနာ၊ စေတနာ၊ အနစ်နာ ‘နာ’သုံးနာထက် လာဘ်လာဘ မျှော်ကိုးပြီး ဆရာ၊ ဆရာမလုပ်သူ၊ မူလက နာသုံးနာပါပေမယ့် နောက်ပိုင်း ပျက်စီးသွားတဲ့သူ မဆိုစလောက်ကိုကြည့်ပြီး သနားစရာ ဆရာ၊ ဆရာမထု တစ်ရပ်လုံးကို ဝါးလုံးရှည်နဲ့ သိမ်းမရမ်းစေချင်ဘူး။

မြန်မာပြည်မှာ ပညာရေးဝန်ထမ်းတွေရဲ့ ဘဝက အနိမ့်ကျဆုံးလို့ ပြောရင် လွန်မယ်မထင်ဘူး။ လစာ၊ ရိက္ခာ၊ နေထိုင်သွားလာမှုကစလို့ ခံစားခွင့်မှန်သမျှ တခြားဌာနတွေနဲ့ ဘယ်လိုမှယှဉ်လို့မရဘူး။ ပညာရေးဌာန ထဲမှာမှ အခြေခံပညာရေး ဆရာ၊ ဆရာမတွေဘဝက အဆိုးဆုံး။ ခိုင်းစရာရှိရင် ရှေ့ဆုံးက၊ ပေးစရာရှိတော့ နောက်ဆုံးက။ မြန်မာပြည်က ခွဲခြားအုပ်ချုပ်တဲ့ စရိုက်က သံမှိုစွဲသလို စွဲနေတော့ ပညာရေးဌာနကိုတောင် ဉာဏ်ကြီးရှင်များက အခြေခံပညာနဲ့ အဆင့်မြင့်ပညာ ဆိုပြီး ခွဲထားတယ်။ ဘယ်ဟာက ပိုအရေးကြီးလဲ ဆိုတာတော့ မသိဘူး။ ဌာနနှစ်ခုအပေါ် ဝန်ကြီးဌာနနဲ့ အစိုးရရဲ့ ပံ့ပိုးမှုက အတော်ကွာတယ်။

အခြေခံမပိုင်နိုင်၊ မကျေညက်ရင် အတန်းဘယ်လောက် ကြီးသွားသွား ထူးချွန်ထက်မြက်တဲ့ နိုင်ငံသားဖြစ်ဖို့ ရာနှုန်း သိပ်နည်းသွားမယ်ဆိုတာ သာမန် အတွေးအခေါ်ရှိတဲ့သူ တိုင်းတောင် နားလည်တယ်။ မြန်မာပြည်က ဉာဏ်ကြီးရှင်တွေကတော့ အဲလိုမတွက်ဘူး။ အခြေခံပညာဆိုရင် နှိမ်ထားတယ်။ အဆင့်မြင့်ပညာကိုတော့ အထိုက်အလျောက် ချီးမြှောက်တယ်။ အဲလိုအလုပ်ခံရတာ အနှစ် ၅၀ ကျော်လာတော့ မူလတန်းက အရေးအကြီးဆုံး ဆိုတာကိုတောင် မသိကြတော့ဘူး။ မူလတန်းကျောင်း တွေမှာတောင် သွားကြည့်။ လေးတန်းနဲ့ သူငယ်တန်းကျောင်းသားကို ဘယ်လိုထားတယ် ဆိုတာ။ သူငယ်တန်းကလေး တွေကတော့ သမံတလင်း ဒါမှမဟုတ် ကြမ်းပြင်ပေါ် ဒါမှမဟုတ် မြေကြီးပေါ်မှာ ဖြစ်သလိုထားပြီး လေးတန်းကျောင်းသား တွေကိုတော့ ခုံအမြင့်နဲ့။ သင်ပေးတဲ့ ဆရာတွေကိုလည်း ကြည့်ဦး။ သူငယ်တန်း ဆိုရင် မနေ့တစ်နေ့ကမှ ဆွဲခန့်နဲ့ ခန့်လိုက်တဲ့ ဆရာမကို သင်ခိုင်းတယ်။ ဆရာအတတ်သင်ကျောင်းတောင် မတက်ရသေးဘူး။ လေးတန်းကိုတော့ ဝါရင့် ဆရာမတွေက သင်တယ်လေ။ သူငယ်တန်းကလေးတွေကို ဘယ်လောက် အလေးမထားသလဲ ဆိုတာ အဲဒါသာကြည့်။

တချို့ တောရွာတွေမှာဆို ကျောင်းဆောက်ရင် လမ်းဘက်လှည့်ပြီး ကြွားချင်တာတို့၊ ဘုန်းကြီးကျောင်းကို ကျောပေးနေလို့တို့၊ ခြေဆင်းဖြစ်နေလို့ စတဲ့ အကြောင်းပြချက်တွေနဲ့ ကျောင်းကို အရှေ့ဘက် လှည့်တာနဲ့ အနောက်ဘက် လှည့်တာတို့ လုပ်တယ်။ အကျိုးဆက်က ကလေးတွေ တစ်နေကုန် နေပူခံကြရတာပဲ။ ဖြစ်သင့်တာက မူလတန်းကျောင်းတွေဆိုတာ လေကြောင်းသင့်တဲ့ တောင်ဘက် သို့မဟုတ် မြောက်ဘက်ကို လှည့်သင့်တာ။ ကျောင်းဆောက်တဲ့နေရာ မှာတောင် ပညာရေးဝန်ကြီးဌာနက စံချိန်စံညွှန်း သတ်မှတ်ချက်နဲ့ မကြီးကြပ်နိုင်ဘူး။ ကလေးတွေအတွက် လုံးလုံး မစဉ်းစားကြဘူး။ ကလေးတွေစားဖို့ လာရောင်းတဲ့မုန့်ဆိုင်၊ တင်ရောင်းတဲ့ မုန့်ကအစ တော်ရိရော်ရိ ဖြစ်ကတတ်ဆန်း လုပ်ထားတဲ့မုန့်တွေ၊ မသန့်မရှင်း ရောင်းနေတာတွေ ဒီအတိုင်းပစ်ထားခဲ့တာ ဘယ်လောက်ကြာပြီလဲ။

ဆရာ၊ ဆရာမတွေလည်း အတူတူပဲ။ တောကျောင်း ဆရာ၊ ဆရာမ တွေဆို သိပ်ပင်ပန်းကြရှာတယ်။ စက်ဘီးနဲ့အဝေးကြီး နင်းရတာ၊ စက်ဘီးနဲ့ သွားလို့မရလို့ တောထဲ၊ လယ်ထဲ၊ ဗွက်ထဲ ခြေကျင်လျှောက်ရတာ၊ ကားကြုံစီးရဖို့ ခြေတောင့်အောင် ရပ်စောင့်ရတာ(တချို့ကားတွေက မောင်းပြေးတာ များတယ်။ ကိုယ်ချင်းစာပြီး ရပ်တင်တဲ့ကားက အင်မတန်နည်းတယ်)၊ ရတဲ့လခနဲ့ မလောက်ငလို့ ပေါင်းရှင်း၊ ပျိုးနုတ်လိုက်ရတာ... ပြောမယ်ဆို အများကြီး။ ရတဲ့လခက ကြည့်ဦး။ တစ်တန်းမှ မအောင်၊ စာတစ်လုံးမှ မတတ် လည်း ဝင်လို့ရတဲ့တပ်က ရဲဘော်လစာလောက်ပဲရတာ။ ဒါတောင် ရဲဘော်က ရိက္ခာ၊ နေစရာအပြင် ခြေအိတ်၊ ဖိနပ်၊ ယူနီဖောင်း၊ ဦးထုပ်ကစလို့ ခြေဆုံး ခေါင်းဆုံး စစ်တပ်ကထောက်ပံ့ပေးတာ။ ဆရာ၊ ဆရာမတွေခမျာ ကျောင်းစိမ်းနဲ့ အဖြူတစ်စုံ နှစ်စုံကိုတောင် အကြွေး လပေးနဲ့ဝယ်ပြီး ဝတ်ကြရတာ။ မြို့ပေါ်က နာမည်ကြီးကျောင်းတွေက အကျင့်ပျက် ဆရာ၊ ဆရာမတချို့နဲ့တော့ မနှိုင်းကြနဲ့လေ။ အဲလိုရနေတာ ရာခိုင်နှုန်း ဘယ်လောက်မှ မရှိဘူး။ ဆရာ၊ ဆရာမတွေအတွက်ဆိုပြီး သူတို့လစာထဲက ထည့်ဝင်ထားတဲ့ငွေ တွေနဲ့ ပညာရေးဂျီအီးစီ သမလီမိတက် ထောင်တော့လည်း သူတို့တစ်ပြားမှ ပြန်မရဘူး။ လစာတစ်ပဲခြောက်ပြားလေး ထဲက ပွန်းပဲ့သွားတာပဲ အဖတ်တင်တယ်။ အဲဒီ ပညာရေးဂျီအီးစီနဲ့ ဝန်ထမ်းပေါင်းစုံ ဂျီအီးစီ ပေါင်းထားတဲ့ သမကို လူတစ်စု၊ တစ်ဖွဲ့၊ တစ်ယောက်က အပိုင်စီးပြီး အခု ဘာတွေလုပ်နေတယ် ဆိုတာ တိုင်းသိ ပြည်သိ။ ဆရာ၊ ဆရာမတွေခမျာ နှစ်အများကြီး ဟိန်းဟောက်၊ ခြိမ်းခြောက်ပြီး ခိုင်းတာမှန်သမျှ အောက်ခြေသိမ်း လုပ်ပေးခဲ့ရပေမယ့် အခွင့်အရေးကျတော့ စစ်ဗိုလ်ချုပ်တွေနဲ့ ပေါင်းစားနေတဲ့သူ တွေကပဲ ခေါင်းပုံဖြတ်သွားတာ။

တစ်လောက သန်းခေါင်စာရင်း ကောက်တော့လည်း ဒီဆရာ၊ ဆရာမ တွေပဲ နေကျဲကျဲပူနေတဲ့ အချိန်ကာလကြီးထဲ တစ်အိမ်တက်ဆင်း လိုက်ကောက်ရတာ။ သမ္မတအိမ်နဲ့ လွှတ်တော်ဥက္ကဋ္ဌအိမ် တွေမှာ သန်းခေါင်စာရင်း ကောက်တဲ့အခါတော့ လူစုံတက်စုံနဲ့ သိုင်းသိုင်းဝိုင်းဝိုင်း သွားပြီး အစိုးရဝါဒဖြန့် သတင်းစာမှ ဓာတ်ပုံပြူးတူးပြဲတဲနဲ့ ဖော်ပြတာတွေ့ရတယ်။ နယ်တွေအထိ တစ်အိမ်တက်၊ တစ်အိမ်ဆင်း လိုက်ကောက်ရတဲ့ ဆရာမ တချို့ဆို အဖော်မပါ တစ်ယောက်တည်း သွားရတာ။ လဝကဝန်ထမ်းဆိုတာ အကုန်လုံးပါအောင် ဖြည့်မပေးနိုင်တော့ တစ်ဆိတ်ရှိရင် ဒီဆရာ၊ ဆရာမ တွေကိုပဲ ခိုင်းတာပဲ မဟုတ်လား။ မဲရုံစောင့်တော့လည်း သူတို့ပဲ။ အရင်ကဆို ဘာပွဲ၊ ညာပွဲရှိရင် ပရိသတ်မရှိမှာစိုးလို့ ကျောင်းသူ၊ ကျောင်းသားတွေ နဲ့အတူ ဇွတ်အတက်ခိုင်း ခံရတာလည်း သူတို့ပဲ။ အောက်ခြေအထိ ဆင်းလုပ်ရတဲ့ အစိုးရ ပရောဂျက်၊ စီမံချက်၊ လုပ်ငန်းမှန်သမျှ ဒီဆရာ၊ ဆရာမတွေကိုပဲ ရေလဲသုံးခဲ့ကြတာ။

တပည့်တွေကို ‘နာ’ သုံးနာနဲ့ မြေဖြူတွေ ပါးစပ်ထဲအဝင်ခံပြီး အာခြောက်၊ ခြေတောင့်၊ ဇက်ကြောအောင့်အောင် အနှစ်သုံးဆယ်လောက် စာသင်ပေးပြီး တိုင်းပြည်ရဲ့ အညွန့်အဖူးတွေကို မြေတောင်မြှောက်ပေးခဲ့တဲ့ ဆရာ၊ ဆရာမအိုကြီးတွေကို ပေးထားတဲ့ ပင်စင်ကျတော့ ပြောသမျှ၊ ခိုင်းသမျှ ရက်စ်ပဲပြောဖို့ လိုပြီး သေနတ်မောင်းခလုတ်ပဲ ဖြုတ်တတ်တဲ့သူတွေနဲ့ ယှဉ်ကြည့်ဦး။ သူတို့က တပ်က ပင်စင်စားပြီးတာတောင် နိုင်ငံတော်ဘဏ္ဍာ ငွေကို တခြားနည်းနဲ့ ယူဖို့ကြံထားတဲ့ လုပ်ငန်းတွေ အများကြီး။ အဲဒီလုပ်ငန်း တွေကလည်း လူကြားကောင်းအောင် တပ်မတော်သားအားလုံး အတွက်လို့ ပြောနေပေမယ့် ဒီနေ့အထိ အောက်ခြေက ရဲဘော်လေးတွေ အဲဒီလုပ်ငန်းတွေက ရတဲ့ အကျိုးအမြတ် ဘယ်လောက် ရပြီးပြီလဲ မေးကြည့်ဦး။

သက်ပြည့်ပင်စင် ဒါမှမဟုတ် နာမကျန်း၊ ဒဏ်ရာကြောင့် ယူရတဲ့ ပင်စင်နာ ရဲဘော်ဟောင်းအများစုရဲ့ ဘဝကိုလည်းကြည့်။ ချိုင်းထောက်နဲ့ တုတ်ကောက်နဲ့ အိမ်တကာလှည့်ပြီး စာအုပ် ရောင်းနေကြရတယ်။ ဟို ပင်စင်စားကြီးတွေကျ အသင်းအဖွဲ့မှာ လုပ်တဲ့လခကော၊ နိုင်ငံရေးပင်စင်ကော၊ တပ်ရာထူး ပင်စင်ကော၊ ပို့ဆွမ်းတွေကော တစ်နင့်တစ်ပိုး ရပြီး မေးစေ့နဲ့ လည်ပင်း တစ်ဆက်တည်းဖြစ်ပြီး၊ ဂေါက်ရိုက်လိုက်၊ တင်းနစ်ကစားလိုက်၊ ရေကူးလိုက်၊ ဘန်ကောက်ကို အပန်းဖြေခရီး သွားလိုက်နဲ့ ဇိမ်ယစ်နေကြတာ။

တကယ်တော့ ကျွန်တော် ဒါတွေ သိပ်မပြောချင်ဘူး။ ဆရာ၊ ဆရာမ တွေ၊ ပညာရေးဝန်ထမ်း တွေအပေါ် နိုင့်ထက်စီးနင်း လုပ်တာများလွန်းလို့ ပြောရတာ။ ဒါတောင် ကျွန်တော် ထည့်မပြောပဲ ကျန်ခဲ့တဲ့ နစ်နာမှုတွေ အများကြီး... အများကြီး ရှိသေးတယ်။ ကျွန်တော်ထည့်မပြောပဲ ဒီနေ့အထိ အညွန့်ခူးစားနေတဲ့ လူတန်းစားတွေအကြောင်း အများကြီး... အများကြီး ရှိသေးတယ်။ ရှက်တတ်ရင် ရေမရှိတဲ့ချောင်းထဲ နှာခေါင်းပိတ် ခုန်ချပြီး သေဖို့ကောင်းတယ်ဆိုပြီး ငယ်ငယ်က နောက်ပြောတဲ့အတိုင်း ပြောရမလားပဲ။ အင်း... ကျွန်တော်တို့ ဘယ်လောက်ပြောပြော... ရေးရေး... မရှက်တတ်တဲ့သူ တွေကတော့ ကျွဲပါးစောင်းတီး ဖြစ်ခဲ့တယ်။

ဒီနေ့ ပင်စင်စား ဆရာ၊ ဆရာမကြီးတွေက တပည့်ဟောင်းတွေက ဂါရဝတရားနဲ့ နှစ်စဉ်လုပ်တဲ့ အာစရိယပူဇော်ပွဲကိုမျှော်ပြီး အသက်ရှင်နေ ကြရတာ။ တပည့်ဟောင်းတွေနဲ့လည်း တွေ့ရ၊ လုပ်ဖော်ကိုင်ဖက်ဟောင်း တွေနဲ့လည်း ဆုံရ၊ ထိုက်သင့်တဲ့ လှူဒါန်းဂါရဝ ပြုမှုလည်းရ ဆိုတာလေးက သူတို့ဘဝနေဝင်ချိန်မှာ အကောင်းဆုံး အဖော်ဖြစ်နေကြရှာတဲ့ ဆရာ၊ ဆရာမ ကြီးတွေ ဘယ်လောက် သနားဖို့ကောင်းလဲ။ တကယ်ဆို ဒီကနေ့ အာဏာသုံးရပ်နဲ့ တပ်မတော်ရဲ့ထိပ်ဆုံးမှာ ရောက်နေတဲ့သူတွေရော ကျွန်တော်တို့အားလုံးရော ဆရာ၊ ဆရာမတွေကသာ ဆုံးမ၊ ပဲ့ပြင် သင်ကြားမပေးခဲ့ဘူး ဆိုရင် ဒီနေ့ ဒီဘဝ၊ ဒီအခြေအနေ ဖြစ်လာနိုင်ပါ့မလား။ နည်းနည်းလောက် နဖူးပေါ် လက်တင်ပြီး စဉ်းစားကြည့်ကြဦး။ ကိုယ့်အိတ်ထဲ ဘယ်လောက် ကဲ့လို့ရမလဲ ဆိုတာပဲ တွက်ချက်ပြီး ဘတ်ဂျက်ဆွဲမနေကြဖို့ သတိပေးချင်တယ်။

အခုနောက်ပိုင်း နိုင်ငံတစ်ဝန်းမှာ နေ့စား လပေး မူလတန်းပြဆရာမများ ခန့်လာတယ်။ အဲဒီသတင်းကို ကြားကြားချင်း အငြိမ်းစား ပညာရေး ဝန်ထမ်းတစ်ဦးက ကြေကွဲဝမ်းနည်းစကား ဆိုတယ်။ နိုင်ငံအတွက် အရေးကြီးတဲ့ ပညာရေးကဏ္ဍမှာ ပင်စင်လစာနဲ့ တခြားခံစားခွင့်တွေ မပေးချင်တဲ့ အတွက် သူတို့ရဲ့ ပညာရေးဝန်ထမ်းတွေကို ဒီလို ဆွဲခန့် ခန့်ထားတဲ့အပေါ် သူ့အနေနဲ့ အတော့်ကို စိတ်မကောင်းဝမ်းနည်း ဖြစ်ရတယ်တဲ့။ အမှန်ပဲလေ။ ပညာရေးဌာနမှာ နှစ်တွေအများကြီး အမှန်တကယ် စွန့်လွှတ် အနစ်နာခံ အလုပ်လုပ်ခဲ့ကြတဲ့ ဆရာကြီး၊ ဆရာမကြီးတွေ ဝမ်းနည်းမယ်ဆိုလည်း ဝမ်းနည်းစရာပဲ။ အဲဒါထက် ပိုပြီး ဝမ်းနည်းစရာကောင်းတာက အခြေခံပညာ ဆရာ၊ ဆရာမတွေရဲ့အရေးကိစ္စကို ၁၉၆၀ ပြည့်လွန်နှစ် နောက်ပိုင်း အစိုးရအဆက်ဆက် လျစ်လျူရှုထားခဲ့သလို ဖြစ်နေတာပဲ။

ဆရာ၊ ဆရာမတွေဆိုတာ မျက်မှောက်နဲ့ အနာဂတ်နိုင်ငံကို ဦးဆောင်မယ့် မျိုးဆက်တွေကို အခြေခံကျကျ ပညာသင်ကြားပေးနေသူတွေ ဖြစ်ပေမယ့် သူတို့မပြောနဲ့ ပညာရေးဝန်ကြီးဌာန တစ်ခုလုံးရဲ့ အခွင့်အရေး၊ ရပိုင်ခွင့်တွေတောင် ကျန်တဲ့ဝန်ကြီးဌာန အားလုံးနဲ့ယှဉ်ရင် အနိမ့်ဆုံးအဆင့်မှာ ရှိနေခဲ့တာ။ အစိုးရအဆက်ဆက်ရဲ့ အကြောင်းပြချက်က ဆရာ၊ ဆရာမ ဦးရေများနေလို့ နိုင်ငံတော်ဘတ်ဂျက် ခွဲဝေသုံးစွဲရာမှာ အခြား ဝန်ကြီးဌာနတွေနဲ့ အချိုးကျ ဝေမျှ သုံးနေရတာကြောင့်လို့ ဆိုတယ်။

တကယ်တော့ ဘတ်ဂျက် ခွဲဝေသုံးစွဲတဲ့အခါ ဆောက်လုပ်ရေး၊ လယ်ယာစိုက်ပျိုးရေးနဲ့ ဆည်မြောင်း၊ စက်မှုလက်မှုလို အကောင်အထည် မြင်ရတဲ့ နယ်ပယ်တွေရဲ့စီမံကိန်း၊ စီမံချက်တွေမှာသာ ဘတ်ဂျက် အလုံးအရင်း သုံးခဲ့ပြီး ပညာရေး၊ ကျန်းမာရေးလို အရေးကြီး နယ်ပယ်တွေအတွက်တော့ အင်မတန်နည်းတဲ့ ဘတ်ဂျက်လောက်ပဲ ခွင့်ပြုခဲ့တာ။ အဲလို အလုံးအရင်းနဲ့ သုံးခဲ့တဲ့နယ်ပယ် တွေမှာလည်း ကုန်သွားတဲ့ဘတ်ဂျက်က နိုင်ငံ အတွက် ဘယ်လောက်သုံးပြီး ကိုယ်ကျိုးအတွက် ဘယ်လောက်ကဲ့ခဲ့ကြ သလဲဆိုတာ သက်ဆိုင်သူတွေ အသိဆုံး။

အရေအတွက်အရ ကြည့်ရင်လည်း သုံးသိန်းငါးသောင်း ဝန်းကျင်လောက်ပဲရှိတဲ့ အခြေခံပညာ ဆရာ၊ ဆရာမ ဦးရေက လေးသိန်းကျော် ငါးသိန်းလောက်ရှိတဲ့ တပ်မတော်သားတွေနဲ့ ယှဉ်ရင် သုံးပုံတစ်ပုံလောက် နည်းနေသေးတယ်။ အတန်းပညာ သတ်မှတ်ချက်မရှိတဲ့ ရိုးရိုးတပ်သား အဆင့်မှာကို ဖိနပ်၊ ခြေအိတ်၊ အောက်ခံဘောင်းဘီ၊ ယူနီဖောင်းက အစ ဦးထုပ်အထိ တစ်ကိုယ်ရေ အသုံးအဆောင်ပစ္စည်း အားလုံး၊ စားနပ်ရိက္ခာ ရာရှင်၊ နေစရာအိမ်၊ နေရာပြောင်းရင် တပ်မတော်ပိုင်ယာဉ် တွေနဲ့ အခမဲ့ ထောက်ပံ့မှုတွေ ရတယ်။ အဲဒီအချိန်မှာ အနိမ့်ဆုံး ပညာအရည်အချင်း ဘွဲ့ရ မူလတန်းပြဆရာ တစ်ယောက်က ရိုးရိုးတပ်သားထက် နည်းတဲ့ လစာ တစ်ခုပဲ မှီခိုရာဖြစ်နေတာ မျှတ သင့်တော်ရဲ့လား၊ ဖြစ်သင့်ရဲ့လား မေးခွန်းထုတ်စရာ ဖြစ်နေတယ်။

ဒီနေ့ဆိုရင်ကြည့်လိုက်။ တပ်မတော်မှာ ထမ်းဆောင်ခဲ့တဲ့ နောက်ဆုံး ရာထူးအတွက် သတ်မှတ်ပေးတဲ့ ပင်စင်လစာ (အဆင့်တူ အရပ်သားဝန်ထမ်း တွေရဲ့ ပင်စင်လစာထက် ပိုများ)အပြင် လက်ရှိ နိုင်ငံရေးရာထူး၊ လွှတ်တော် ရာထူး၊ အရပ်ဘက်အုပ်ချုပ်ရေး ရာထူးတွေနဲ့ တခြားဌာနဆိုင်ရာတွေမှာ ပြောင်းလဲထမ်းဆောင်နေတဲ့ ရာထူးတွေအလိုက် သတ်မှတ်ပေးတဲ့ လစာ တွေကိုပါ ပူးတွဲခံစားနေတာလည်း သင့်တော်ရဲ့လား၊ သိပ်အခွင့်အရေးယူ လွန်းအာကြီးမနေဘူးလား စောကြောစရာပေါ့။

နိုင်ငံတစ်ခု ရေရှည်ဖွံ့ဖြိုးတိုးတက်စေဖို့ ဆိုရင် နိုင်ငံသားတွေရဲ့ အသိဉာဏ် ပညာအဆင့်မြင့်ဖို့ လိုတယ်။ အဲလို အဆင့်မြင့်ဖို့ဆိုရင် သက်ဆိုင်ရာ နိုင်ငံရဲ့ ပညာရေးစနစ်နဲ့ အဲဒီစနစ်အတွက် နိုင်ငံတော်ဘတ်ဂျက် ဘယ်လောက်သုံးနေသလဲ ဆိုတဲ့ အချက်က အဓိကကျတယ်။ ပညာရေးအသုံးစရိတ် ဆိုတာ အနာဂတ်နိုင်ငံ၊ အနာဂတ်မျိုးဆက်သစ် တွေအတွက် ရင်းနှီးမြှုပ်နှံမှု လို့လည်း ပြောနိုင်တယ်။ အရင်အစိုးရ အဆက်ဆက်မှာတော့ မြင်သာထင်သာ ရှိတဲ့ ရုပ်ပိုင်းဆိုင်ရာတွေကိုပဲ ကိုယ်ကျိုးစီးပွား မကင်းတဲ့ အကြောင်းပြချက်တွေနဲ့ အားသန်နေခဲ့ပြီး ပညာရေးမှာ ရင်းနှီးမြှုပ်နှံဖို့ဆိုရင် ယုတ္တိကျသယောင် အလွဲဆင်ခြေတွေနဲ့ လက်တွန့်နေခဲ့တယ်။ ဒီနေ့ အစိုးရလက်ထက်မှာ အတိတ်က အမှားတွေကို သင်ခန်းစာယူပြီး ပညာရေး ဘတ်ဂျက်တိုးဖို့ တစ်နည်းဆိုရရင် အနာဂတ်အတွက် ရင်းနှီးမြှုပ်နှံဖို့ အကြံပေးလိုက်ပါရစေ။

ကျော်မင်းဆွေ

]]>
chili2028@gmail.com (The Voice) PERSPECTIVE Thu, 26 May 2016 12:42:20 +0000
ရက် ၁၀၀ ၅၀ သား အစိုးရ http://www.thevoicemyanmar.com/index.php/perspective/item/10825-asy http://www.thevoicemyanmar.com/index.php/perspective/item/10825-asy ရက် ၁၀၀ ၅၀ သား အစိုးရ

လွှတ်တော်စစဉ်မှ စရေတွက်လျှင် သက်တမ်း ရက် ၁၀၀ ကျော်၊ အစိုးရ စတက်စဉ်မှ စရေတွက်လျှင် ရက် ၅၀ သား အစိုးရကို တစေ့တစောင်း အကဲခတ်လိုက်ပါသည်။ လွှတ်တော်နှင့် အစိုးရဌာနများကို အစိုးရသစ်၊ လွှတ်တော်သစ်တို့ အတွင်းမှ ဝင်ကြည့်ခွင့်ရပြီ၊ စလည်း အကောင်အထည်ဖော်နေပြီ ဖြစ်ရာ နောက်ငါးနှစ်အတွင်း ပေါ်လာမည့်ရုပ်ပုံကို မြည်းစမ်းနိုင်ပြီ ဖြစ်သည်။

ဝန်ကြီးဌာန အသီးသီး ဆောင်ရွက်နေသော ရက် ၁၀၀ စီမံကိန်းများကို နိုင်ငံပိုင်သတင်းစာများတွင် ရက် ၅၀ ခန့်အကြာတွင် ခပ်စိပ်စိပ် ဖော်ပြလာသည်။ ရက် ၁၀၀ အတွင်း ဆောင်ရွက်ရမည့် လုပ်ငန်းများသည် Public Relations ခေါ် ပြည်သူ့ဆက်ဆံရေး အလေးပေးသည့် လုပ်ငန်းများနှင့် နောင်ငါးနှစ်အတွက် အခြေခံပုံလောင်းပေးမည့် လုပ်ငန်းများဟု ရောထွေးနေသည်ကို မြင်ရသည်။ ယခုအစိုးရသည် လူကြိုက်များပြီးသား အစိုးရဖြစ်ရာ အနာဂတ်အတွက် အခြေခံခိုင်မာအောင် အုတ်မြစ်ချသည့် လုပ်ငန်းများ၊ နောင်တွင် လုပ်ရခက်မည့် လုပ်ငန်းများကို ဦးစားပေးသင့်သည်ဟု မြင်ပါသည်။ ဒေါ်အောင်ဆန်းစုကြည် ကိုယ်တိုင်မှာမူ အတွင်းပိုင်း ဖြစ်ပျက်နေသည်များကို ယခင်ကထက် မြင်လာရပြီဖြစ်ရာ လက်တွေ့ကျသော ဆောင်ရွက်ချက်များ ချမှတ်လာသည်ကို မြင်ရသည်။

တစ်ရက်လျှင် ဒေါ်လာဆယ့်လေးသန်းဖိုး ဖြတ်သန်းသွားလာနေသည့် မန္တလေး-မူဆယ်လမ်းကို ပြင်ဆင်လျှင် စီးပွားကူးသန်းဝန်ကြီး ချမှတ်သည့် ငါးနှစ်အတွင်း ပို့ကုန်သုံးဆတိုးရေး စီမံချက်ကို ကြီးစွာအထောက်အကူပြုမည်၊ မြန်မာ့လယ်ယာ အပါအဝင် မြန်မာ့စီးပွားရေး တိုးတက်မည် ဖြစ်သဖြင့် ဦးစားပေး ပြင်ဆင်သင့်ကြောင်း စာရေးသူ ဆောင်းပါးတစ်စောင် ရေးခဲ့ဖူးသည်။ ထိုကိစ္စကို ဆောက်လုပ်ရေး ဝန်ကြီးဌာန၏ ရက် ၁၀၀ စီမံကိန်းတွင် မတွေ့လိုက်ရသော်လည်း စီးပွားကူးသန်း ဝန်ကြီး၏ မူဆယ်ခရီးစဉ်တွင် ပြင်ဆင်မည်ဟု ပြောကြားသဖြင့် ဝမ်းသာမိသည်။

သမ္မတ ဦးထင်ကျော်၏ အာဆီယံ-ရုရှား ထိပ်သီးအစည်းအဝေး ခရီးစဉ်သည် ဒေါ်အောင်ဆန်းစုကြည် မလိုက်ပါသော ခရီးစဉ်ဖြစ်ရာ ၎င်း၏ စွမ်းဆောင်ရည်ကို မြင်ရမည်ဖြစ်သည်။

နိုင်ငံတကာခေါင်းဆောင်များ အနေဖြင့်လည်း ‘ဒေါ်အောင်ဆန်းစုကြည်၏ ရုပ်ပြ’ ဟု ပြည်ပမီဒီယာအချို့ ရေးသားကြသည့် ဦးထင်ကျော်ကို အကဲခတ်ကြမည် ဖြစ်သည်။

နိုင်ငံတော် အတိုင်ပင်ခံပုဂ္ဂိုလ်ရုံး ဝန်ကြီးဌာန


နိုင်ငံတော် အတိုင်ပင်ခံပုဂ္ဂိုလ် ရာထူးကို စတင်တီထွင်စဉ်က ယင်းသည် အုပ်ချုပ်ရေးနှင့် ဥပဒေပြုရေး နှစ်ခုလုံးနှင့် အကျုံးဝင်နေသဖြင့် အခြေခံဥပဒေနှင့် မညီဟု ဝေဖန်သံများ ထွက်လာသည်။ နိုင်ငံတော် အတိုင်ပင်ခံပုဂ္ဂိုလ်ရုံး ဝန်ကြီးဌာနကို ဖွဲ့စည်းလိုက်ခြင်းသည် နိုင်ငံတော် အတိုင်ပင်ခံရာထူးကို အုပ်ချုပ်ရေး အာဏာတွင်းသို့ ပြန်လည်ပို့ဆောင်လိုက်ခြင်းပေလား။ သို့ဆိုလျှင် အခြေခံဥပဒေနှင့် ညီ မညီ အငြင်းပွားရန် နည်းသွားပြီလား။

နိုင်ငံတော် အတိုင်ပင်ခံရုံး ဝန်ကြီးအဖြစ် ကုလသမဂ္ဂဆိုင်ရာ မြန်မာသံအမတ်ကြီးဟောင်း ဦးကျော်တင့်ဆွေကို ရွေးချယ်လိုက်ခြင်းသည် အရည်အချင်းမြင့်သူကို မြှောက်စားခြင်းဖြစ်ရာ များစွာ သင့်လျော်ပါသည်။ နိုင်ငံတော် အတိုင်ပင်ခံရုံးသည် ဒေါ်အောင်ဆန်းစုကြည်၏ ရုံးဖြစ်ရာ အခရာကျသည်၊ အခြားနိုင်ငံများရှိ သမ္မတရုံး ဝန်ကြီးဌာနနှင့် ဆင်တူသည်။ ဦးကျော်တင့်ဆွေသည် နိုင်ငံတွင် အခေါင်အချုပ်ဖြစ်သော ဒေါ်အောင်ဆန်းစုကြည်နှင့် တိုက်ရိုက်ဆက်ဆံရသော ဝန်ကြီးဖြစ်ရာ အကြံဉာဏ်ပေးခြင်း၊ လက်တွေ့ အကောင်အထည်ဖော်ခြင်းတို့ ပါဝင်သော တာဝန်ဝတ္တရားများ များပြားမည်ဟု မြင်ပါသည်။ ဦးကျော်တင့်ဆွေသည် သူတာဝန်ခံရသော အသက် ၇၁ နှစ်အရွယ် ဒေါ်အောင်ဆန်းစုကြည် ထက်ပင် အသက်ယောင်ယောင် ကြီးသေးသည်ဟု သိရရာ နိုင်ငံတော် အတိုင်ပင်ခံရုံး ဝန်ကြီးဌာန ထိထိရောက်ရောက် လည်ပတ်နိုင်ရေးအတွက် ဦးကျော်တင့်ဆွေကို ကူညီမည့် သူ့ထက် မျိုးဆက်တစ်ဆက် ငယ်ရွယ်သော အသက် ၅၀ ခန့် ဒုဝန်ကြီးတစ်ဦး ခန့်ထားသင့်ပါသည်။ ဒုဝန်ကြီးများ မခန့်ရသေးသော အခြားဝန်ကြီးဌာနများ တွင်လည်း ဒုဝန်ကြီးများ ဆက်လက်ခန့်ထားသင့်သည်။ ဝန်ကြီးသည် ထိုနယ်ပယ်နှင့်စိမ်းလျှင် ကျွမ်းကျင်သူ ဒုဝန်ကြီးခန့်ခြင်း၊ ဝန်ကြီးသည် အသက်အရွယ်ကြီးရင့်လျှင် ငယ်ရွယ်သူကို ဝန်ကြီးခန့်ခြင်းတို့ စဉ်းစားသင့်ပါသည်။

၂၁ ရာစုပင်လုံ


၂၁ ရာစု ပင်လုံညီလာခံ ကျင်းပရေးအတွက် အရှိန်မြှင့် ဆောင်ရွက်လာသည်ကို မြင်ရသည်။ တစ်ချိန်တည်းတွင် ပြည်တွင်းလက်နက်ကိုင် တပ်ဖွဲ့အချို့ အကြား၊ တပ်မတော်နှင့် ပြည်တွင်းလက်နက်ကိုင် တပ်ဖွဲ့အချို့ အကြား တိုက်ပွဲများ ဆက်လက်ဖြစ်ပွားလျက် ရှိသည်။ ငြိမ်းချမ်းရေး စားပွဲဝိုင်းတွင် ဝင်ထိုင်လိုသူများ များပြားလျက် ရှိသည်ဟု အကဲခတ်ရသည်။

တပ်မတော် ကာကွယ်ရေးဦးစီးချုပ်က သတင်းစာရှင်းလင်းပွဲနှင့် သတင်းမီဒီယာကောင်စီနှင့် တွေ့ဆုံပွဲများ ဆက်တိုက်ပြုလုပ်သွားသည်။ အစိုးရသစ်နှင့် ဆက်ဆံရေးနှင့် ပတ်သက်ပြီး အပြုသဘောမှတ်ချက်များ ပေးသွားသည်။

အရေးယူပိတ်ဆို့မှု လျှော့ချခြင်းနှင့် ဒေါ်အောင်ဆန်းစုကြည် အမြင်


အမေရိကန်ပြည်ထောင်စုက မြန်မာနိုင်ငံအပေါ် အရေးယူပိတ်ဆို့မှု အချို့ကို မေလ ၁၇ ရက်နေ့တွင် လျှော့ချလိုက်သော်လည်း အရေးယူပိတ်ဆို့မှု အချို့ကို ဆက်လက်ထားရှိသည်။ နိုင်ငံရေး ပြုပြင်ပြောင်းလဲမှုများနှင့် စီးပွားရေး တိုးတက်မှုကို ကူညီရန် ဖြေလျှော့လိုက်ကြောင်း၊ လူ့အခွင့်အရေး ချိုးဖောက်မှုအချို့နှင့် မြောက်ကိုရီးယားနှင့် ကုန်သွယ်မှုကို ဒဏ်ခတ်သည့် အနေဖြင့် အရေးယူမှုအချို့ကို ဆက်လက်ထားရှိကြောင်း အမေရိကန်အစိုးရက အကြောင်းပြချက်ပေးသည်။ အထူးသဖြင့် Asia World ဦးဆောင်သူ Steven Law ခေါ် ဦးထွန်းမြင့်နိုင် အပေါ် အရေးယူပိတ်ဆို့မှုများ ဆက်လက်ထားရှိသည့်အပြင် Asia World သို့မဟုတ် သူ၏ ရှယ်ယာ ၅၀ ရာခိုင်နှုန်းနှင့်အထက် ပါဝင်သော ကုမ္ပဏီခြောက်ခုကို အရေးယူပိတ်ဆို့မှုတွင်း ထပ်မံ ထည့်သွင်းလိုက်သည်။ အမေရိကန် နိုင်ငံခြားရေးဝန်ကြီး John Kerry မြန်မာနိုင်ငံသို့ မေ ၂၂ ရက်နေ့ မလာရောက်မီကလေးတွင် ယခုကဲ့သို့ အရေးယူပိတ်ဆို့မှု အချို့ကို လျှော့ချလိုက်ခြင်း ဖြစ်သည်။ မြန်မာ့စီးပွားရေးဘဏ်၊ မြန်မာ့နိုင်ငံခြား ကုန်သွယ်မှုဘဏ်၊ မြန်မာ့ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် တို့ကို နာမည်ပျက်စာရင်းမှ ဖယ်ရှားပေးလိုက်ခြင်းသည် အမေရိကန်တို့ အိတ်ထဲမှ တစ်ပြားတစ်ချပ်မျှ မစိုက်ရသော်လည်း မြန်မာ့စီးပွားရေးအပေါ် များစွာသက်ရောက်မည် ဖြစ်သည်။ အရေးယူပိတ်ဆို့မှုများကို လျှော့ပေါ့ခြင်းသည် မြန်မာ့ပြုပြင်ပြောင်းလဲရေးနှင့် စီးပွားရေး တိုးတက်မှုကို ကူညီရန်ဟု အမေရိကန်က ကြေညာသော်လည်း အမေရိကန်၏ စီးပွားရေး ပိတ်ဆို့မှုများသည် နိုင်ငံကို မထိခိုက်ဟု ဒေါ်အောင်ဆန်းစုကြည်က စင်ကာပူ နိုင်ငံခြားရေးဝန်ကြီးနှင့် ပူးတွဲပြုလုပ်သည့် မေလ ၁၈ ရက် သတင်းစာရှင်းလင်းပွဲတွင် ပြောကြားလိုက်ရာ အမေရိကန်၏ လျှော့ပေါ့မှုများသည် နိုင်ငံအပေါ် သက်ရောက်မည် မဟုတ်ဟု ပြောဆိုသလို ဖြစ်သွားသည်။

နည်းလမ်းဟောင်းသစ်


နိုင်ငံရေး တက်ကြွလှုပ်ရှားသူများ၊ လက်နက်ကိုင်များ၊ အရပ်ဘက် အဖွဲ့အစည်းဝင်များသည် အစိုးရသစ်ကို မည်သို့ဆက်ဆံရမည်၊ အစိုးရသစ်လက်ထက်တွင် မည်သို့ လှုပ်ရှားရမည်ကို ပြင်ဆင် အကဲခတ်နေကြရာ တိုးပွားလာသော လှုပ်ရှားမှုများကို မြင်ရသည့်အတွက် အကဲခတ်ပြီးပြီဟု မြင်ရသည်။ ယခင်အစိုးရ အစဉ်အဆက် ကြုံခဲ့ရသော မရိုးနိုင်သည့် အခက်အခဲများကို ယခုအစိုးရ ကြုံရမည့်နည်းတူ ယခုအစိုးရသစ် လက်ထက်မှ ပေါ်လာသည့် အခက်အခဲသစ် များကိုလည်း ကြုံရပေဦးမည်။ ထိုအခါတွင် ယခင်က ဖြေရှင်းခဲ့သည့် ပွဲတွေ့ နည်းဟောင်းများကို အကြံပေးသူက ပေးမည် ဖြစ်သလို ပွဲမဝင်ရသေးသည့် နည်းလမ်းသစ်များကိုလည်း အကြံပေးကြမည် ဖြစ်သည်။

ဒီမိုကရေစီ အစိုးရ


မည်သည့်နည်းလမ်းများကို ကျင့်သုံးသည်ဖြစ်စေ ယခုအစိုးရသည် ဒီမိုကရေစီအစိုးရ ဖြစ်ရာ သူကျင့်သုံးသည့် နည်းလမ်းများသည် ဒီမိုကရေစီ အစိုးရတို့က ကျင့်သုံးသည့် နည်းလမ်းများအဖြစ် နောင်လာနောက်သားတို့က အတုယူကြပေမည်။ ထွက်ပေါ်လာသော ရလဒ်များကိုလည်း အောင်မြင်ခြင်း ရှိမရှိ လေ့လာစေ့ငုကြပေမည်။ ဒီမိုကရေစီအစိုးရ မအောင်မြင်လျှင် ‘ဒီမိုကရေစီကြောင့် မအောင်မြင်’ သို့မဟုတ် ‘ဒီမိုကရေစီလည်း မအောင်မြင်’ ဟု အတွေးပေါက်ကြပါက အနာဂတ် မြန်မာနိုင်ငံအတွက် မကောင်းပါ။ ထို့ကြောင့် အစိုးရ တစ်ရပ်တည်းကိုသာ ပုံမထားဘဲ ကိုယ်တတ်နိုင်သည့်ဘက်မှ ကူညီကြရန် လိုအပ်ပါသည်။

ရက် ၁၀၀ ပြည့် သို့မဟုတ် ရက် ၅၀ သား အစိုးရ ဆက်လျှောက်ရမည့်လမ်းတွင် အခက်အခဲများစွာ ကျော်လွှားရမည်။ ထိုအခက်အခဲများကို ပြည်သူလူထုအတွက် ရင်ဆိုင် ဖြေရှင်းပေးလိုသောကြောင့် အစိုးရဖြစ်အောင် ကြိုးစားခဲ့ကြခြင်း ဖြစ်ရာ ထိုအခက်အခဲများကို ကြောက်မည့်သူများ မဟုတ်ဘဲ လာမည့်ဘေး ပြေးတွေ့မည်သူများဟုသာ ထင်မြင်မိသည်။ စိတ်ရှည်လျှင်၊ လူမှန်နေရာမှန် ချနိုင်လျှင် အောင်မြင်နိုင်ပါသည်။

ဇေယျသူ

]]>
chili2028@gmail.com (The Voice) PERSPECTIVE Sat, 21 May 2016 12:47:48 +0000
ဖက်ဒရယ်အတွက် ပထမခြေလှမ်း http://www.thevoicemyanmar.com/index.php/perspective/item/10786-fdr http://www.thevoicemyanmar.com/index.php/perspective/item/10786-fdr ဖက်ဒရယ်အတွက် ပထမခြေလှမ်း

ငြိမ်းချမ်းရေးလုပ်ငန်းစဉ် အတွက် အရေးကြီးသော စကားလုံးတစ်ခုမှာ ဖက်ဒရယ်ဖြစ်သည်။ ဖက်ဒရယ်ကို အဓိပ္ပာယ်မျိုးစုံ ဖွင့်ဆိုကြသည်။ တပ်မတော်၏ ဖက်ဒရယ်အယူအဆနှင့် တိုင်းရင်းသား လက်နက်ကိုင်များ၏ ဖက်ဒရယ်အယူအဆလည်း မတူချေ။ ထို့အတူ တိုင်းရင်းသားလက်နက်ကိုင် အဖွဲ့အစည်း တစ်ခုချင်းစီ၏ မိမိတို့လူမျိုး၊ ပထဝီအနေအထား၊ သယံဇာတပေါ် မူတည်၍လည်း ဖက်ဒရယ်ကို တောင်းဆိုမှုများ မတူညီကြပါချေ။ သို့သော်လည်း ဖက်ဒရယ်ကို ခွဲထွက်ခွင့်မှလွဲ၍ ကျန်ကိစ္စရပ်များ အတွက် စားပွဲဝိုင်းတွင် ညှိနှိုင်းဆွေးနွေးကြရန် သဘောတူပြီးဖြစ်သည်။ မကြာခင် အချိန်တွင်လည်း ၂၁ ရာစု ပင်လုံညီလာခံတွင် နိုင်ငံရေးအင်အားစုများက ဖက်ဒရယ်ကိစ္စကို အကျေအလည် ဆွေးနွေးကြရတော့မည်ဖြစ်ရာ မြန်မာနိုင်ငံအတွက် အသုံးဝင်ကိုက်ညီမည့် ဖက်ဒရယ်ပုံစံကို အရိုးရှင်းဆုံး ပုံဖော်ကြည့်လိုက်ရ ပါသည်။

ဖက်ဒရယ်၏ အနှစ်သာရ


နိုင်ငံအတော်များများတွင် ဖက်ဒရယ်စနစ်ကို ကျင့်သုံးသည် မှန်သော်လည်း ထိုစနစ်ကျင့်သုံးသော နိုင်ငံတိုင်းက ဖက်ဒရယ်ဟူသော စကားလုံးကို သုံးနှုန်းကြခြင်း မဟုတ်ပါ။ အထင်သာဆုံး အမေရိကန်ပြည်ထောင်စု အနေနှင့် ဖက်ဒရယ်စနစ်ကို ကျင့်သုံးသော်လည်း နိုင်ငံ၏ နာမည်အပြည့် အစုံတွင် ဖက်ဒရယ်ဟု မပါရှိပါချေ။ မိတ်ဆွေတစ်ဦးက ဟာသနှော၍ ပြောဖူးသည်မှာ “ကမ္ဘာပေါ်က ဘယ်နိုင်ငံ ဖက်ဒရယ်စစ်လဲ သိချင်ရင် သူ့နိုင်ငံနာမည် အရှည်ကို ကြည့်လိုက်၊ ဖက်ဒရယ်စနစ် တကယ်ကျင့်သုံးတဲ့ နိုင်ငံတွေရဲ့ နာမည်မှာ ဖက်ဒရယ်ဆိုတာ မပါဘူး” ဟူ၍။ စာရေးသူလည်း သေချာ သုတေသန လုပ်မကြည့်ဖူးသည့်အတွက် ယင်းအဆို မှန်မမှန် မသိပါ။ ဆိုလိုရင်းမှာ ဖက်ဒရယ်စနစ် ဆိုသည်မှာ နိုင်ငံရေးပုံစံတစ်ခုသာ ဖြစ်၍ ဖက်ဒရယ်ဟု ခေါ်ခြင်း မခေါ်ခြင်းထက် အာဏာခွဲဝေ ကျင့်သုံးခြင်းဆိုင်ရာ ညီညွတ် မျှတမှု ရှိမရှိဆိုသော အနှစ်သာရသဘောက ပိုအရေးကြီးသည်ဟု ပြောလိုခြင်းဖြစ်သည်။ ဘာကြောင့် ဤသို့ပြောရသနည်း ဆိုလျှင် လာမည့် ငြိမ်းချမ်းရေး ဆွေးနွေးပွဲများတွင် ဖက်ဒရယ်သမ္မတ မြန်မာနိုင်ငံဟု ခေါ်တွင်စေရန် အဆိုတင်လာပြီး ငြင်းခုံနေကြမည်ကို စိုးရိမ်မိသောကြောင့် ဖြစ်သည်။

ဖက်ဒရယ်၏ အနှစ်သာရမှာ မြန်မာနိုင်ငံအတွက်ဆိုလျှင် တိုင်းနှင့် ပြည်နယ် ၁၄ ခုအား အာဏာနှင့် သယံဇာတ ခွဲဝေကျင့်သုံးစေခြင်း ဖြစ်သည်။ ထိုသို့ ခွဲဝေကျင့်သုံးစေရာတွင် အရေးအကြီးဆုံး အချက်မှာ လွတ်လပ်စွာ စီရင်ပိုင်ခွင့်ဖြစ်သည်။ ပြည်ထောင်စုအစိုးရနှင့် ပြည်နယ် သို့မဟုတ် တိုင်းဒေသ ကြီးအစိုးရတို့အကြား ခွဲဝေထားသော လုပ်ပိုင်ခွင့်များ နှင့်အညီ လွတ်လပ်စွာ စီရင်ပိုင်ခွင့် ရှိရမည်ဖြစ်သည်။ တစ်နည်းဆိုသော် ပြည်နယ်နှင့် တိုင်းဒေသကြီး အစိုးရများမှာ ပြည်ထောင်စုအစိုးရ၏ အမိန့်ကို စောင့်စရာ၊ လိုက်နာစရာ မလိုအပ်။ မိမိတို့အား ခွဲဝေပေးထားသော အခွင့်အာဏာများကို လွတ်လပ်စွာ အသုံးချနိုင်ရမည်ဖြစ်သည်။ ထိုသို့ ပြည်နယ် သို့မဟုတ် တိုင်းအစိုးရများ၏ အခွင့်အာဏာများကို ပြည်နယ် သို့မဟုတ် တိုင်းလွှတ်တော်တို့က အပြန်အလှန် စောင့်ကြည့် ထိန်းညှိရမည်ဖြစ်သည်။

ဤနေရာတွင် သတိပြုရမည်မှာ ခွဲဝေပေးထားသော အခွင့်အာဏာတို့ကို လွတ်လပ်စွာ စီရင်ခွင့်သာဖြစ်သည်။ အချို့အာဏာတို့မှာမူ ပြည်ထောင်စုနှင့် ပြည်နယ်/တိုင်းတို့ ပူးတွဲ ၍သော်လည်းကောင်း၊ ပြည်ထောင်စု၏ လုပ်ပိုင်ခွင့် ခွင်ထဲတွင်လည်းကောင်း တည်ရှိနိုင်သည်။ ထိုကိစ္စများတွင်မူ ပြည်ထောင်စုအစိုးရနှင့် ညှိနှိုင်း လုပ်ဆောင်ရမည်ဖြစ်သည်။ ထို့အတူ အချို့သော အခွင့်အာဏာများမှာ ပြည်နယ်နှင့်တိုင်း အချင်းချင်းအကြား ပူးပေါင်း ဆောင်ရွက်ရသည့် ကိစ္စများလည်း ရှိနိုင်သည်။
ဥပမာ- ပြည်နယ်နှစ်ခုကို ဖြတ်၍ လမ်းဖောက်သည့် ကိစ္စမျိုး။ နောက်ထပ်အရေးကြီးသည့် အချက်တစ်ခုမှာ ပြည်ထောင်စုအဆင့် လွှတ်တော်တွင် လူမျိုးစုများအရေးကို တင်ပြ ဆွေးနွေးနိုင်မည့် Platform တစ်ခု ရှိနေစေခြင်းဖြစ်သည်။ မြန်မာနိုင်ငံတွင် အမျိုးသားလွှတ်တော်ရှိသည်။ သို့သော်လည်း အမျိုးသားလွှတ်တော်တွင် တိုင်းရင်းသားများ၏ ပြောရေးဆိုခွင့်ကို မည်မျှအထိအခွင့်အာဏာ ပေးထားသလဲ ဆိုသည်ကတော့ လက်ရှိနိုင်ငံရေး အခင်းအကျင်းနှင့်သာ သက်ဆိုင်သည်။ နောက်ဆုံးအချက်မှာ အာဏာခွဲဝေမှုဆိုင်ရာ အငြင်းပွားမှုများ ဖြစ်ပေါ်လာပါက ဖြေရှင်းပေးနိုင်သည့် သမာသမတ်ကျသော တရားစီရင်ရေး ရှိရမည်ဖြစ်သည်။ မြန်မာနိုင်ငံတွင် အခြေခံဥပဒေခုံရုံး ရှိသော်လည်း မည်မျှ သမာသမတ်ကျသည်ကမူ ဆုံးဖြတ်ရခက်သည့် ကိစ္စ ဖြစ်သည်။

ဖက်ဒရယ်၏ အနှစ်သာရမှာ ဒီလိုရှိသည်ဟု ပြောဆိုနိုင်သော်လည်း လက်တွေ့တွင်မူ လိုလားချက်များက စိန်ခေါ်လျက် ရှိသည်ကို ပြီးခဲ့သည့် ငြိမ်းချမ်းရေးညီလာခံတွင် တွေ့မြင်ရသည်။ ဥပမာဆိုရလျှင် ရှစ်ပြည်နယ်မူကို ပြန်လည် အသက်သွင်းလာမှုကိစ္စ။ မြန်မာနိုင်ငံတွင် လူမျိုးကိုအခြေခံသော ပြည်နယ် ၇ ခု၊ ပထဝီကို အခြေခံသော တိုင်း ၇ တိုင်း ရှိသည်ဖြစ်ရာ အဓိကလူမျိုးစုအချို့က ဗမာနယ်ကို ၇ ပိုင်းခွဲ၍ မထားသင့်၊ ဗမာပြည်နယ်အဖြစ် တစ်ခုတည်း ပေါင်းထားသင့်သည်ဟု ၈ ပြည်နယ်မူကို ပြန်လည်တင်ပြကြသည်။ အဆိုပါ ပြည်နယ် ၇ ခု၊ တိုင်း ၇ တိုင်းအပြင် ကိုယ်ပိုင်အုပ်ချုပ်ခွင့်ရ ဒေသ ၆ ခုလည်း ရှိသည်ဖြစ်ရာ အချို့သော လူမျိုးစုများက ပြည်နယ်အသစ် တောင်းဆိုခြင်း၊ ကိုယ်ပိုင်အုပ်ချုပ်ခွင့်ရ ဒေသအသစ် တောင်းဆိုခြင်းတို့ကိုလည်း တွေ့ရသည်။ သို့အတွက် ပြည်နယ်နှင့်တိုင်း အချိုးအစား သတ်မှတ်မှု တစ်ခုတည်းတွင်ပင် အမြင်ပေါင်းစုံ၊ လိုလားချက်ပေါင်းစုံ ရှိနိုင်သည်ဖြစ်ရာ အစိုးရအနေနှင့် တိကျပြတ်သား ခိုင်မာသော မူဝါဒတစ်ရပ် သေသေချာချာ ချမှတ်ထားဖို့ လိုအပ်ပါသည်။
ဥပမာ - ကိုယ်ပိုင် လက်နက်ကိုင်တပ် အင်အား တောင့်တင်းသော လူမျိုးကို ပြည်နယ်အဆင့် ပေးသော်လည်း လက်နက်ကိုင်တပ် မရှိသော လူမျိုး၏ ပြည်နယ်အဆင့် တောင်းဆိုမှုကို ငြင်းပယ်မည်ဆိုပါက ပြဿနာ ပိုမိုကြီးထွားလာနိုင် ပေသည်။ သို့သော်လည်း ၎င်းတို့၏တောင်းဆိုမှုကို ယတိပြတ် ငြင်းဆိုလိုက်၍လည်း မရပေ။ အကျိုးသင့် အကြောင်းသင့် ပြန်လည်ချေပ တင်ပြနိုင်ရမည် ဖြစ်သည်။ တိုင်းရင်းသားလူနည်းစုများ၏ အရေးကို လျစ်လျူရှုငြင်းပယ် လျှင်လည်း ဗမာလူမျိုးကြီးဝါဒ ကျင့်သုံးသည်ဟု တိုင်းရင်းသားများက ယူဆသွားနိုင်သည်။ ထို့ကြောင့် အပြန်အလှန် ရိုသေလေးစားမှုဖြင့် ရှဥ့်လည်း လျှောက်သာ၊ ပျားလည်းစွဲသာ အခြေအနေကို ညှိနှိုင်းယူရမည်ဖြစ်သည်။

ဗဟိုချုပ်ကိုင်မှု လျှော့ချခြင်း


ဖက်ဒရယ်နှင့် ကျွဲကူးရေပါ ပါလာသည်မှာ ဗဟိုချုပ်ကိုင်မှု လျှော့ချခြင်းဖြစ်သည်။ မြန်မာနိုင်ငံတွင် တိုင်းရင်းသားများ တောင်းဆိုနေကြသည်မှာ ဖက်ဒရယ်ဆိုသော်လည်း ဗဟိုချုပ်ကိုင်မှု လျှော့ချခြင်းဟုဆိုလျှင် ပိုသင့်တော်သည်။ အဘယ်ကြောင့်ဆိုသော် ၂၀၀၈ အခြေခံဥပဒေ၌ ဖက်ဒရယ်ပုံစံ အာဏာခွဲဝေမှု (အခြေခံဥပဒေ ပုဒ်မ ၉၆ အရ ဇယား ၁ နှင့် ပုဒ်မ ၁၈၈ အရ ဇယား ၂) ပါရှိပြီးဖြစ်သည်။ သို့သော် ပြဿနာမှာ ပေးအပ်ထားသော အာဏာခွဲဝေမှု မမျှတခြင်းဖြစ်သည်။ အာဏာခွဲဝေမှု သာမက သယံဇာတ ခွဲဝေမှုကိုလည်း ပြည်ထောင်စုအစိုးရကိုသာ အခွင့်အာဏာအလုံးစုံ ပေးအပ်ထားသည့် အနေအထားဖြစ်သည်။ ထို့ကြောင့် သဘာဝဓာတ်ငွေ့ ထွက်သော ရခိုင်တွင် လျှပ်စစ်မီး လုံလောက်မှု မရှိခြင်းကဲ့သို့ မညီမျှမှုများ ဖြစ်ပေါ်နေခြင်း ဖြစ်သည်။ ထို့ကြောင့် ယင်း ဇယား ၁ နှင့် ဇယား ၂ ပါ အာဏာခွဲဝေမှု ညီမျှစေရန် လာမည့်ငြိမ်းချမ်းရေး ဆွေးနွေးပွဲများတွင် အကျေအလည် ဆွေးနွေးရမည် ဖြစ်သည်။ ပြည်ထောင်စုအစိုးရက ယူထားသော အာဏာများကို လျှော့ချနိုင်ရန် အဓိကထား၍ တောင်းဆိုကြရမည် ဖြစ်သည်။ ပြည်ထောင်စုအစိုးရ ကလည်း တိုင်းရင်းသားများ လိုလားသော ဖက်ဒရယ်စနစ်ကို အမှန်တကယ် လိုက်လျောပေးချင်သည် ဆိုလျှင် ဇယား ၁ နှင့် ၂ ပါ အချက်များအား လိုအပ်သလို လျှော့ချပြင်ဆင်ပေးရမည် ဖြစ်သည်။

နောက်ထပ် အရေးကြီးသော အာဏာခွဲဝေမှုဆိုင်ရာ အားနည်းချက်မှာ ပြည်နယ်နှင့်တိုင်း အစိုးရခေါင်းဆောင် ဝန်ကြီးချုပ်များအား သမ္မတမှ ခန့်အပ်ခြင်းကိစ္စ ဖြစ်သည်။ တကယ်ဆိုလျှင် ပြည်နယ်နှင့် တိုင်းအစိုးရ ခေါင်းဆောင်များမှာ ဖက်ဒရယ်စနစ်၏ အနှစ်သာရအရ ပြည်ထောင်စု၏ လက်အောက်ခံ မဟုတ်ပေ။ ထို့ကြောင့် ပြည်ထောင်စုအစိုးရကို သစ္စာခံစရာ မလိုပေ။ သို့သော်လည်း မြန်မာနိုင်ငံအတွက်မူ ပြည်နယ်နှင့်တိုင်း ဝန်ကြီးချုပ်များမှာ သမ္မတ၏စကား (တစ်နည်း) ပြည်ထောင်စုအစိုးရ၏ အမိန့်ကို နာခံရန် အလားအလာ များနေသည်။ ဇယား ၂ တွင် လုပ်ပိုင်ခွင့်များကို မည်မျှ တိုးပေးထားသည်ဖြစ်စေ ယင်းလုပ်ပိုင်ခွင့်များကို အကောင်အထည် ဖော်ရမည့် သက်ဆိုင်ရာပြည်နယ်နှင့် တိုင်းအစိုးရ ခေါင်းဆောင်များကို သမ္မတက ထိန်းချုပ်ထားလျှင် ဗဟိုချုပ်ကိုင်မှု ကဲနေဦးမည် ဖြစ်သည်။ ထို့ကြောင့် တိုင်းရင်းသားများ တောင်းဆိုသော ဖက်ဒရယ်စနစ် ပီပြင်စေရန် လိုက်လျော ပေးလိုသည် ဆိုလျှင် ပြည်နယ်နှင့်တိုင်း ဝန်ကြီးချုပ်များအား ဇယား ၂ ပါကိစ္စရပ်များ စီမံခန့်ခွဲနိုင်ရန် လွတ်လပ်သော အခွင့်အာဏာ အပြည့်အဝ ပေးနိုင်ရမည်ဖြစ်သည်။ ပြည်နယ်နှင့် တိုင်းဝန်ကြီး ချုပ်များကို သက်ဆိုင်ရာဒေသမှ မဲဆန္ဒရှင်များ စိတ်ကြိုက်ဖြစ်မည့်သူ တင်မြှောက်စေခြင်းဖြင့် ပြည်ထောင်စုအစိုးရ၏ ချုပ်ကိုင်မှုကို လျှော့ချရမည်ဖြစ်သည်။

အခြေခံဥပဒေ ပြင်ဆင်ရေး


ဖက်ဒရယ်၏ အနှစ်သာရ ပီပြင်လာပြီး ဗဟိုချုပ်ကိုင်မှု လျှော့ချခြင်း တရားဝင်ဖြစ်စေရန် အရေးကြီးသော အကောင်အထည်ဖော်မှု တစ်ရပ်မှာ အခြေခံဥပဒေပြင်ဆင်မှု ဖြစ်သည်။ မည်မျှတော်သော အစိုးရ အုပ်ချုပ်စေကာမူ တိုင်းရင်းသားအင်အားစုများ အားလုံး၏ လိုလားချက် တောင်းဆိုချက် အားလုံးကို ငါးနှစ်အတွင်း အပြည့်အဝ ဖြည့်ဆည်းရန် မဖြစ်နိုင်ပေ။ သို့သော်လည်း ဖြစ်နိုင်သည့် ကိစ္စများ ရှိပါသည်။ မကြာခင်အချိန်အတွင်း ဆက်လက် ပြုလုပ်ရမည့် ၂၁ ရာစု ပင်လုံညီလာခံ (တစ်နည်း) နိုင်ငံရေးဆွေးနွေးပွဲ များတွင် ဖက်ဒရယ်နှင့် ဆက်စပ်သော အခြေခံဥပဒေ ပြင်ဆင်မှုများကို စတင် စိန်ခေါ်ရမည်ဖြစ်သည်။ တပ်မတော်မှအစ နိုင်ငံရေးအင်အားစုများ၊ လက်နက်ကိုင် အင်အားစုများအကြား စိတ်ရှည်သည်းခံမှုရှိရှိဖြင့် ဖက်ဒရယ်စနစ် ပီပြင်စေမည့် ပထမခြေလှမ်းကို စတင် စိန်ခေါ်ရမည်ဖြစ်သည်။

ဦးစွာပြင်ဆင်ရန် ညှိနှိုင်းရမည့်ကိစ္စမှာ အထက်တွင် ဖော်ပြခဲ့သည့် အတိုင်း ဇယား ၁ နှင့် ဇယား ၂ ၏ အာဏာခွဲဝေမှုအပိုင်း ဖြစ်သည်။ တပ်မတော် အနေဖြင့်လည်း ဇယား ၁ နှင့် ဇယား ၂ ကို ပြင်ဆင်ရန် လိုလားသည်ဟု ယခင်အစိုးရ လက်ထက်က အခြေခံဥပဒေ ပြင်ဆင်ရေး ဆွေးနွေးမှုများကို ပြန်လည်ကြည့်ခြင်းဖြင့် သိနိုင်သည်။ သို့သော် ယခင်အစိုးရ လက်ထက်က ဇယား ၁ နှင့် ၂ ပြင်ဆင်မှုမှာ လွှတ်တော်တွင်း ညှိနှိုင်းခြင်း သက်သက်သာ ဖြစ်ပြီး အဓိကကျသော Stakeholder များပါဝင်ခြင်း မရှိခဲ့ပေ။ ထို့ကြောင့် လာမည့် ၂၁ ရာစု ပင်လုံညီလာခံတွင် ဖက်ဒရယ်ကို လိုလားသည့် အင်အားစုများ အားလုံး အကျေအလည် ဆွေးနွေးရမည်ဖြစ်သည်။ ဖြစ်ချင်သည် များထက် ဖြစ်သင့်သည်များကို ညှိနှိုင်းရန် အရေးကြီးသည်။

နောက်ထပ် ဗဟိုချုပ်ကိုင်မှု လျှော့ချခြင်း ကိစ္စရပ်အနေနှင့် အခြေခံ ဥပဒေ ပုဒ်မ ၂၆၁ (ခ) ပါ နိုင်ငံတော်သမ္မတသည် သက်ဆိုင်ရာ တိုင်းဒေသကြီးနှင့် ပြည်နယ်ဝန်ကြီးချုပ်များအား ခန့်အပ်တာဝန်ပေးရန် ကိစ္စကို ပြင်ဆင်ရမည် ဖြစ်သည်။ ဝန်ကြီးချုပ်များကို သမ္မတက ခန့်အပ်ခြင်းအစား သက်ဆိုင်ရာ ပြည်နယ်နှင့် တိုင်းလွှတ်တော် ကိုယ်စားလှယ်များအား ရွေးချယ်စေသင့်သည်။ သို့မှသာ မိမိဒေသကို တာဝန်ယူမှု၊ တာဝန်ခံမှု အပြည့်ဖြင့် ရေရှည်အကျိုး မျှော်ကိုးကာ ဖွံ့ဖြိုးတိုးတက်အောင် လုပ်ဆောင်နိုင်မည် ဖြစ်သည်။ ယခုပုံစံအတိုင်း သွားလျှင် အစိုးရသစ်တက်ခါစက ရခိုင်နှင့် ရှမ်းတွင် ဝန်ကြီးချုပ်ခန့်အပ်ရာ၌ သမ္မတစိတ်ကြိုက် အနိုင်ရပါတီမှ ကိုယ်စားလှယ်ကိုသာ ခန့်အပ်ခဲ့ခြင်းကြောင့် အငြင်းပွားမှုမျိုး ဖြစ်ပေါ်ခဲ့ခြင်းကို တားဆီးနိုင်မည် ဖြစ်သည်။ တိုင်းပြည်၏ ရေရှည်အကျိုး၊ ဖက်ဒရယ်၏ အနှစ်သာရကို တိုင်းရင်းသားများ တောင်းဆိုသည့်အတိုင်း ရရှိအောင် ဆောင်ရွက်ပေးနိုင်ရန် အစိုးရ၊ တပ်မတော်၊ လွှတ်တော်တို့မှ ပုဒ်မ ၂၆၁ ကို ညှိနှိုင်း ပြင်ဆင်မှုပြုရန် လိုအပ်သည်။

အခြေခံဥပဒေ ပြင်ဆင်ရာတွင် အထက်ပါပုဒ်မများမှာ လွှတ်တော်ကိုယ်စားလှယ် အားလုံး၏ ၇၅ ရာခိုင်နှုန်းကျော် ထောက်ခံမှသာ ပြင်ဆင်ခွင့်ရမည် ဖြစ်သောကြောင့် တပ်မတော်သား ကိုယ်စားလှယ်များ အခန်းကဏ္ဍ သည်လည်း အရေးကြီးသည်။ တပ်မတော်သည် တိုင်းပြည်၏ ရေရှည်အကျိုးစီးပွားကို အမှန်တကယ်ကြည့်၍ တိုင်းရင်းသား စည်းလုံး ညီညွတ်ရေးကို မပြိုကွဲစေလိုလျှင် တိုင်းရင်းသား အင်အားစုများ၏ လိုလားချက်ဖြစ်သော အထက်ပါအချက်များကို ပြင်ဆင်ရာတွင် ထောက်ပံ့ ကူညီသွားရမည်ဖြစ်သည်။ တကယ်တမ်းဆိုလျှင် ထိုသို့အခြေခံဥပဒေ စာအုပ်ထဲတွင် ပြင်ဆင်လိုက်မှုမှာ အစ ပထမ ခြေလှမ်းသာဖြစ်၍ ယင်းအတိုင်း အသက်ဝင်လာအောင် အကောင်အထည်ဖော်ရန်မှာ နှစ်ပေါင်းအတော် ကြာအောင် အချိန်ယူရဦးမည် ဖြစ်သည်။ ထို့အတူ အခြေခံဥပဒေနှင့် ပတ်သက်၍ အငြင်းပွားမှုများလည်း ထပ်မံ ဖြစ်ပေါ်လာနိုင်သဖြင့် သမာသမတ် ကျသော အခြေခံဥပဒေ ခုံရုံးကိုလည်း မဖြစ်မနေ လိုအပ်လာပေလိမ့်မည်။ ဤသို့ ဖက်ဒရယ်အနှစ်သာရနှင့် ပြည့်ဝသော ပြည်ထောင်စုကို တည်ဆောက်ရန် အစပထမခြေလှမ်းမှာ အဆိုပါ အခြေခံဥပဒေ ပြင်ဆင်ရေးပင် ဖြစ်သည်ဟု ယူဆမိပါသည်။

ယခု အစိုးရသက်တမ်း ၅ နှစ်အတွင်း ငြိမ်းချမ်းရေးဖြစ်စဉ်မှ ပေါ်ထွက်လာသည့် နိုင်ငံရေးဆွေးနွေးပွဲများ၌ ဆွေးနွေး ငြင်းခုံ အဖြေရှာကြရင်း အင်အားစုများအကြား ဘုံသဘောထားတစ်ခု ဖော်ထုတ်နိုင်ကာ ရေရှည်အကျိုးရှိစေမည့် ဖက်ဒရယ်လမ်းကြောင်း အတွက် ပထမခြေလှမ်းကို လျှောက်လှမ်းနိုင်ကြရန် တိုက်တွန်းရေးသား လိုက်ရပါသည်။

သခင်

]]>
chili2028@gmail.com (The Voice) PERSPECTIVE Tue, 17 May 2016 12:27:09 +0000
လူပုဂ္ဂိုလ် အမှတ်အသား သရုပ်နှင့် လူမျိုးစု အမှတ်အသား သရုပ်တို့ တိုးတိုက်မိသောအခါ... http://www.thevoicemyanmar.com/index.php/perspective/item/10785-lpk http://www.thevoicemyanmar.com/index.php/perspective/item/10785-lpk လူပုဂ္ဂိုလ် အမှတ်အသား သရုပ်နှင့် လူမျိုးစု အမှတ်အသား သရုပ်တို့ တိုးတိုက်မိသောအခါ...

ပါတီစုံ အာဏာရှင်စနစ်


လွတ်လပ်သော ပြည်ထောင်စုမြန်မာနိုင်ငံ၏ ပထမဆုံး ရွေးကောက်ပွဲကို ၁၉၅၁-၅၂ ခုနှစ်တွင် ကျင်းပခဲ့ပါသည်။ အမျိုးသားလွတ်လပ်ရေး တိုက်ပွဲစဉ် တစ်လျှောက်လုံးကို ဦးဆောင်ခဲ့သော ဖဆပလ အဖွဲ့ကြီးသည်သာ သောင်ပြိုကမ်းပြိုအ နိုင်ရခဲ့သည်။ အတိုက်အခံပါတီ ၁၁ ပါတီ ဝင်ပြိုင်ခဲ့သော်လည်း မည်သည့်ပါတီမှ တူတူတန်တန် အတိုက်အခံ ဖြစ်မလာခဲ့ပါ။ ဒုတိယအကြိမ် ရွေးကောက်ပွဲကိုမူ ၁၉၅၆ ခုနှစ်တွင် ကျင်းပနိုင်ခဲ့ပါသည်။ ဤအကြိမ်တွင်မူ အတိုက်အခံပါတီများ တပ်ပေါင်းစုဖွဲ့ပြီး ရွေးကောက်ပွဲ ဝင်ခဲ့ရာမှ အင်အားကောင်းသော အတိုက်အခံအဖွဲ့ကြီး (ပ.မ.ည.တ) ပေါ်ထွက်လာခဲ့ပါသည်။ အာဏာရ ဖဆပလက ဆန္ဒမဲ တစ်သန်းခုနစ်သိန်းရပြီး အတိုက်အခံ ပမညတက တစ်သန်းလေးသိန်း နီးပါးခန့် ရရှိခဲ့ပါသည်။ မဲအရ မကွာလှသော်လည်း ထိုစဉ်က ကျင့်သုံးခဲ့သော ရွေးကောက်ပွဲစနစ်အရ အမတ်နေရာတွင်မူ ဖဆပလ က ၁၄၄၊ ပမညတ က ၄၇ နေရာသာ ရရှိခဲ့ပါသည်။

ဤကာလ မြန်မာနိုင်ငံ၏ နိုင်ငံရေးဖြစ်စဉ်ကို ထိုစဉ်က နာမည်ကြီး ဂျာနယ်လစ်တစ်ဦးဖြစ်သူ အမေရိကန်လူမျိုး ရစ်ခ်ျဗတ်ဝဲက မြန်မာပြည်အကြောင်း စာတစ်အုပ်တွင် ယခုလို ရေးသားခဲ့ပါသည်။ “ဒုတိယအကြိမ် ရွေးကောက်ပွဲ (၁၉၅၆) မတိုင်မီထိ အစိုးရအဖွဲ့မှာရော၊ ပါလီမန်တွင်ပါ ဖဆပလ အဖွဲ့ချုပ်ကသာ တစ်ဖက်သတ် လွှမ်းမိုးထားနိုင်ခဲ့သည်။ သို့နှင့်အမျှ ဦးနုအစိုးရမှာ တရားဥပဒေပြုရေး အာဏာမှာရော၊ အုပ်ချုပ်ရေး အာဏာတွင်ပါ ၎င်းတို့စိတ်ကြိုက် ဆောင်ရွက်နိုင်သော အနေအထားကို ရခဲ့သည်။ ပထမအကြိမ် ရွေးကောက်ပွဲ (၁၉၅၁-၅၂) နှင့် ဒုတိယအကြိမ် ရွေးကောက်ပွဲ (၁၉၅၆) ကြားကာလ၊ မြန်မာ့ဒီမိုကရေစီ၏ အဓိက အားနည်းချက်မှာ အစိုးရကို ထိန်းကျောင်းပေးနိုင်မည့် အားကောင်းသော အတိုက်အခံ အဖွဲ့အစည်း မရှိခြင်းပင် ဖြစ်သည်” စသဖြင့် ...။

ဤအနေအထားမျိုးကို ရစ်ခ်ျဗတ်ဝဲက ‘ပါတီစုံ အာဏာရှင်စနစ်’ ဟု ထူးထူးဆန်းဆန်း အမည်ပေးခဲ့သည်။ ပါတီစုံ ဒီမိုကရေစီစနစ် ဖြစ်သော်လည်း အင်အားကြီးပါတီ တစ်ခုတည်းကသာ အတိုက်အခံမရှိ၊ ထင်တိုင်းကျဲနိုင်သည့် အခင်းအကျင်းမျိုးကို ဆိုလိုချင်ဟန် တူပါသည်။ နောင် - နှစ်ပေါင်း .... ၅၀ ကျော်ကြာသောအခါ အလားတူ နာမည်ကြီး ဂျာနယ်လစ်တစ်ဦး ဖြစ်သူ အမေရိကန်လူမျိုး တောမတ်ဖရီးမင်းက ဆိုခဲ့ပါ ‘ပါတီစုံ အာဏာရှင်စနစ်’ ဆိုသော အသုံးအနှုန်းကိုပင် နောက်တစ်ကြိမ် ပဲ့တင်ထပ်ခဲ့ပါသည်။ ဒီမိုကရေစီစနစ် ဖြစ်စေဦး၊ အတိုက်အခံကင်းမဲ့လျှင် အာဏာရှင်စနစ်သို့ အချိန်မရွေး ဦးတည်သွားနိုင်သည်ကို ရည်ညွှန်းလိုဟန် တူပါသည်။


ပြီးခဲ့သည့် ၂၀၁၅ ရွေးကောက်ပွဲတွင် ‘အမျိုးသားဒီမိုကရေစီအဖွဲ့ချုပ်’ (NLD) ပါတီ သောင်ပြိုကမ်းပြို အနိုင်ရလိုက်ရာ မြန်မာလူထု အတွက်မူ မိမိတို့စိတ်ကြိုက် အစိုးရတစ်ရပ်ကို နှစ်ပေါင်း ၅၀ ကျော် ကာလအတွင်း ပထမဆုံး ရွေးချယ်ခွင့် ရလိုက်ခြင်းပင် ဖြစ်သည်။ NLD ပါတီ၏ အောင်ပွဲဟူ၍လည်း ဆိုရပါလိမ့်မည်။ သို့နှင့်တိုင် လူနည်းစုပါတီများ၊ အထူးသဖြင့် လူမျိုးစုပါတီများ အတွက်မူ ဖယ်ထုတ်ခံရမည့် အန္တရာယ်နှင့် ရင်ဆိုင်လာရသည်။ လူနည်းစု ပါတီငယ်များ၏ အလွမ်းဇာတ်ဟူ၍ပင် ဆိုရမလို ရှိတော့သည်။

ယခုလက်ရှိ ဒုတိယအကြိမ် ပါလီမန်တွင် လူမျိုးစုပါတီများ ရရှိခဲ့သော နိုင်ငံရေး ကိုယ်စားပြုနိုင်ခွင့်ကို တစ်ချက်မျှ ပြန်ကြည့်စေလိုသည်။ ရခိုင်ပါတီက ၃ ဒသမ ၃ ရာခိုင်နှုန်း၊ ရှမ်းပါတီ (SNLD) က ၂ ဒသမ ၃ ရာခိုင်နှုန်း၊ ပအိုးဝ်း၊ တအောင်းနှင့် ဇိုမီးတို့က ၀ ဒသမ ၆ ရာခိုင်နှုန်း၊ ကချင်၊ မွန်၊ ဝ နဲ့ ကိုးကန့်တို့က ၀ ဒသမ ၂ ရာခိုင်နှုန်းမျှသာ ရှိသည်။ ပထမအကြိမ် ပါလီမန်ထက် သိသိသာသာပင် နည်းပါသည်။ တစ်ခါက ရစ်ခ်ျဗတ်ဝဲ ညွှန်းခဲ့သော ၁၉၅၁- ၅၂ ရွေးကောက်ပွဲအပြီး အခြေအနေနှင့် မနီးမကမ်းပင် ဖြစ်လာတော့သည်။ ထိုစဉ်ကနှင့် တစ်ထပ်တည်း မကျသည်မှာ တပ်မတော်သား လွှတ်တော်ကိုယ်စားလှယ် ၂၅ ရာခိုင်နှုန်း ရှိနေခြင်းပင် ဖြစ်သည်။ သို့တစေ သူတို့တစ်တွေမှာ အခြေခံဥပဒေ ကိစ္စ၊ တပ်ကိစ္စတို့တွင်သာ အတိုက်အခံ အလုပ်ကို လုပ်ကြသည်ဖြစ်ရာ လူထု၏ ဒီမိုကရေစီ ရပိုင်ခွင့်များ၊ အထူးသဖြင့် လူမျိုးစုအရေးများ အတွက်မူ အတိုက်အခံ လစ်ဟာသလို ဖြစ်နေတော့သည်။

ဤအခြေအနေမှာပင် ရန်ကုန်မြို့ SNLD ရုံးချုပ်တွင် ကျင်းပသော ‘ညီညွတ်သော တိုင်းရင်းသားလူမျိုးများ မဟာမိတ်အဖွဲ့’ (UNA) အစည်းအဝေးတွင် ပြောကြားခဲ့သော ဦးခွန်ထွန်းဦး၏ စကားများကို ကြားလိုက်ရခြင်း ဖြစ်သည်။ “NLD ဟာ တိုင်းရင်းသားတွေ အတွက်တော့ သိပ်အားမကိုးရတော့ဘူး။ တိုင်းရင်းသားတွေ အားကိုးစရာဆိုလို့ UNA ဒါမှမဟုတ် NBF ရှိခဲ့ရင်လည်း NBF ပေါ့ဗျာ။ ပြီးတော့ လွှတ်တော်မှာ တက်နေတဲ့ တိုင်းရင်းသား လွှတ်တော်ကိုယ်စားလှယ်တွေပေါ့ ...” သူ့စကား အသွားအလာကို ကြည့်ရသည်မှာ NLD အားပြုထားသော လူပုဂ္ဂိုလ် အမှတ်အသားသရုပ်ကို တိုင်းရင်းသားများ၏ လူမျိုးစု အမှတ်အသားသရုပ်နှင့် ခုခံမည့်ပုံ ရှိသည်။ ဒီမိုကရေစီခရီးကား မနီးလှသေး။ ဒီမိုကရက်တစ် အင်အားစုများ ကြားတွင်ကား အက်သံကို စတင်ကြားနေရပေပြီ ...။

PR ကို ပြန်လွမ်း


အမှန်စင်စစ် လူနည်းစု လူမျိုးစုပါတီများ၏ နိုင်ငံရေး ကိုယ်စားပြုနိုင်ခွင့် အကျဘက်သို့ ရောက်လာသည်မှာ မြန်မာနိုင်ငံ တစ်ခုတည်းတော့ မဟုတ်ပါချေ။ အင်္ဂလန်က ဝေးလ်စ်နဲ့ အိုင်းရစ်၊ ကနေဒါမှာ ကွိဘက်၊ စပိန်က ဘာ့စ်နဲ့ နဗား၊ အိန္ဒိယမှာ ပန်ချာ၊ တမီလ်နဲ့ နာဂ၊ တောင်အာဖရိကမှာ ဇူးလူးနဲ့ ငူနီ၊ ရုရှားက ကော့ဆက် စသည့် ပြည်နယ်များသည်လည်း အလားတူ ကံကြမ္မာမျိုးနှင့် ကြုံနေရသည်။ အဆိုပါ နိုင်ငံများအ နေနှင့် ဆိုခဲ့ပါ အဖြစ်မျိုးကို ရှောင်ကွင်းနိုင်ရန် ရွေးကောက်ပွဲစနစ် ပြင်ဆင်ဖို့ ကြိုးပမ်းနေကြသည်ဟု ကြားရသည်။ အစဉ်အလာ FPTP (အနိုင်ရသူ အကုန်ယူစနစ်) မှ PR (အချိုးကျ ကိုယ်စားပြုစနစ်) သို့ ပြောင်းလဲဖို့ ဖြစ်သည်။

မြန်မာ့နိုင်ငံရေးတွင်လည်း ရွေးကောက်ပွဲစနစ် ပြောင်းလဲနိုင်ဖို့ ပြီးခဲ့သော ပါလီမန်က ကြိုးပမ်းခဲ့ဖူးသည်။ ထိုစဉ်ကမူ လူမျိုးစုပါတီ တော်တော်များများ ကိုယ်တိုင်က FPTP စနစ်ကိုသာ လိုလားခဲ့ကြသည်။ မိမိတို့ သက်ဆိုင်ရာ ပြည်နယ်အတွင်း မဲအများဆုံး ရလိမ့်မည်ဆိုသော မျှော်လင့်ချက်ဖြင့် PR စနစ်သို့ မပြောင်းချင်။ တကယ့်လက်တွေ့တွင်ကား ထင်သလို ဖြစ်မလာခဲ့ပါ။ ၁၉၉၀ ရွေးကောက်ပွဲဝင် ပါတီလား၊ ၂၀၁၀ ရွေးကောက်ပွဲဝင် ပါတီလား၊ အငြင်းပွားကြရာမှ လူမျိုးစုပါတီတွေ နှစ်ခြမ်းကွဲပြီး ဒေသပြင်ပ ပါတီများမှ ဝင်စားသွားသည်။

ပြောရလျှင် NLD မှမဟုတ်။ အင်အားကြီးပါတီ တစ်ခုခုက မိမိကိုယ်ကိုယ် ပြည်ထောင်စုပါတီဟု သတ်မှတ်ပြီး လူမျိုးစု ပါတီတွေရဲ့ တည်ရှိမှုကို အသိအမှတ်မပြုလျှင် အလားတူ ပြဿနာများကား ဆက်လက်ရှိနေဦးမည်သာ ဖြစ်သည်။ ၁၉၄၇ ပင်လုံညီလာခံက ဆောင်ရွက်မပေးနိုင်ခဲ့သော ‘တိုင်းပြည်တည်ဆောက်ရေး’ (Nation Building) ကို လက်တွေ့အကောင်အထည်ဖော်ဖို့ ခက်ခဲနေဦးမည်သာ ဖြစ်သည်။ မြန်မာ့ဒီမိုကရက်တိုင်ဇေးရှင်းမှာ ‘နိုင်ငံတည်ဆောက်ရေး’ (State Building) သက်သက်ဖြင့် မလုံလောက်၊ ‘တိုင်းပြည်တည်ဆောက်ရေး’ နှင့် တွဲဖက်ဆောင်ရွက်ရမည် ဖြစ်ရာ လူမျိုးစုပါတီများ၏ အခန်းကဏ္ဍကို လေးနက်မှ ဖြစ်ပါလိမ့်မည်။

ကျော်ဝင်း (၁၁၊ မေ ၂၀၁၆)

]]>
demolay13.mm@gmail.com (Weekly) PERSPECTIVE Tue, 17 May 2016 09:20:52 +0000
မြန်မာနှင့် စံနှုန်းများ http://www.thevoicemyanmar.com/index.php/perspective/item/10736-mms http://www.thevoicemyanmar.com/index.php/perspective/item/10736-mms မြန်မာနှင့် စံနှုန်းများ

အစစ နိမ့်ကျလွန်းနေတဲ့ မြန်မာဟာ စံနှုန်းတွေနဲ့ ဝေးကွာလွန်းနေ သေးတယ်။ စံနှုန်းတွေဆိုတာက အညွန့်အဖူးတွေ။ နိုင်ငံတွေ၊ လူ့ဘောင် အဖွဲ့အစည်းတွေ ကောင်းမွန်တိုးတက်ဖို့ အောင်မြင်ပြီးသား နမူနာကောင်းတွေကို အဆီအနှစ် ထုတ်ယူထားတာတွေ ဖြစ်တယ်။ စံနှုန်းတွေဆိုတာ ကဏ္ဍစုံမှာ လိုအပ်တယ်။ ရှိတယ်။ စီးပွားရေး၊ လူမှုရေး၊ နိုင်ငံရေး၊ ဘာသာရေးနဲ့ ယဉ်ကျေးမှု စတဲ့ကဏ္ဍစုံမှာ စံနှုန်းတွေရှိတယ်။

ဖွံ့ဖြိုးပြီးသား တည်ငြိမ်တဲ့နိုင်ငံတွေ၊ လူ့အဖွဲ့အစည်းတွေမှာက စံနှုန်းတွေနဲ့ အနီးစပ်ဆုံး အခြေအနေတွေ ရောက်နေကြပြီးသား ဖြစ်တယ်။ သူတို့ ရေရှည် တည်ဆောက်ထားကြတာ ဖြစ်တယ်။ ခဲရာခဲဆစ် တည်ဆောက်ထား ကြတာဖြစ်တယ်။ ခုရေတွင်းတူးပြီး ခု ရေကြည်သောက်နေကြတာ မဟုတ်ဘူး။

ဥပမာအားဖြင့် အားလုံးက အားကျနေကြရတဲ့ အမေရိကန် လူ့အဖွဲ့အစည်းများ စံနှုန်းကောင်းတွေ တော်တော်များများရှိတယ်။ လူတွေက ယဉ်ကျေးတဲ့ ကိုယ်အမူအကျင့်၊ စိတ်အမူအကျင့်တွေ ရှိကြတယ်။ ဒီတော့ လူ့အဖွဲ့အစည်းက သာယာတယ်။ လွတ်လပ်ပျော်ရွှင်ဖွယ်လည်း ရှိတယ်။ သို့သော် သူတို့ ဒီအခြေအနေရောက်အောင် နှစ်ပေါင်းရာနဲ့ချီ ရုန်းကန်ခဲ့ကြတယ်။ တည်ဆောက်ခဲ့ကြတယ်။ ဒါတောင်မှ အမေရိကန်ပြည်ထောင်စုရဲ့ အနေအထားဟာ စံနှုန်းပြည့်ဖြစ်နေပြီ၊ ပြီးပြည့်စုံတဲ့နိုင်ငံ၊ ပြီးပြည့်စုံတဲ့ လူ့ဘောင်အဖွဲ့အစည်း ဖြစ်ပြီလို့ ပြောမရသေးဘူး။ လိုအပ်ချက်တွေ၊ ချို့ယွင်းချက်တွေ ရှိနေသေးတယ်။

ဖွံ့ဖြိုးပြီးနိုင်ငံတွေ စံနှုန်းတွေနဲ့ တော်တော်နီးစပ်နေပြီလို့ ဆိုပေမယ့် နိုင်ငံအလိုက် အတိုင်းအတာ ကွာသေးတယ်။ စံနှုန်းအခြေခံဆိုတာ အတူတူ ဖြစ်ပေမယ့် ယဉ်ကျေးမှုအပေါ်၊ နိုင်ငံရေးစနစ်အပေါ်၊ သမိုင်းကြောင်းပေါ် မူတည်ပြီးတော့ မူကွဲတွေ ရှိသေးတယ်။ စံနှုန်းတွေကို အကောင်းဆုံး သတ်မှတ်ထားလို့ ရပေမယ့် အတိအကျ (တစ်ပုံစံတည်း) သတ်မှတ်ထားလို့ မရဘူး။ ဥပမာ-စီးပွားရေးစံနှုန်းအရ အမေရိကန်နဲ့ ဗြိတိန် တော်တော်ကွဲပြားတယ်။ အမေရိကန်မှာ လုပ်ငန်းထူထောင်ဖို့ သိပ်လွယ်ကူသလို အဲဒီလုပ်ငန်း ပျက်စီးဖို့လည်း သိပ်လွယ်တယ်။ ဗြိတိန်မှာတော့ လွယ်လွယ်နဲ့ လုပ်ငန်းထူထောင်ဖို့ မလွယ်ဘူး။ သို့သော် လုပ်ငန်းတည်တံ့ဖို့ ကတော့ အများကြီးပိုပြီး အာမခံချက်ရှိတယ်။ ယဉ်ကျေးမှုနဲ့ လူမှုရေးစံနှုန်း တွေကလည်း သူတို့နှစ်နိုင်ငံကြား အကြီးအကျယ် ခြားနားတယ်။ အင်္ဂလိပ်တွေက ကိန်းကြီးခန်းကြီး နေထိုင် ပြောဆိုတတ်ကြတယ်။ သိပ်ကို ဖွယ်ရာယဉ်ကျေးတဲ့ ဂိုက်ကို သေသေချာချာ ဖမ်းပြီး နေထိုင်ပြုမူတတ် ကြတယ်။ အမေရိကန်တွေကတော့ လွတ်လွတ်လပ်လပ် ပေါ့ပေါ့ပါးပါး နေထိုင်ပြုမူ တတ်ကြတယ်။ သို့သော် လူ့အဖွဲ့အစည်း နှစ်ခုစလုံးက တိုးတက်ဖွံ့ဖြိုးနေတယ်။ အားနည်းချက် အားသာချက်တွေ ရှိပေမယ့် နှစ်နိုင်ငံစလုံးက ကမ္ဘာ့ထိပ်တန်းပဲ။

ဆိုလိုချင်တာက စံနှုန်းတွေဆိုတာ အခြေခံအားဖြင့် အနှစ်သာရ အားဖြင့် တူညီကြပေမယ့် လူ့အဖွဲ့အစည်းအလိုက် (ရေခံမြေခံအလိုက်) မူကွဲတွေရှိနိုင်တယ်။ မြန်မာ့လူ့အဖွဲ့အစည်း အနေနဲ့ ကိုယ်နဲ့ သင့်တော် ကိုက်ညီတဲ့လမ်းကို ရွေးပြီး အပြင်းအထန် ကြိုးစားတည်ဆောက်ဖို့ လိုတယ်။ သွေးအေးမနေသင့်ဘူး။ ကိုယ့်ရေခံမြေခံ၊ ကိုယ့်သမိုင်းကြောင်း၊ ကိုယ့်ယဉ်ကျေးမှုနဲ့ ကိုက်ညီတဲ့လမ်းကြောင်းကို ရှာဖွေပြီး နိုင်ငံတကာကိုမီဖို့ တက်သုတ် ရိုက်ကြရမယ့်အချိန် ဖြစ်တယ်။ အစစအရာရာ အလွန်အမင်း နိမ့်ကျနေတဲ့ လူ့ဘောင်အဖွဲ့အစည်း တစ်ခုက အေးတိအေးစက် လုပ်နေလို့မရဘူး။ တစ်စုံတစ်ယောက်ကပဲ အရာခပ်သိမ်းကို ဖန်တီး တည်ဆောက်ပေးမယ်လို့ စောင့်မျှော်အားကိုးတဲ့ ဓလေ့ အလွန်အမင်းကြီး စိုးနေမှုက နိုင်ငံတစ်ခု တိုးတက်ဖို့ အခြေခံစံနှုန်းတွေနဲ့ အနီးစပ်ဆုံး အခြေအနေရောက်အောင် တည်ဆောက်ဖို့ အဟန့်အတားကြီးလို ဖြစ်နေရင် တိုးတက်ဖွံ့ဖြိုးမှုနဲ့ အလှမ်းဝေးနေဦးမှာပဲ။

နိုင်ငံရေးအရ စံနှုန်းနဲ့နီးစပ်တဲ့ အခြေအနေတချို့ ဖြစ်ထွန်းလာပေမယ့် တခြားကဏ္ဍတွေပါ တိုးတက်မှုရှိလာအောင် မလုပ်နိုင်ရင် နိုင်ငံရေး အပါအဝင် အားလုံးဟာ ပြန်လည် ပျက်စီးသွားနိုင်တယ်။ ပညာနဲ့ အတွေးအခေါ်၊ စီးပွားရေးနဲ့ နိုင်ငံရေး၊ လူမှုရေးနဲ့ ယဉ်ကျေးမှု ဘက်စုံနိမ့်ကျနေတဲ့ တိုင်းပြည် စံနှုန်းတွေဆီအရောက် ချီတက်ဖို့ အိပ်မက် မက်နေကြရုံနဲ့ မရဘူး။ အဲဒီအိပ်မက်တွေကို လူတိုင်းက လက်တွေ့အကောင်အထည် ဖော်ကြဖို့ မဖြစ်မနေ လိုအပ်တယ်။

အရှေ့တိုင်းနိုင်ငံ တွေမှာလည်း အနောက်လိုပဲ သီးခြားစရိုက် လက္ခဏာတွေ အကောင်းရော အဆိုးရောရှိတယ်။ အရှေ့က ယဉ်ကျေးမှု စံနှုန်းတွေဟာ အနောက်ထက် အဆင့်မြင့်တယ်ဆိုတာ အနောက်က လူတွေငြင်းလို့မရဘဲ လက်ခံရတယ်။ အနောက်မှာမရှိတဲ့ ဝိသေသတွေ အရှေ့က ပိုင်ဆိုင်တယ်။ အရှေ့ဟာ ကြိုးစားတည်ဆောက်နိုင်ရင်၊ ဇွဲ၊ လုံ့လ၊ ဝီရိယကြီးကြီးနဲ့ အားထုတ်ရင် အနောက်ကိုကျော်တော့မယ် ဆိုတာ အနောက်က ကောင်းကောင်းသိလို့ စိုးရိမ်နေကြတယ်။ အရှေ့က သွေးအေးတဲ့နိုင်ငံတွေ စဉ်းစားဖွယ်ဖြစ်တယ်။

မြန်မာဟာ ဒေသတွင်းမှာ နိုင်ငံရေးအရ အံ့မခန်းပြောင်းနေပြီဖြစ်တယ်။ အိမ်နီးချင်းနိုင်ငံတွေက မြန်မာ့အပြောင်းအလဲကို တအံ့တဩ လေ့လာနေကြပြီ။ မြန်မာဟာ အပြောင်းအလဲကို မယိမ်းမယိုင် ထိန်းသိမ်းပြီး နိုင်ငံရေးအရ ဖြစ်ပေါ်လာတဲ့ အခွင့်အလမ်းကို အမိအရ ပိုင်ပိုင်နိုင်နိုင် အသုံးချနိုင်ရင် ကဏ္ဍစုံတိုးတက်ဖို့ အလားအလာရှိနေပြီ။ အာရှမှာ နိုင်ငံရေး တွင်မက ကဏ္ဍစုံမှာ ဦးဆောင်နိုင်ငံဖြစ်ဖို့ အခွင့်အလမ်းရှိနေပြီ။ သို့သော် ဒါတွေအားလုံးက အလုပ်ကို ကြိုးစားမလုပ်ကြရင် တစ်ရက် တစ်မနက်နဲ့ ကြက်ပျောက်ငှက်ပျောက် ပျောက်သွားနိုင်တယ်၊ ဒုံရင်းပြန်ဖြစ်သွားနိုင်တယ် ဆိုတာ သတိပြုကြဖို့ လိုအပ်တယ်။

လက်ရှိအခြေအနေမှာ နိုင်ငံသားတွေ နိုးကြားကြဖို့လိုပြီ။ ရုန်းကန်ကြရမယ်။ စံနှုန်းတွေကို ဖြည့်ဖို့ဆိုရင် တချို့နိုင်ငံကြီးတွေလို နှစ်နှစ်ရာ သုံးရာ မလိုအပ်တော့ဘူး။ ညီညွတ်ရင်၊ နည်းလမ်းကျရင် နှစ်လေးငါးဆယ်မှာ ဖြစ်လာဖို့ သေချာတယ်။ အနောက်ကိုကျော်နိုင်တဲ့အရှေ့ရဲ့ ဦးဆောင်နိုင်ငံ တွေထဲက တစ်နိုင်ငံဟာ မြန်မာဖြစ်နိုင်တယ်။ အနောက်ဟာ စီးပွားရေးအရ၊ နိုင်ငံရေးအရ အီလည်လည်ဖြစ်နေပြီ။ နိုင်ငံရေးအရ အနောက်ဒီမိုကရေစီဟာ အီလည်လည် ဖြစ်နေပြီ။ စီးပွားရေးအရ အရှေ့မှာ အခွင့်အလမ်းသစ်တွေ ရှိနေပြီ။ အရှေ့ကို နောက်မှာဖြတ်ချန်ထားလို့ မဖြစ်နိုင်တော့ဘူး ဆိုတာ အနောက်ကရိပ်မိလို့ ပြေးနှုန်းကို အရှိန်မြှင့်ဖို့ ကြိုးစားပေမယ့် အနောက်ကမ္ဘာ အင်အားလျော့လာနေပြီ ဆိုတာ ပညာရှင်တွေ တွက်ဆမိနေကြပြီ။ မြန်မာရဲ့ ဒီမိုကရေစီခရီးက တော်တော်ပေါက်နေပြီ။ အာရှပုံစံ စံနှုန်းပိုမြင့်တဲ့ ဒီမိုကရေစီမော်ဒယ်သစ်ကို မြန်မာဟာ ဦးဆောင်ပုံဖော်သူဖြစ်ဖို့ နီးစပ်နေပြီ။

ကဏ္ဍစုံစံနှုန်းတွေနဲ့ ကိုက်ညီတဲ့ အခြေအနေတွေ ဖန်တီးနိုင်ဖို့ အခြေခံ အကျဆုံးဖြစ်တဲ့ နိုင်ငံရေးလွတ်လပ်ခွင့်က မြန်မာတွေအတွက် လမ်းပွင့်သွားပြီ။ လုပ်စရာရှိတာတွေ အားလုံးကို လက်တွေ့လုပ်ကြဖို့ လိုပြီ။ မြန်မာတွေမညံ့ဘူး။ သို့သော် ပန်းတိုင်မရောက်ခင် တက်ထောင်ချင်တဲ့အကျင့် တွေတော့ ဖျောက်ရတော့မယ်။ အလုပ်မလုပ်ဘဲ မတိုးတက်နိုင်ဘူး။ စံနှုန်းတွေဟာ လူ့အဖွဲအစည်းရဲ့ ပန်းတိုင်ပဲ။ နိုင်ငံတစ်ခု ဘက်စုံဖွံ့ဖြိုးတိုးတက်ရေး အတွက် နိုင်ငံရေးအခြေအနေ ကောင်းမွန်လာခြင်းအပေါ် အခြေခံပြီး အားကြိုးမာန်တက် အရောက်လှမ်းမှပဲ ဖြစ်နိုင်မယ်။ မလှမ်းဘဲတော့ မရောက်ဘူး။

မင်းနွယ်

]]>
chili2028@gmail.com (The Voice) PERSPECTIVE Fri, 13 May 2016 10:30:46 +0000
၂၁ ရာစုပညာရေး သို့မဟုတ် ဓားသွေးပြီး အားမွေးထားရမည့်ခေတ် http://www.thevoicemyanmar.com/index.php/perspective/item/10722-21p http://www.thevoicemyanmar.com/index.php/perspective/item/10722-21p ၂၁ ရာစုပညာရေး သို့မဟုတ် ဓားသွေးပြီး အားမွေးထားရမည့်ခေတ်

မြန်မာ့ပညာရေးတွင် Ctirical Thinking ဆိုသည့် ဝေဖန် ဆန်းစစ်၊ တွေးခေါ်မြော်မြင်နိုင်သော သဘောတရားများ ဖြစ်ပေါ်လာစေမည့် သင်ကြား သင်ယူမှုများနှင့် ကင်းဝေးလာခဲ့သည်မှာ နှစ်ပေါင်းများစွာ ကြာခဲ့ပြီ။ ပြဋ္ဌာန်းစာအုပ်ဖြင့် တုပ်နှောင်ထားပြီး အလွတ်ကျက်၊ အလွတ်ရေး၊ အမှတ်ပေးဆုံးဖြတ်နေသော ပညာရေး ဖြစ်နေသောကြောင့်လည်း Critical Thinking သာမက Innovation ဟုခေါ်သည့် အသစ် တီထွင်လိုစိတ်များပါ ဆိတ်သုဉ်းလာခဲ့ရသည်။

မတွေးတတ်သည့်အခါ၊ တွေးတောတတ်စေရန် လေ့ကျင့်ပေးခြင်း မခံရသည့်အခါ၊ တွေးစရာလည်း မလိုသည့်အခါများတွင် တွေးတောခြင်းကိုလည်း နားမလည်တော့ပေ။ မတွေးတတ်သဖြင့် အသစ်အဆန်း ပေါ်ထွက်လာရန်လည်း မဖြစ်နိုင်တော့ပေ။

မြန်မာ့ပညာရေးတွင် တွေးတတ်စေရန် သင်ကြားပေးမှုများ လိုအပ်သကဲ့သို့ တီထွင်ဖန်တီးမှုများ (Innovation) များလည်း အထူး လိုအပ်နေပါသည်။ ပထမအဆင့် Creativity ဖြင့် တွေးတောတတ်စေရန် ပြုစု ပျိုးထောင်ပေးကြရမည်။ စဉ်းစားမှုများ ရင့်သန်လာလျှင် လက်တွေ့ ဖန်တီးခြင်း Innovation ဘက်သို့ ကူးပြောင်းနိုင်ရန် အားပေးအားမြှောက် ပြုနိုင်မှသာ မြန်မာ့ပညာရေးသည် ကမ္ဘာ့အဆင့်မီပညာရေး ဖြစ်နိုင်မည်။ နိုင်ငံတကာပညာရေးတွင် တိုးတက်နေသည့် နိုင်ငံတိုင်းသည် Creativity မှသည် Innovation လမ်းကြောင်းသို့ရောက်စေရန် နိုင်ငံတော်က ဦးဆောင်ပြီး လုပ်ဆောင်နေကြကြောင်း တွေ့ရသည်။ ပညာရေးဆိုသည်မှာ စီးပွားရေးနှင့် လူမှုရေး ဖွံ့ဖြိုးတိုးတက်စေရန် များစွာ အထောက်အကူပြုနေ ပါသည်။ ရေမြင့်မှ ကြာမြင့်မည့်သဘော ဖြစ်နေသောကြောင့် ပညာမြှင့်တင်ခြင်းဖြင့်သာ တိုင်းပြည်နှင့်လူမျိုးကို တိုးတက်မြင့်မားစေရန် ကြံဆောင်လေ့ရှိကြသည်။ တိုင်းပြည်တစ်ပြည် နိမ့်ကျဆင်းရဲခြင်းသည် စီးပွားရေးကြောင့်ဟု ထောက်ပြနိုင်သောအချက်များ ရှိသော်လည်း လူ့အရင်းအမြစ်များကို ပညာဖြင့် မြှင့်တင်ပြီး တိုင်းပြည် တိုးတက်စေရန် လုပ်ဆောင်ပြနိုင်သည့် နိုင်ငံပေါင်းများစွာက သက်သေထူနေသည်။ မိမိတိုင်းပြည်အတွင်းရှိ လူငယ်များကို ပညာတတ်အောင် သင်ပေးမည်၊ သင်ပေးလိုက်သည့် ပညာရပ်တိုင်းသည် Innovation ဖြစ်အောင်လုပ်မည် ဆိုသည့် လူငယ်မျိုးဆက်သစ် တစ်ခုကို မွေးထုတ်နိုင်မှသာ မြန်မာ့ပညာရေး တစ်ခေတ်ဆန်းသစ်မည် ဖြစ်သည်။

စိန်ခေါ်မှုများကို ရင်ဆိုင်ရန် စိန်ခေါ်ပါစေ


ပညာ၏နောက်ကွယ်တွင် အခွင့်အလမ်း ဆိုသည်ကို မေးလာကြသည်။ ‘ပညာသင်မည်၊ ပညာတတ်တော့ ဘာဖြစ်လာမည်နည်း’ မေးခွန်းကို ရင်ဆိုင်ကြရသည်။ မြန်မာနိုင်ငံတွင် ကျွန်တော်/ကျွန်မတို့ ပညာတတ်လာလျှင် ဘာဖြစ်မည်နည်းဆိုသည့် မေးခွန်းကို အစိုးရအဆက်ဆက် တိတိပပ ဖြေကြားသွားနိုင်ခြင်း မရှိခဲ့ပါ။ တက္ကသိုလ်ကျောင်းပြီးပါက အစိုးရဝန်ထမ်း လခစားလောက်လုပ်မည်၊ ကုမ္ပဏီဝန်ထမ်းလောက် လုပ်မည် ဆိုခြင်းမှာ အဖြေတစ်ခု မဟုတ်သေးပါ။

ကမ္ဘာပေါ်တွင် အပြိုင်အဆိုင်ကိစ္စများ လူငယ်ထုကြားတွင် အရမ်း များနေသည်ကို သတိပြုစေချင်ပါသည်။ တီထွင်ဖန်တီးလိုစိတ်၊ တီထွင် ဖန်တီးမှုများဖြင့် ကမ္ဘာကို ထိုးဖောက်မည် ဆိုသည့် အခွင့်အလမ်းများ မရသည့်အတွက် နိုင်ငံခြားထွက်ကာ အိမ်ဖော်လုပ်ဆောင်နေကြသော ပညာတတ် အများအပြားကိုပင် တွေ့နေရသည်။

တီထွင်မှုတစ်ခုသည် ဆန်းသစ်မှုဖြစ်နေရမည်။ သူများ တီထွင်ထားပြီးသား ကိစ္စတစ်ခုကို ပုံစံတူ လုပ်ဆောင်ခြင်းမှာ တီထွင်မှုမဟုတ်ပါ။ တုပမှုသာ ဖြစ်ပါသည်။ အယ်ဒီစင်က လျှပ်စစ်မီးသီးကို တီထွင်သွားခဲ့ သည်မှာ လွန်ခဲ့သော ၁၉ ရာစုလောက်ကတည်းက ဖြစ်သည်။ ယခု ၂၁ ရာစုရောက်မှ လျှပ်စစ်မီးသီး လိုက်ပြီး တီထွင်ရန်ထက် ၂၁ ရာစုတွင် လျှပ်စစ်မီးသီးထက် သာသော အလင်းပေးစနစ် တစ်ခုခုကို တီထွင်ပြနိုင်စေရန် စိတ်ကူးမျိုး ဖြစ်လာစေရန် အရေးကြီးသည်။

ပညာရေးတွင် ၂၁ ရာစု၏ စိန်ခေါ်မှုများကို ရင်ဆိုင်ရန် ပြင်ဆင်နေကြသည်။ ကိုယ့်ကို စိန်ခေါ်နေသူသည် မည်မျှ ‘ဗလ’ နှင့် ‘ဇ’ ရှိမှန်းမသိဘဲ ရမ်းသမ်းပြီး ရင်ဆိုင်မည်ဟု အော်နေရန်မသင့်ပါ။ ကမ္ဘာပေါ်တွင် ပညာရေးတိုးတက်နေသည့် နိုင်ငံများသည် စိန်ခေါ်မှုများကို ဦးစွာ အသိအမှတ်ပြု ကြသည်။ ထို့နောက် စိန်ခေါ်မှုများကို မည်သို့ရင်ဆိုင်မည်နည်းဟု သုံးသပ်ကြသည်။ ရင်ဆိုင် ကျော်လွှားနိုင်မည့် နည်းလမ်းများကို ရှာကြသည်။ ဦးစွာ မိမိတို့ကို စိန်လာခေါ်စမ်းပါဟု မျှော်လင့်ကာ ရင်ဆိုင်နိုင်စေရန် ကြိုးစားကြသည်သာ ဖြစ်သည်။

မြန်မာနိုင်ငံတွင် ပြောင်းပြန်ဖြစ်နေသည်။ ‘စိန်ခေါ်မှု’ ဆိုသည်ကို ဘာမှန်းမသိ ညာမှန်းမသိ ရမ်းသမ်းပြီး အထက်ပိုင်းက အော်နေကြသည်။ ထိုအခါ စိန်ခေါ်မှုဆိုသည်မှာ ရင်ဆိုင်ဖြေရှင်းကျော်လွှားရန် မဟုတ်တော့ဘဲ တစ္ဆေတစ်ကောင်လို ကြောက်စရာသတ္တဝါကြီး ဖြစ်နေပါသည်။ ‘ပညာရေးတွင် စိန်ခေါ်မှုဆိုသည်က ဘာ၊ ငါတို့က ဘယ်နေရာမှာ၊ ဘယ်လောက် အတိုင်းအတာအထိ ရင်ဆိုင်ကြမယ်’ ဆိုသည့် ပွင့်လင်းမြင်သာမှု မရှိသောအခါ အထက်ပိုင်းက စိန်ခေါ်မှုဟု အော်လိုက်တိုင်း နောက်က လိုက်လုပ်စရာဟု မမြင်တော့ဘဲ ကြောက်လွန်းသောကြောင့် ရှောင်တိမ်းရန် ဖြစ်လာကြသည်။

စိန်ခေါ်မှုကို နည်းပညာတစ်ခုတည်းဖြင့် မဖြေရှင်းနိုင်


နည်းပညာ တိုးတက်လာသည့် ခေတ်ကြီးတွင် ပညာရေးကို နည်းပညာဖြင့် ကျော်လွှားနိုင်စေရန် ကြိုးစားလာကြကြောင်းလည်း တွေ့ရသည်။ ကွန်ပျူတာနှင့် အင်တာနက် ထွန်းကားလာချိန်တွင် နည်းပညာဖြင့် ပညာရေး နိမ့်ကျမှုများကို ကုစားနိုင်ကြောင်း အဖြေ ထုတ်ကြည့်ကြသည်။ လူတိုင်းတွင် နည်းပညာကို အသုံးပြုနိုင်သည့်အသိနှင့် အသုံးပြုနိုင်မည့် ပစ္စည်းများရှိမှသာ နည်းပညာဖြင့် ပညာရေးကို မြှင့်တင်နိုင်ပေမည်။

နည်းပညာကြောင့် လူသားရင်းမြစ်များကို အသုံးပြုရမှုများ တဖြည်းဖြည်း လျော့နည်းသွားသည်။ စက်မှုခေတ်ပြောင်း တော်လှန်ရေး ကာလကတည်းက စက်ကို အခြေပြုခဲ့သောကြောင့် လူတွေ အလုပ်ပြုတ်ကုန်သည်။ ၂၁ ရာစုတွင်လည်း ကွန်ပျူတာကို အခြေပြုသောကြောင့် လူသားရင်းမြစ်များ လျော့နည်းသည်ထက် လျော့နည်းသွားပြန်သည်။ သို့ဖြစ်ရာ တီထွင်ဖန်တီးနိုင်သည့်သူ များကို မမွေးထုတ်ပေးနိုင်လျှင် အနာဂတ် စိန်ခေါ်မှုများကို အသင့်မဖြစ်နိုင်ပေ။ ၂၁ ရာစုသည် ခေတ်မီ နည်းပညာများကို တီထွင်သူလား၊ ထိန်းကျောင်းမောင်းနှင်နိုင်မည့် သူလား အကဲဖြတ် ဆန်းစစ်နေသည့်ခေတ် ဖြစ်သည်။ ထို့ကြောင့် ဖန်တီးသူနှင့် အသုံးပြုတတ်သူ နှစ်မျိုး မွေးထုတ်ပေးရေးမှာ အရေးကြီးသည်။

၂၁ ရာစုသည် ခေတ်ကိုရင်ဆိုင် ယှဉ်ပြိုင်နိုင်မည့်သူများကို မျှော်လင့် တောင့်တနေသည်။ Creativity နှင့် Innovation လုပ်နိုင်သူများကိုသာ နေရာပေးရန် ပြင်ဆင်ထားသည်။ ထို့ကြောင့် လူသားရင်းမြစ်များကို လက်လွှတ်နိုင်ဦး မည်မဟုတ်ပေ။ လုပ်ငန်းတိုင်းတွင် စက်ရုပ်များကို ခန့်ထားခြင်း မပြုသရွေ့ လူသားတို့၏ အဆုံးအဖြတ်နှင့် တီထွင်ဖန်တီးမှုများသည် အရေးပါနေဦးမည်သာ ဖြစ်သည်။ စက်ကို လူသားက ဖန်တီးသည်။ စက်က လူသားတို့ ထည့်သွင်းပေးထားသည့် ပရိုဂရမ်များအတိုင်း လှုပ်ရှားကြရသည်။ ထို့ကြောင့် စက်ကို မည်သို့ လုပ်ဆောင်စေမည်၊ မည်သို့ ခိုင်းစေနိုင်မည်ဆိုသည့် ပရိုဂရမ်ကို ရေးသားနိုင်သည့်သူများက အရေးပါ နေဦးမည်သာ ဖြစ်သည်။ လူသားဗဟိုပြုဝါဒမှ ကင်းလွတ်နိုင်ခြင်း မရှိသေးသောကြောင့် နည်းပညာကို ထိန်းကျောင်း ချုပ်ကိုင်နိုင်သည့် ပညာရှင် လူငယ်များ မွေးထုတ်ပေးနိုင်ရန် ၂၁ ရာစုပညာရေးက တောင်းဆိုနေဦးမည်သာ ဖြစ်သည်။

စီးပွားရေးနှင့် တီထွင်မှုပေါင်းစပ်ပေးရန်


နိုင်ငံတစ်နိုင်ငံ၏ စီးပွားရေးအောင်မြင်စေရန် ပညာရေးကိုလည်း မြှင့်တင်ရမည်ဆိုလျှင် ကျောင်းများက မည်သို့ ပြင်ဆင်ပေးလိုက်သင့် သနည်း။

Critical Thinking


မြန်မာ့ပညာရေးက မည်သို့တွေးရမည် ဆိုခြင်းထက် မည်မျှမှတ်မိသနည်းဟု မှတ်ဉာဏ်ကို စစ်ဆေးသော ပညာရေးစနစ် ဖြစ်နေပါသည်။ မေးခွန်းတစ်ခုတွင် အဖြေက တစ်ခုသာဖြစ်သည်။ ဖြစ်နိုင်ခြေများ၊ ယူဆချက်များ၊ ထင်မြင်ချက်များဖြင့် အဖြေတည်ဆောက်လာခြင်းကို အားမပေး။ တိုက်စစ်ဟုခေါ်ရမည့် ပုံနှိပ်စာအုပ်နှင့် အဖြေကို တိုက်စစ်သော စနစ်ကို ကျင့်သုံးကာ အမှတ်ပေးနေကြသည်။ Critical Thinking နည်းနှင့် Problem Solving နည်းများသည် ဒါသင်၊ ဒါမေး၊ ဒါရေးစနစ် မဟုတ်ပေ။ ကျောင်းများတွင် ဆရာတွေကလည်း ထိုနည်းများကို လျစ်လျူရှုထားကြသည်။ စနစ်ကလည်း ‘ဒီအတိုင်းလေးပဲ ကောင်းပါတယ်’ ဆိုသည့် စနစ်ဖြစ်နေသောကြောင့် ပုံနှိပ်စာအုပ်ကို ကျော်ပြီး ဘာမျှ လုပ်စရာမလိုပေ။ ပညာရေးတွင် သင်ကြားပေးမည့်ဆရာများကို Critical Thinking သဘောတရားဖြင့် လေ့ကျင့်ပေး၊ တပည့်များကိုလည်း ထိုသဘောတရားအတိုင်းသင်၊ အကဲဖြတ်မှုကိုလည်း ထိုနည်းဖြင့်သာ လုပ်ဆောင်နိုင်မှ ပညာရေးပြုပြင် ပြောင်းလဲမှုကို ဖော်ဆောင်သည်ဟု ဆိုရမည် ဖြစ်သည်။

Entrepreneurship


စွန့်ဦးတီထွင် ပညာရှင်လေးများ ဖြစ်လာစေရန် လမ်းကြောင်းဖော်ဆောင် မပေးနိုင်ခြင်း၊ လမ်းပြမြေပုံများ ဆွဲကာ လျှောက်စေခြင်းမပြုနိုင်လျှင် နောက်ကျကျန်ခဲ့မည်သာ ဖြစ်သည်။ နယ်ပယ်တစ်ခုခုတွင် စိတ်ပါ ဝင်စားလာအောင် သင်မည်။ ထူးချွန်သူများ ဖြစ်စေရန် မြေတောင်မြှောက်မည်။ လုပ်ဆောင်ခွင့်ပေးမည်။ အားပေးကူညီမည်။ ဘာလုပ်ရမည်ကိုလည်း သိသည်၊ ထိုသို့လုပ်လိုက်လျှင် ရလဒ်ကိုလည်း မြင်သည်။ ကိုယ်တိုင်ကလည်း လုပ်တတ်ကိုင်တတ်ပြီး မိမိတို့ လုပ်ဆောင်နိုင်စွမ်းဖြင့် မည်သည့် အကျိုးအမြတ် ရလာနိုင်ကြောင်း သိမြင်အောင် သင်ကြားနိုင်ရမည် ဖြစ်သည်။

ပညာရေးတွင် လူတိုင်းအတွက် ပညာရေး၊ တစ်ယောက်မကျန် ပညာရေး၊ ခေတ်မီဖွံ့ဖြိုးစေရေး မျက်လုံးပိတ် အော်နေရန် မဟုတ်ပါ။ ဆောင်ပုဒ်များသည် တကယ့်လက်တွေ့တွင် အလုပ်မဖြစ်လှပါ။ ကွန်မြူနစ်၊ ဆိုရှယ်လစ်များလို ဆောင်ပုဒ်တွေ စိုက်ထူ၊ ကြွေးကြော်သံများအော်ပြီး အကောင်အထည် ဖော်ရမည့်ခေတ်လည်း မဟုတ်တော့ပါ။ စိန်ခေါ်မှုကို ဘာမှန်းမသိဘဲ စိန်ခေါ်နေရန်လည်း မလိုပါ။ ၂၁ ရာစုပညာရေးသည် လက်တွေ့ဘဝတွင် အံဝင်ခွင်ကျ မဖြစ်နိုင်သူများကို ကန်ထုတ်လိုက်မည်သာ ဖြစ်သည်။ ပြိုင်ဆိုင်နေမှုများကို အနိုင်မတိုက်နိုင်လျှင် ကျန်နေရစ်မည်သာ ဖြစ်သည်။

၂၁ ရာစုကို ရင်ဆိုင်နိုင်ရန်အတွက် ခံစစ်တွင် ငြိမ်နေမည့် ကတုတ်ကျင်းထဲကသူတွေ မလို။ ကျား ဟုအော်ကာ တက်ထိုးနိုင်မည့် သူရဲကောင်းများကို လိုပါသည်။

တင်ညွန့်

]]>
chili2028@gmail.com (The Voice) PERSPECTIVE Thu, 12 May 2016 09:44:50 +0000
ငြိမ်းချမ်းရေး ဘာကြောင့်လိုချင်တာလဲ http://www.thevoicemyanmar.com/index.php/perspective/item/10707-ncy http://www.thevoicemyanmar.com/index.php/perspective/item/10707-ncy ငြိမ်းချမ်းရေး ဘာကြောင့်လိုချင်တာလဲ

မြန်မာနိုင်ငံ၏ နှစ်ပေါင်း ၆၀ ကျော် ပြည်တွင်းပဋိပက္ခများကို ဖြေရှင်းနိုင်ရန် ငြိမ်းချမ်းရေး လိုအပ်သည်။ ငြိမ်းချမ်းရေး လိုအပ်သည့်အလျောက် ပြည်တွင်းစစ် စသည်နှင့် တစ်ပြိုင်နက် တစ်ဖက်က တိုက်ပွဲများ ပြင်းထန်နေသလို တစ်ဖက်က ခေတ်အဆက်ဆက် အစိုးရများ အနေနှင့်လည်း ငြိမ်းချမ်းရေးကို နည်းမျိုးစုံဖြင့် ကြိုးစားနေခဲ့သည်သာ ဖြစ်သည်။ သို့သော် ငြိမ်းချမ်းရေးအိပ်မက်မှာ ခေတ်စနစ်များ ပြောင်းလဲလာသည့်တိုင် မက်နေရဆဲ။ တိုက်နေကြသည့် အဖွဲ့များသာ အမျိုးမျိုး ပြောင်းလဲသွားသော်လည်း မြန်မာနိုင်ငံတော်မှာမူ ယခုတိုင် စစ်ဒဏ်ခံနေရဆဲ။ အခြား အိမ်နီးချင်းနိုင်ငံများ၏ ကျော်တက်သွားမှုကို ခံခဲ့ရသည့် အကြောင်းရင်းတစ်ရပ်မှာ ပြည်တွင်းပဋိပက္ခများကြောင့် ဖြစ်သည်။ ယခု ပြည်သူရွေးကောက် တင်မြှောက်သော အရပ်သားအစိုးရစစ်စစ် လက်ထက်တွင်လည်း ပြည်တွင်းပဋိပက္ခများမှာ အဆုံးမရှိနိုင်သေးပေ။ မြန်မာနိုင်ငံ၏ ပြည်တွင်းစစ် ဤမျှရှည်ကြာနေရခြင်း အကြောင်းတစ်ရပ်မှာ လက်နက်ကိုင်အဖွဲ့ တစ်ဖွဲ့၊ နှစ်ဖွဲ့မက ရှိနေသောကြောင့်လည်း ဖြစ်သည်။ တစ်ဖွဲ့ငြိမ်သွားလျှင် နောက်တစ်ဖွဲ့က ထတိုက်။ တောင်ပိုင်းငြိမ်လျှင် မြောက်ပိုင်းက တိုက်၊ အရှေ့ပိုင်းငြိမ်လျှင် အနောက်ပိုင်းမှာ တိုက်။ ပိုဆိုးသည်မှာ အဖွဲ့အသစ်အသစ်များ ပေါ်ပေါက်လာခြင်း ဖြစ်သည်။ ဦးသိန်းစိန်အစိုးရ တက်ခါစက ၁၇ နှစ်ကြာ စစ်အစိုးရနှင့် ငြိမ်းချမ်းရေးယူထားပြီး ဘာတိုက်ပွဲမှ မဖြစ်တော့သည့် ကေအိုင်အေနှင့် တိုက်ပွဲများ ပြန်ဖြစ်သည်။ ယခုအရပ်သားစစ်စစ် ဦးထင်ကျော်အစိုးရ လက်ထက်တွင် လက်နက်ကိုင်တိုက်ပွဲ ပဋိပက္ခနှင့် အကျွမ်းမဝင်သော ရခိုင်ပြည်နယ်၌ AA ဟူသော လက်နက်ကိုင်အဖွဲ့သစ်နှင့် တိုက်ပွဲအသစ်များ စတင်ဖြစ်ပွားသည်။ ထို့ကြောင့် ငြိမ်းချမ်းရေးအတွက် သုံးသပ်ထားရမည့် ကိစ္စရပ်အချို့ကို ကောက်နုတ် ဖော်ပြလိုပါသည်။

အားလုံးပါဝင်ရေး


ဤနေရာတွင် အဓိကထား စဉ်းစားရန်မှာ အားလုံးပါဝင်ရေးဆိုသည့် ကိစ္စဖြစ်သည်။ အချို့တိုက်ပွဲများမှာ တစ်ဖွဲ့နှင့် ပြေလည်လျှင် အခြား သုံးလေးဖွဲ့နှင့်ပါ ပြေလည်ပြီးသား ဖြစ်နိုင်သကဲ့သို့ အချို့မှာမူ တစ်ဖွဲ့နှင့်ပြေလည်သဖြင့် အခြားအဖွဲ့များက ပိုမို အုံကြွလာနိုင်သည်။ ဦးသိန်းစိန်လက်ထက်တွင် တိုင်းရင်းသားလက်နက်ကိုင် အဖွဲ့များ တပ်ပေါင်းစုသဘောနှင့် ဆွေးနွေး ခဲ့ပြီး အောင်မြင်လုခင် အချိန်၌ ကိုးကန့်လက်နက်ကိုင်အဖွဲ့က လောက်ကိုင်သို့ ဝင်ရောက် တိုက်ခိုက်လိုက်ခြင်းက ကေအိုင်အေ၏ အပစ်အခတ်ရပ်စဲရေးတွင် ပါဝင်မှုကို အဟန့်အတား ဖြစ်စေခဲ့သလို တောင်ပိုင်းအဖွဲ့များ ဖြစ်သည့် မွန် NMSP နှင့် ကယန်း KNPP တို့ကလည်း ကိုးကန့်မပါလျှင် လက်မှတ် မထိုးဟူ၍ ဖြစ်လာခဲ့သည်။ ထို့ကြောင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးဆိုသော်လည်း KNU အပါအဝင် ကရင်လက်နက်ကိုင်အဖွဲ့များ၊ ချင်း CNF နှင့် ပအိုဝ်း PNLO စသည့် ၈ ဖွဲ့သာ လက်မှတ်ထိုးနိုင်ခဲ့သည်။ သို့သော် အကျိုးအမြတ်အဖြစ် တိုင်းရင်းသား လက်နက်ကိုင်အဖွဲ့များ အားလုံး သဘောတူညီထားသည့် NCA ဟူသောစာချုပ်ကို ရရှိအောင်တော့ လုပ်ဆောင်နိုင်ခဲ့ကြသည်။

ယခုအစိုးသစ်လက်ထက် တွင်လည်း အားလုံးပါဝင်ရေးမူကို ပြန်လည် သုံးသပ်ဖို့ လိုအပ်လာပါသည်။ တိုင်းရင်းသားလက်နက်ကိုင် အဖွဲ့တစ်ခုချင်း စီတွင် ကိုယ်ပိုင် အကျိုးစီးပွားများ၊ လိုလားချက်များနှင့် ရပ်တည်ချက် အသီးသီး ရှိကြသည်။ အဖွဲ့တစ်ခုနှင့်တစ်ခု မတူညီကြသော်လည်း တစ်ဖွဲ့နှင့်တစ်ဖွဲ့ စီးပွားရေးအရ၊ စစ်ရေးအရ မှီခိုနေရသည်လည်း ရှိကြသည်။ ထို့ကြောင့် ငြိမ်းချမ်းရေးကို အကောင် အထည်ဖော်ရန်မှာ ‘အားလုံးနှင့် တစ်ပြိုင်တည်း’ ဆိုသည်မှာ မဖြစ်နိုင်ပေ။ ယခု ၈ ဖွဲ့နှင့် လက်မှတ်ထိုးထားပြီး ယင်း ၈ ဖွဲ့နှင့် NCA ပါလုပ်ငန်းများကို အဆင့်လိုက် အကောင်အထည်ဖော်ရင်း အခြား လက်မှတ်မထိုးရသေးသည့် အဖွဲ့များ တစ်ဖွဲ့ချင်းပါဝင်လာအောင် ဆွေးနွေး ညှိနှိုင်းရမည် ဖြစ်သည်။ ငြိမ်းချမ်းရေး လုပ်ငန်းစဉ်မှာ အချိန်ပေးရသလို များစွာလည်း လက်ဝင်လှသည်။ ယခုအစိုးရသက်တမ်း ၅ နှစ်အတွင်း၌ပင် အဖွဲ့အားလုံးနှင့် ညှိနှိုင်းပြီးရန် မျှော်လင့်ထား၍ မရနိုင်ပေ။ အစိုးရသစ်သည် လက်မှတ်မထိုးရသေးသော အဖွဲ့အများစု စုဖွဲ့ထားပြီး တပ်မတော်က ငြင်းဆန်လျက်ရှိသော UNFC အဖွဲ့နှင့် အစုအဖွဲ့လိုက် တွေ့ဆုံဆွေးနွေးပါက အားလုံးပါဝင်ရေး တောင်းဆိုမှုထဲမှ ထွက်နိုင်လိမ့်မည်မဟုတ်။ ထို့ကြောင့် တစ်ဖွဲ့ချင်းစီနှင့်သာ ညှိနှိုင်းရင်း၊ ဆွေးနွေးရင်းဖြင့် ငြိမ်းချမ်းရေး ဖြစ်စဉ်ကို တစ်ဆင့်ချင်း အကောင်အထည်ဖော်ရန် လိုအပ်သည်။

ဖက်ဒရယ်


တိုင်းရင်းသားလက်နက်ကိုင် အဖွဲ့များတွင် မတူညီသော နောက်ခံ အကြောင်းတရား၊ အကျိုးစီးပွားနှင့် လိုလားချက် မည်သို့ပင်ရှိစေကာမူ တူညီချက် ဘုံသဘောထား တစ်ခုတော့ ရှိသည်။ ဖက်ဒရယ်ဖြစ်သည်။ ဖက်ဒရယ် ဆိုသည်မှာ မြန်မာစကား မဟုတ်သည့်တိုင် တိုင်းရင်းသားအားလုံးနှင့် နိုင်ငံရေး အင်အားစုများ၏ သည်းခြေကြိုက်စကားလုံး ဖြစ်သည်။ ပညတ် နှင့် ပရမတ် မည်သို့ကွာပါစေ၊ ဖက်ဒရယ်ဟု သုံးနှုန်းလိုက်မှ အရသာရှိသည် ဟူသောအခြေအနေဖြစ်သည်။ ယခင် ဦးသိန်းစိန်အစိုးရက တိုင်းရင်းသား လက်နက်ကိုင်အဖွဲ့များနှင့် ဆွေးနွေးရာတွင် ဖက်ဒရယ်ကို ပြောဆိုသုံးစွဲ ထည့်သွင်းခွင့်ပေးလိုက်ရာ ငြိမ်းချမ်းရေးလုပ်ငန်းစဉ် ခရီးတစ်ဝက်လောက် အလိုလို အဆင်ပြေသွားခဲ့သည်။ သို့သော် ပထမအကြိမ် ငြိမ်းချမ်းရေး ညီလာခံတွင် ဖက်ဒရယ်နှင့် ပတ်သက်၍ တိုင်းရင်းသားလက်နက်ကိုင် အဖွဲ့အစည်းများနှင့် တပ်မတော်တို့အကြား ယူဆပုံ ခြားနားနေသည်ကို သတိပြုမိခဲ့သည်။

ထို့ကြောင့် လာလတ္တံ့သော ၂၁ ရာစု ပင်လုံညီလာခံတွင် ဖက်ဒရယ်ကိစ္စကို အကျယ်တဝင့် ဆွေးနွေးကြ၊ ညှိနှိုင်းကြရတော့မည် ဖြစ်သည်။ အဆင်မပြေပါက NCA လက်မှတ်ထိုးထားသည့် အဖွဲ့များနှင့်ပင် တိုက်ပွဲများ ပြန်လည်ဖြစ်ပွားနိုင်သည်။ ဤနေရာတွင် လက်ရှိ ဦးထင်ကျော်အစိုးရ၏ နိုင်ငံရေးလုပ်ရည်ကိုင်ရည်က စကားပြောပါလိမ့်မည်။ အစိုးရအဖွဲ့တွင် တစ်ဦးတစ်ယောက်တည်း ကောင်းနေ၍မရ။ အားလုံး အပြန်အလှန် အတွင်းအပြင် နားလည်မှု ယုံကြည်မှုရှိစွာ၊ ပါးနပ်လိမ္မာစွာ၊ တာဝန်မျှတစွာ ခွဲဝေကာဖြင့် ဆောင်ရွက်ရန် လိုအပ်သည်။ ဖက်ဒရယ်ဆိုသော ဝေါဟာရကို အစိုးရအဖွဲ့မှ စတင်၍ ကျေညက်စွာ နားလည်ပြီး တပ်မတော်၊ တိုင်းရင်းသား လက်နက်ကိုင်များနှင့် အခြားနိုင်ငံရေး အင်အားစုများအကြား ဆွေးနွေးစေကာ ဆုံးဖြတ်ချက်တစ်ခု ချမှတ်လို့ရအောင် လမ်းညွှန်ပေးရမည်ဖြစ်သည်။ ထို့ကြောင့် ဖက်ဒရယ်၏သဘောကို ငြိမ်းချမ်းရေးလုပ်ငန်းစဉ် တာဝန်ယူ လုပ်ဆောင်မည့် ပုဂ္ဂိုလ်များက သေချာကျေညက်ဖို့ လိုအပ်သည်။ ဖက်ဒရယ်မျိုးစုံကို အကျွမ်းဝင်ရမည်။ အကျွမ်းဝင်သူ ပြည်တွင်း ပြည်ပ ပညာရှင်များ၊ နိုင်ငံတကာ အတွေ့အကြုံများကို အချိန်ပေးလေ့လာ ဆွေးနွေးရန် လိုအပ်သည်။ သို့မှသာ လိုလားချက်မျိုးစုံရှိသော တိုင်းရင်းသား လက်နက်ကိုင်များနှင့် ဆွေးနွေးကြသည့်အခါ အဆင်ပြေချောမွေ့မည် ဖြစ်သည်။

ငြိမ်းချမ်းရေးအတွက် မေးခွန်း


လက်နက်ကိုင် တိုက်နေသော တိုင်းရင်းသားလက်နက်ကိုင်အဖွဲ့ များအား ငြိမ်းချမ်းရေး ဘာကြောင့်လိုသလဲဟု မေးလျှင် လူမျိုးစုအခွင့်အရေး၊ ဖိနှိပ်ချုပ်ချယ်ခံရမှု ပပျောက်ရေး၊ တန်းတူညီမျှမှု၊ သယံဇာတခွဲဝေရေး၊ ဖက်ဒရယ် စသဖြင့် အကြောင်းပြချက် မျိုးစုံပေးကြမည်ဖြစ်သည်။ သို့သော် တကယ်ပဲ ယင်းကိစ္စများရရှိရန် လက်နက်ဖြင့်တိုက်ခိုက်ဖို့ လိုသလား ဆိုသည်မှာ သံသယဖြစ်စရာ ကောင်းပါသည်။ နှစ်ပေါင်းခြောက်ဆယ်ကျော် သန္ဓေတည်လာသည့် ပြည်တွင်းစစ်အတွက် လက်နက်ကိုင်တိုက်ခိုက်မှုမှာ ဖက်ရှင်တစ်ခုပင် ဖြစ်နေနိုင်သည်။ လက်နက်ကိုင်အဖွဲ့မရှိသော တိုင်းရင်းသားလူမျိုးစုမှာ အားငယ်သယောင်ပင် ရှိနေနိုင်သည်။ မည်မျှ ပြည်ထောင်စု တပ်မတော်ပါဟု ပြောနေသည်ဖြစ်စေ မြန်မာ့တပ်မတော်ကို တိုင်းရင်းသား အားလုံးက ဗမာစစ်တပ်ဟုသာ မြင်ကြသလို ကျန်တိုင်းရင်းသား လက်နက်ကိုင်တပ် အသီးသီးမှာလည်း လူမျိုးတစ်ခုချင်းစီ ကိုသာ ကိုယ်စားပြု တိုက်ခိုက်ကြသည်။ လူမျိုးတစ်စုတွင် နှစ်ဖွဲ့ သုံးဖွဲ့ကွဲနေသည်များပင် ရှိသည်။ ထို့ကြောင့် တိုင်းရင်းသားလက်နက်ကိုင် အင်အားစုများအနေနှင့် ဘာကြောင့် ငြိမ်းချမ်းရေး လိုချင်တာလဲ၊ တကယ်ပဲ လူမျိုးစုအရေးလား၊ ပုဂ္ဂလိက အကျိုးစီးပွားတွေ၊ အဖွဲ့လိုက် အကျိုးစီးပွားတွေ ပါနေသလား၊ တကယ်ပဲ အစိုးရက ဖိနှိပ်နေလို့ တိုက်နေရတာလား၊ ကိုယ့်အဖွဲ့ရဲ့ ပါဝါပြချင်ရုံ သက်သက်လား၊ ဘာလို့ လူမျိုးစုအရေးဆိုပြီး ကိုယ့်လူမျိုးတွေပဲ ဒုက္ခရောက်စေမယ့် တိုက်ပွဲတွေကို ဖန်တီးနေရတာလဲ၊ တကယ်ပဲ ကိုယ့်အဖွဲ့ဟာ ကိုယ့်လူမျိုးကောင်းစားရေးကို အထောက်အပံ့ဖြစ်ရဲ့လား၊ ငြိမ်းချမ်းရေးကို တကယ်လိုချင်တာ ဟုတ်ရဲ့လား ဆိုတာကို ပြန်လည်သုံးသပ်ဖို့ လိုအပ်သည်။

ထို့ပြင် လက်ရှိအစိုးရ အနေနှင့်လည်း ဘာကြောင့် ငြိမ်းချမ်းရေး လိုချင်တာလဲ၊ နိုင်ငံတော်အတွက်လား၊ အစိုးရအဖွဲ့အတွက်လား၊ ၅ နှစ်တာ ကာလအတွက်လား၊ နောက်မျိုးဆက်တွေ အတွက်လား၊ နှစ်ပေါင်းကြာရှည် ရပ်တည်လာတဲ့ တိုင်းရင်းသားလက်နက်ကိုင် အဖွဲ့တွေကို ဘယ်လောက်ထိ နားလည်ပေးနိုင်မလဲ၊ လက်နက်မကိုင်တဲ့ တိုင်းရင်းသားတွေနဲ့ လက်နက်ကိုင် တိုင်းရင်းသားတွေအကြား ဘယ်လောက်ထိ တန်းတူအခွင့်အရေး ပေးနိုင်မလဲ၊ ဘယ်အတိုင်းအတာအထိ အောင်မြင်အောင် လုပ်ဆောင်မယ်လို့ သန္နိဋ္ဌာန် ချထားသလဲ၊ တခြားအရေးအရာ တွေထက် ငြိမ်းချမ်းရေးကို ဘယ်လောက်ထိ ပိုလိုအပ်တယ်လို့ ခံယူထားသလဲ၊ တပ်မတော်နှင့် တိုင်းရင်းသားလက်နက်ကိုင် အဖွဲ့များအကြား အယူအဆ ကွဲလွဲမှုများကို လက်ခံနိုင်ရဲ့လား စသည့် မေးခွန်းများဖြင့် မိမိတို့ Stakeholder များအတွင်း ပြန်လည်ဆွေးနွေး သုံးသပ်ကြရန် လိုအပ်သည်။ တပ်မတော်လိုပင် မည်မျှ ပြည်ထောင်စုအစိုးရပါဟု ပြောပြော ဗမာအစိုးရဟုပင် တိုင်းရင်းသား အများစုက ရှုမြင်ကြဆဲ ဖြစ်သည်။ ထို့ကြောင့် ငြိမ်းချမ်းရေးကို အာရုံစိုက် မလုပ်နိုင်လျှင်၊ သည်းမခံနိုင်လျှင်၊ နားလည်မှုမပေးနိုင်လျှင် အစိုးရတစ်ရပ် အနေနှင့် တပ်မတော်အပါအဝင် လက်နက်ကိုင် အင်အားစုများအကြား ရပ်တည်ရန် ခက်ခဲပါလိမ့်မည်။ တိုင်းရင်းသားများအား သဘောထား ကျဉ်းမြောင်းတယ်၊ ကိုယ့်လူမျိုးကိုပဲ ကြည့်တယ်၊ တစ်နိုင်ငံလုံးအရေး မကြည့်ဘူး စသဖြင့် ၎င်းတို့၏နောက်ခံနှင့် ခံစားချက်ကို နားလည်မပေးဘဲ ပြစ်တင်ပုတ်ခတ်မှုများ ပြုလုပ်မည်ဆိုပါက ငြိမ်းချမ်းရေးမှာ မစခင်ကတည်းက ရှုံးနိမ့်လိမ့်မည် ဆိုသည်ကို သတိပြု ဆင်ခြင်စေလိုပါသည်။ ထို့ပြင် တိုင်းပြည် ပိုမိုထိခိုက် နစ်နာသွားနိုင်သည်ကိုလည်း သတိပြုရမည်။
(စကားချပ် - ပြည်တွင်းစစ်ဖြစ်ပွားရသော အခြေခံရင်းမြစ်မှာ နိုင်ငံရေး ပြဿနာဖြစ်သည်ဟု မှတ်ယူကာ တပ်မတော်ကိုတော့ ငြိမ်းချမ်းရေး ဘာကြောင့်လိုချင်တာလဲ ဆိုသော မေးခွန်း မမေးတော့ပါ။)

ဤနေရာတွင် တိုင်းရင်းသားလက်နက်ကိုင် အဖွဲ့ခေါင်းဆောင် တစ်ဦး၏ ပြောကြားချက်တစ်ရပ်ကို ကိုးကားဖော်ပြလိုပါသည်။ “ငါတို့ တိုင်းရင်းသားတပ်ကို ဗမာတပ်တွေ ဘယ်တော့မှ အနိုင်တိုက်နိုင်မှာ မဟုတ်ဘူး။ အဲ့ဒီလိုပဲ ငါတို့ကလည်း ဗမာတပ်တွေကို တိုက်လာတာ နှစ် ၆၀ ကျော်ပြီ။ အမြစ်မဖြုတ်နိုင်သေးဘူး။ ဒါကြောင့် ငါတို့ တိုင်းရင်းသားတွေ လိုချင်တဲ့ အခွင့်အရေးတွေရဖို့ လက်နက်ကိုင် တိုက်မယ့်အစား တွေ့ဆုံ ဆွေးနွေး ညှိနှိုင်းမှုလမ်းကြောင်းကို သွားဖို့ ငါဆုံးဖြတ်တာဖြစ်တယ်”ဟူ၍ ဖြစ်သည်။

ယင်းမှာ ထိုခေါင်းဆောင်၏ ဘာကြောင့် ငြိမ်းချမ်းရေး လိုချင်တာလဲ ဆိုသည့်မေးခွန်းအတွက် အဖြေဖြစ်သည်။ ငြိမ်းချမ်းရေးနှင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ သက်ဆိုင်သော အကျိုးရှင်များ အားလုံးလည်း ထိုမေးခွန်းကို ပြန်လည်စဉ်းစားရန် လိုအပ်လှပေသည်။ နိုင်ငံရေး အကျိုးအမြတ်အတွက် ငြိမ်းချမ်းရေး မဖြစ်စေလို။ နိုင်ငံတော်နှင့် အနာဂတ်မျိုး ဆက်သစ်များအတွက် ငြိမ်းချမ်းရေးသာ ဖြစ်လိုသည်။

သခင်
မေလ ၈ ရက်၊ ၂၀၁၆

]]>
chili2028@gmail.com (The Voice) PERSPECTIVE Wed, 11 May 2016 11:14:24 +0000
ခုံးကျော်တံတားကြီးရဲ့ ဟိုဘက်ဒီဘက် http://www.thevoicemyanmar.com/index.php/perspective/item/10703-kkt http://www.thevoicemyanmar.com/index.php/perspective/item/10703-kkt ခုံးကျော်တံတားကြီးရဲ့ ဟိုဘက်ဒီဘက်

ရန်ကုန်မှာ မီးတွေပျက်တော့ လူတချို့ ကြွက်စီကြွက်စီအသံတွေ ထွက်လာတယ်။ ရန်ကုန်တင် မဟုတ်ပါဘူး။ ပျက်တာကတော့ တစ်ပြည်လုံးပါ။ အထူးသဖြင့်တော့ ဖေ့စ်ဘွတ်ခ်ရပ်ဝန်းမှာ မီးပျက်တာကို အကြောင်းပြုလို့ ဝေဖန်သူတချို့က ဝေဖန်၊ အပြစ်တင်သူတချို့က အပြစ်တင် ထေ့သူထေ့ ငေါ့သူငေါ့ပေါ့။ ဆိုရှယ်မီဒီယာ ဖေ့ဘွတ်ခ်ကလည်း ခုခေတ်မှာ ကလေး၊ လူကြီး၊ ခေါင်းရွက်ဗျပ်ထိုး၊ ဆိုက်ကားသမား မကျန် သုံးနေကြတော့ ကျွန်တော်တို့လူ့အဖွဲ့အစည်းမှာ ထစ်ခနဲ တစ်ခုခုဖြစ်လိုက်တာနဲ့ လူအုပ်စုလိုက် တုံ့ပြန်ပုံအမျိုးမျိုးကို ထင်းခနဲ တွေ့နိုင်မြင်နိုင်တဲ့နေရာပါ။ မီးပျက်လည်း မီးပျက်လို့၊ ရေကြီးလည်း ရေကြီးလို့၊ မိုးသည်းလည်း မိုးသည်းလို့၊ မုန်တိုင်းကျလည်း မုန်တိုင်းကျလို့၊ ဘတ်စ်ကားကျပ်လည်း ကျပ်လို့၊ လမ်းတွေပိတ်လည်း ပိတ်လို့၊ ကုန်ကုန်ပြောရရင် အစိုးရ မကောင်းတာ၊ ဌာနဆိုင်ရာ အဖွဲ့အစည်း အသုံးမကျတာအားလုံး ဖေ့စ်ဘွတ်ခ်ပေါ်မှာ ပြောနေကြတာပါ။

မီးတွေပျက်လို့ ကိုယ့်စိတ်ထဲရှိတဲ့အတိုင်း မကျေနပ်တာ၊ ရင်ဖွင့်တာ လူတစ်ဦးချင်းစီရဲ့ ကိုယ်ပိုင် အခွင့်အရေးပါ။ ဒီမိုကရေစီ ရပိုင်ခွင့်ပါ။ ပြောခွင့် ဆိုခွင့် ဝေဖန်ခွင့် ရှိပါတယ်။ အစိုးရသစ်မို့၊ အစိုးရဟောင်းမို့၊ ရက် ၁၀၀ မပြည့်သေးလို့ ကန့်သတ်ချက်မရှိပါဘူး။ ဘယ်အစိုးရပင်ဖြစ်စေ လူတစ်ဦးချင်းက ကိုယ့်ထင်မြင်ယူဆချက် ပြောခွင့်ရှိပါတယ်။ မီးမလာရင် မလာဘူးပေါ့။ ကားတွေပိတ်ရင် ပိတ်တယ်ပေါ့။ စည်ပင်က အလုပ်မလုပ်ရင် မလုပ်ဘူးပေါ့။

တစ်ခုတော့ရှိပါတယ်။ ခုဖြစ်နေတဲ့ပြဿနာက ဒီအစိုးရလက်ထက် ကျမှ ကောက်ကာငင်ကာ ဖြစ်လာတာတွေမှ မဟုတ်ဘဲ။ ဟို အရင်စစ်အစိုးရဟောင်း လက်ထက်ကတည်းက အမြစ်တွယ်လာတဲ့ ပြဿနာတွေ မဟုတ်လား။ ဒါကိုတော့ ခွဲခြားနားလည်ဖို့ လိုပါတယ်။ ပြောရရင် ပြောစရာ အကြောင်းအရာတွေက စုံလို့ပါပဲ။

အရင်လူတွေ ပစ်စလက်ခတ် လုပ်သွားကြတာတွေလေ။ တိုင်းပြည် ဘဏ္ဍာတွေကို ရက်ရက်စက်စက် ဗုံးပေါလအော ဆီးသီးဗန်းမှောက်သလို သူတစ်ဆုပ် ကိုယ်တစ်ဆုပ် နှိုက်စားသွားကြတာတွေလေ။ ဒီရက်ထဲ ရန်ကုန်မှာ ဟိုနားဒီနားသွားတော့ ကားတွေပိတ်နေလိုက်တာ။ ဟိုနေရာလည်း ပိတ် ဒီနေရာလည်းပိတ်၊ ရန်ကုန်မြို့ကြီးမှာ ရှောင်မလွတ်အောင် ယာဉ်ကြော ပိတ်ဆို့မှုကြီးကို မြင်နေရတယ်။ နေကပူ၊ ရေကဆူ၊ လမ်းကပိတ်။ ရန်ကုန်မြို့တော်သူ မြို့တော်သားတွေ ခမျာမှာတော့ ဒီကြားထဲကပဲ လိုရာခရီး ညည်းညူသွားလာနေ ကြရတယ်။ ပြောရရင် ယာဉ်ကြောပိတ်ဆို့မှု ပြဿနာက ခုအစိုးရလက်ထက်ကျမှ ပေါ်လာတာတော့မဟုတ်ဘူး။ အရင် အစိုးရဟောင်း လက်ထက်ကတည်းက ဖြစ်လာတဲ့ ပြဿနာတွေပါ။

ခုံးကျော်တံတားတွေ ဆောက်ကြပါတယ်။ ခုလည်း တာမွေလမ်းဆုံမှာ ဆောက်နေတာ လက်စမသတ်သေးဘူး။ ဦးချစ်မောင်လမ်းနဲ့ ဟိုဘက် တာမွေလမ်းကို ဆက်တဲ့ ခုံးတံတားကြီးကတော့ ပြီးသွားပါပြီ။ ဖဲကြိုးဖြတ် မဖွင့်ရသေးပေမယ့် ကားတွေကိုတော့ ဖြတ်ခွင့်ပြုထားပါပြီ။ Y ပုံသဏ္ဌာန် ခုံးကျော်တံတားဆိုတော့ ဒီဘက် အရှေ့မြင်းပြိုင်ကွင်းဘက်ခြမ်း ကတော့ ခုမှ ကွန်ကရစ်တိုင်တွေ ထူတုန်း၊ ယန္တရားကြီးတွေနဲ့ နေ့ည တူးဆွနေကြတုန်း၊ အနီးနား ရပ်ကွက်နေကြသူတွေ ခက်ခက်ခဲခဲ သည်းခံရှောင်ကွင်း သွားနေကြရတုန်းပါ။ ခုံးကျော်တံတားကြီး တစ်စင်း ဆောက်လိုက်လို့ လမ်းပန်း ဆက်သွယ်ရေး ဘယ်လောက်အထိ အဆင်ပြေ ချောမွေ့သွားတယ်တော့ မပြောတတ်ဘူး။ အနည်းဆုံး ခြောက်လလောက်ကတော့ ပတ်ဝန်းကျင်နေသူတွေ၊ ဖြတ်သန်းသွားလာသူ တွေကို အကြီးအကျယ် စိတ်အနှောင့်ယှက် ဖြစ်စေတာကတော့ အမှန်ပါပဲ။

ကောင်းပြီ။ ခု ခုံးကျော်တံတားတွေ ဆောက်လိုက်လို့ ရန်ကုန်မြို့က ယာဉ်ကြောပိတ်ဆို့မှုကို ဘယ်လောက် အတိုင်းအတာထိ ဖြေရှင်းပေးနိုင်ပြီလဲ။ တစ်ချက်လောက် ကြည့်လိုက်ကြရအောင်...။ ခုလောလောဆယ် ဖွင့်ပေးထားတဲ့ တာမွေခုံးကျော်တံတား- ဦးချစ်မောင်လမ်းဘက် အခြမ်း ကိုပဲကြည့်။ ဒီတံတားဟာ ဦးချစ်မောင်အိမ်ရာ AGD ဘဏ်ရှေ့လောက် ကနေ ဟိုဘက် တာမွေစာတိုက်ထိ တော်တော်ရှည်လျားပါတယ်။ ခု တံတားကြီးပေါ်က ဖြတ်မောင်းခွင့် ပြုလိုက်တော့ တာမွေလမ်းဆုံတစ်ဝိုက် ကားပိတ်ဆို့မှု လျော့သွားမယ်လို့ ထင်ပါသလား။

မနေ့တစ်နေ့က ဦးချစ်မောင်လမ်းအတိုင်း Ocean ဘက် ထွက်လာတော့ အဝိုင်းထိပ်လမ်းဆုံမှာ အရင်လိုပဲ ကားတန်းကြီးက တစ်မျှော်တစ်ခေါ် ဖြစ်နေတာတွေ့ရတယ်။ ဟင်... တံတားကြီးသာ ပြီးသွားတယ်။ ဘာမှလည်း ထူးမလာပါလား။ တာမွေလမ်းဆုံမှာ အရင်လိုပဲ ကားတွေပိတ် နေတုန်းပါပဲလား။ အခုပြီးသွားတဲ့ အသစ်စက်စက် ခုံးကျော်တံတားပေါ်မှာ ဖြတ်မောင်းသွားတဲ့ ကိုယ်ပိုင်ကား နည်းနည်းပါးပါးပဲ တွေ့ရတယ်။ ခုံးတံတားသစ်ပေါ်မှာ ရှင်းလို့။ လိုင်းကားတွေ၊ ခရီးသည်တင် ဘတ်စ်ကားကြီးတွေ အားလုံး အရင်အတိုင်း (ခုံတံတားပေါ်က မမောင်းဘဲ) တံတားအောက်ကပဲ စုပြုံမောင်းကြတော့ ဒီတံတားကြီးဆောက်လိုက်တာ အဓိပ္ပာယ်မဲ့သလို ဖြစ်နေတာ တွေ့ရတယ်။ ဘတ်စ်ကားတွေ အနေနဲ့ကလည်း တံတားပေါ် တက်မောင်းရင် ခရီးသည်မရမှာ စိုးတော့ အောက်ကပဲ မောင်းမြဲမောင်း ကြတယ်။ ကျပ်ငွေ သိန်းပေါင်း သောင်းချီကုန်ကျသွားတဲ့ ခုံးကျော်တံတားသစ် တစ်စင်းဟာ လူထုအပေါ် ဘယ်လို အကျိုးသက်ရောက်မှုမှ မပေး၊ အဆင်ပြေအောင် စွမ်းဆောင်မပေးနိုင်ဘဲ ခုလိုမြင်နေရတာဟာ အင်မတန်နှမြောစရာ၊ ရင်နာစရာကောင်းလှ ပါတယ်။ ဒါကို စပြီးအကောင်အထည်ဖော် ခဲ့သူတွေ၊ စိတ်ကူးခဲ့ကြသူတွေဟာ ဖြစ်လာနိုင်တဲ့ အကျိုးရလဒ်ကို အသေအချာ ကြိုတင်မစဉ်းစား မတွက်ဆခဲ့ကြဖူးလား။ စီမံကိန်းတစ်ခု၊ ပရောဂျက် တစ်ခုကို လွယ်လွယ်ကူကူပဲ ဆုံးဖြတ် လုပ်ကိုင်ခဲ့ကြလေသလား။ လူထုအပေါ် စေတနာမထားခဲ့လေသလား။

ခုံးကျော်တံတားကြီးတွေကို နေ့ညမအား ခြောက်လ ရှစ်လအတွင်း အပြီး တည်ဆောက်ခဲ့ကြတယ်။ တံတားပုံသဏ္ဌာန်၊ ဒီဇိုင်းနဲ့ နည်းပညာကို ဘယ်သူတွေက အတည်ပြုပေးခဲ့သလဲ။ တစ်လောကမှ ပြီးသွားတဲ့ ရှစ်မိုင် ခုံးကျော်တံတားဆိုရင်လည်း အွန်လိုင်းပေါ်တက်လာတဲ့ ဓာတ်ပုံတွေ၊ သတင်းတွေအရ အရည်အသွေးမမီတာ၊ ဖြစ်သလို လုပ်ထားတာ၊ တံတားအောက်က ဖြတ်သွားတဲ့ ဟွန်ဒါဖစ်ကားတစ်စီး တံတားတိုင်နဲ့ သွားငြိနေတာ မြင်ရတော့ အရုပ်ဆိုးလှပါတယ်။

စောစောက တာမွေခုံးကျော်တံတား ဆိုရင်လည်း အောက်ခြေ ကွန်ကရစ်ထောက်တိုင်က တံတားအောက်မှာ နေရာအကျယ်ကြီး ယူထား၊ တံတားအောက်မှာကျ ကားတစ်စီးသွားရုံ လမ်းအကျယ်ပဲ ကျန်ခဲ့တယ်။ ဒီတော့ ဘာမှသုံးမရဘဲ လွတ်နေတဲ့နေရာတွေက အလိုလို ကားပါကင်ဖြစ်သွား။ ကားပါကင်ပြဿနာ ရှင်းဖို့ ဒီနည်းကို သုံးခဲ့သလားတော့ မပြောတတ်ပါ။ သာမန်လူတစ်ယောက်အနေနဲ့ တပ်အပ်မပြောနိုင်ပေမယ့် ကျွန်တော် တို့ဆီက ခုံးကျော်တံတား တည်ဆောက်တဲ့ နည်းပညာဟာ နည်းနည်းများ လွဲနေသလားလို့။ ဘန်ကောက်တို့၊ တိုကျိုတို့မှာလည်း ခုံးကျော်တံတားတွေ အများကြီးပါ။ ဒီလိုပုံမျိုး မဟုတ်ပါဘူး။

ကဲ ရန်ကုန်မြို့မှာ ဆောက်ထားတဲ့ ခုံးကျော်တံတားတွေရဲ့ အကျိုး သက်ရောက်မှုကို ကြည့်ကြရအောင်။ ပြီးခဲ့တဲ့ သုံးလလောက်က ကုက္ကိုင်း ခုံးကျော်တံတားကြီး ပြီးသွားတယ်။ ဟိုတစ်နေ့က ရွှေဂုံတိုင် ခုံးကျော်တံတားကိုဖြတ်ပြီး ဆရာစံလမ်းကို အသွား ကမ္ဘာအေးဘုရားလမ်းပေါ် နှင်းဆီကုန်း ဘိုးဘွားရိပ်သာရှေ့မှာ ကားပင်လယ်ကြီးနဲ့တိုးပြီး ဘီးတစ်လိမ့်ချင်း နာရီဝက်လောက် ရွေ့ခဲ့ရတယ်။ ဟိုဘက်မှာ ကုက္ကိုင်းတံတားသစ်ကြီး ဆောက်ထားပေမယ့် ခုံးတံတားနှစ်ခုကြား ပုလဲကွန်ဒိုရှေ့ကနေ နှင်းဆီကုန်း ဘိုးဘွားရိပ်သာရှေ့တစ်လျှောက် ယာဉ်ကြောပိတ်ဆို့မှုဟာ လျော့မသွားခဲ့ပါဘူး။ ပြီးတော့ ရွှေခုံတိုင်ခုံးကျော်တံတားရဲ့အဆင်း နတ်မောက်လမ်းဆုံကနေ ဦးထောင်ဗိုအဝိုင်းထိ ကားပင်လယ်ကြီးကလည်း နေ့တိုင်း တဝဲလည်လည် ဖြစ်နေဆဲပါ။ လှည်းတန်းခုံးတံတားနဲ့ မြေနီကုန်း ခုံးတံတားကြား ဟံသာဝတီ အဝိုင်းပတ်လည်ကလည်း ဘာထူးလို့တုံး။ ခုံးကျော်တံတားတွေဟာ ရန်ကုန်ယာဉ်ကြောပိတ်ဆို့မှုအတွက် အဖြေမဟုတ်ဘူးဆိုတာ ပညာရှင် တွေကလည်းပြော၊ မီဒီယာတွေကလည်း ထောက်ပြခဲ့ပေမယ့် ပြီးသွားတဲ့ အစိုးရဟာ နားမထောင်ဘဲ ငါ့မြင်းငါစိုင်း လုပ်ချင်တာလုပ်ခဲ့ကြတာပါ။ နိုင်ငံ့ဘဏ္ဍာတွေက နှမြောစရာကောင်းလှတယ်။

အခု နောက်ဆုံးတံတား တာမွေခုံးကျော် ပြီးလုနီးပါပြီ။ ဒီတံတားပြီးရင် နောက်ထပ်ဆောက်စရာ မရှိတော့သလို အစိုးရသစ်ကလည်း ဆောက်ခွင့်မပြုတော့ပါဘူး။ တာမွေခုံးကျော်တံတားကြီး မပြီးသေးပေမယ့် ပြီးသွားရင် ဖြစ်လာနိုင်တဲ့ ယာဉ်အသွားအလာ အခြေအနေကို ခုမျက်မြင်အတိုင်း အတန်အသင့် ခန့်မှန်းလို့ရပါပြီ။ ရွှေခုံတိုင်တို့၊ ကုက္ကိုင်းတံတားတို့လိုပဲ တာမွေ ခုံးကျော်တံတားကြီးရဲ့ ဟိုဘက်ထိပ် ဒီဘက်ထိပ်တွေမှာ အရင်လိုပဲ ကားတန်းကြီးတွေ ပတ်ချာလည် ပိတ်ဆို့နေဦးမှာ မြင်ယောင်နေမိကြောင်းပါ။

ချစ်ဝင်းမောင်

]]>
chili2028@gmail.com (The Voice) PERSPECTIVE Tue, 10 May 2016 09:53:27 +0000
တစ်ရက် ဒေါ်လာဆယ့်လေးသန်းတန် ရက် ၁၀၀ လမ်း http://www.thevoicemyanmar.com/index.php/perspective/item/10690-tyd http://www.thevoicemyanmar.com/index.php/perspective/item/10690-tyd တစ်ရက် ဒေါ်လာဆယ့်လေးသန်းတန် ရက် ၁၀၀ လမ်း

ရက် ၁၀၀ စီမံချက်အဖြစ် ဆောက်လုပ်ရေး ဝန်ကြီးဌာနက ရန်ကုန်-မန္တလေး အမြန်လမ်းမကြီးကို ပြုပြင်မည်ဟု သိလိုက်ရသည့်အခါ လွန်ခဲ့သော လေးလလောက်က သွားခဲ့သည့် တစ်ရက် ဒေါ်လာဆယ့်လေးသန်းတန် ခရီးကို သတိရမိသည်။

ကားစထွက်သည်မှ နှစ်နာရီ သုံးနာရီအတွင်း ယာဉ်တိုက်မှု၊ လမ်းဘေးထိုးဆင်းမှု စသည်စသည် ယာဉ်မတော်တဆ ဖြစ်မှုပေါင်း ခြောက်ကြိမ်တိတိ ကြုံလိုက်ရသည်။ ယာဉ်တိုက်မှုတစ်ခု ဆိုလျှင် မိမိတို့ကား မရောက်မီ စက္ကန့်ပိုင်းလေး အတွင်းမှ ဖြစ်သွားသည့်ပုံ။ ကားသမားပင် သူဘာဖြစ်သွားသည်ကို မယုံနိုင်၊ ‘ငါမမြင်လိုက်ရလား၊ ဘရိတ် မအုပ်လိုက်ရလား’ ဟု ကြိတ်မနိုင်ခဲမရ မြင်ရသည်။

အသေအပျောက်လည်း ရှိ၊ အထိအခိုက်လည်း ရှိသည်။ ကားလမ်းလည်း တစ်သီတစ်သန်းကြီး ပိတ်လုလု။ ကားသမားက ကျွမ်းကျွမ်းကျင်ကျင်ပင် ဟိုကွေ့သည်ပတ်ဖြင့် ဖြတ်ကျော်လာခဲ့၍သာ။ သို့မဟုတ် ထိုနေရာတွင်ပင် မည်မျှကြာအောင် ပိတ်မိနေမည်မသိ။ ကိုယ်ကသာ တစ်ခုပြီးတစ်ခုသော ယာဉ်တိုက်မှုတွေကို ကြည့်ပြီး လှံဖျားပုစဉ်းနား ကျီးကန်းက ချေးပါ။ ကားသမားက ကွမ်းတမြုံ့မြုံ့ဖြင့် ပြောသည်က “မိုးနည်းနည်းရွာကတည်းက ဖြစ်တော့မယ်လို့ ထင်သား”။ ဒါတောင် လမ်းဘေးချော်ကျတဲ့ နေရာတွေက ချောက်မဟုတ်။ ကားကြီးနှစ်စီးတိုက်သော နေရာမှာ ချောက်ဖြစ်သော်လည်း ကံကောင်း၍လား၊ ကားသမားတွေပဲ တော်၍လား မသိ။ ချောက်ထဲ ပြုတ်မကျကြ။

တစ်ရက် ဒေါ်လာဆယ့်လေးသန်း


ယခုလောက်ဆိုလျှင် ကျွန်တော်ပြောနေသည့် လမ်းသည် ရန်ကုန် မန္တလေးလမ်း မဟုတ်ကြောင်း ရန်ကုန်မန္တလေးလမ်း သွားဖူးသူတိုင်း သိလောက်ပြီ။ ရန်ကုန်မန္တလေးလမ်းတွင် ချောက်မရှိ၊ ဆယ်ဘီးကားမရှိ။

မန္တလေး-မူဆယ်လမ်းသည် မြန်မာနိုင်ငံ၏ အသက်သွေးကြော လမ်းမကြီးဖြစ်သည်။ မြန်မာနိုင်ငံ၏ ပို့ကုန်များသည် ပင်လယ်ရေကြောင်းမှ ကုန်သွယ်ခြင်းထက် နယ်စပ်ကုန်သွယ်ရေးဖြင့် အိမ်နီးချင်းနိုင်ငံများသို့ သွားသည်။

တရုတ်သည် မြန်မာနိုင်ငံ၏ အဓိက ကုန်သွယ်ဖက်နိုင်ငံ ဖြစ်ပြီး မူဆယ်ဂိတ်သည် မြန်မာ့ကုန်များ တရုတ်ဘက်သို့ ဖြတ်သွားသည့် အဓိကဂိတ် ဖြစ်သည်။ ၂၀၁၄-၂၀၁၅ ဘဏ္ဍာနှစ်စာရင်း အရပင် ဒေါ်လာ ၅ ဒသမ ၁၁ ဘီလီယံဖိုး စုစုပေါင်း ကုန်သွယ်မှု၊ ပို့ကုန် ၂ ဒသမ ၆၄ ဘီလီယံရှိသည်။ ဒါကတရားဝင် တန်ဖိုး။ တစ်ရက်လျှင် ပျမ်းမျှကုန်စည် ဒေါ်လာ ၁၄ သန်းဖိုး စီးဆင်းနေသောလမ်း။ မန္တလေးမှ စထွက်ကတည်းက ကုန်ကားကြီးများ ကုန်အပြည့်ဖြင့် တန်းစီချီတက်နေကြသည်။ ကျွန်တော်တို့အဖွဲ့ ပါလာသော Corwn ကားလေးများက ကားကြီးများ နောက်မြီးက ခိုပြီးလိုက်လိုက်၊ ညာမောင်းဖြစ်သည့်အတွက် ယာဉ်မောင်းက ခေါင်းကို ကိုယ့်ဘက်သို့ ဆွဲကြည့်ပြီး လွတ်သည်ထင်လျှင် ကျော်တက်လိုက်နှင့်။ တစ်ချီတစ်ချီတွင် မျက်နှာချင်းဆိုင်က ဆင်းလာသော ကားနှင့် ခေါင်းချင်းဆိုင်လုလု၊ သည်ဘက်ကလည်း ချောက်နှင့် အသည်းတယားယား ရင်တဖိုဖို။ Fast and Furious ထဲက ကားဆရာများလောက်တော့ သူတို့ကအပျော့။ အကြိမ်ကြိမ်ကျော် တက်နေရသဖြင့် တောက်လျှောက် လွတ်လွတ်လပ်လပ် မောင်းရသည်ဟု ထင်လျှင် မှားသွားလိမ့်မည်။ မန္တလေး-မူဆယ်လမ်းသည် ကားအလွန်ပိတ်သည်။ လမ်းက အသွားလမ်း အပြန်လမ်း ယာဉ်ကြောတစ်ကြောစီသာ ရှိသည်။ ဟိုဘက်သည်ဘက် ကားများ ဆုံသွားပြီဆိုလျှင် ကျော်မရတော့။ ယာဉ်တိုက်မှု ဖြစ်လျှင်၊ တစ်ခုခု အထစ်အငေါ့ဖြစ်လျှင် တမေ့တမောသာ စောင့်ပေရော့။ ကျွန်တော်တို့ မူဆယ်နားအရောက်တွင် တစ်ချီ ပိတ်မိလိုက်သည်။

လမ်းတွေက ပိတ်ပိတ်


ပိတ်သည်ဆိုသည်မှ အလျဉ်းသွားမရတော့။ အသွားအပြန် နှစ်လမ်းအနက် အပြန်တစ်ခြမ်းကို လုံးဝပိတ်ထားသည်ပင် ယာဉ်တန်းက တုတ်တုတ်မျှမလှုပ်။ အခန့်မသင့်လျှင် ညအိပ်ရတတ်သည်ဟု သွားနေကျမိတ်ဆွေက ပြောသည်။ “ညအိပ်ရင် ဘယ်လိုစားကြမလဲ” ဆိုတော့ လက်ညှိုးထိုးပြသည်။ ဆိုင်ကယ်လက်ကိုင်တွင် ဟင်းထုပ်၊ ထမင်းထုပ်များ ချိတ်လျက်နှင့်အသေးစား စီးပွားရေးလုပ်ငန်းရှင်များ ပေကိုး။ သေသေချာချာထပ်ကြည့်တော့ လမ်းဘေးတဲ အချို့တွင်လည်း အသင့်စားခေါက်ဆွဲများ ရောင်းသည်ကို တွေ့ရသည်။ ဈေးကွက်ရှိလျှင် ဈေးသည်ရှိသည် မဟုတ်ပါလား။

ကားတန်းကြီးက တောင်ကြားတွေကို ကွေ့ပြီးကောက်ပြီး ရှည်ရှည်လျားလျားကြီး ဖြစ်နေသောကြောင့် မနေနိုင်မထိုင်နိုင် ဓာတ်ပုံထွက်ရိုက် လိုက်မိသဖြင့် ကားထွက်သွားရာ၊ ကမန်းကတမ်း ပြေးလိုက်ရသေးသည်။ စီးပွားရေးဇုန် ဖွင့်ပွဲသို့ လာသော ကားများကို ဦးစားပေး လွှတ်ပေးသဖြင့် သုံးနာရီလောက်သာ ပိတ်လိုက်ပြီး လွတ်လာသည်။ စာရေးသူတို့နောက်မှ လာသောကားများ ညအိပ်လိုက်ရသည်ဟု နောက်မှသိရသည်။ ခဏတဖြုတ်လာသော စာရေးသူတို့က တောကြားတောင်ကြား လူတွေစည်စည်ကားကားနှင့် လမ်းပိတ်နေသည်ကို အရသာတစ်ခု၊ စွန့်စားခန်းတစ်ရပ်သဖွယ် ဟိုငေးသည်ငေး ဓာတ်ပုံ တဖျပ်ဖျပ်နေသော်လည်း နိစ္စဓူဝ သွားနေကျ၊ လာနေကျ ဒေသခံများမှာ စိတ်ပျက်ပြီး စကားပြောရန်ပင် အားမရှိကြတော့သည့်ပုံ။ ဘဝတွင် အဖိုးတန်အချိန်များ သွားရင်းလာရင်း မကုန်သင့်ဘဲ ကုန်ဆုံးသွားကြသည်။ အချိန်တွင်သာမက ငွေများလည်း ကုန်ဆုံးကြသည်၊ ပွန်းပဲ့ကြသည်။

မြန်မာဘက်တွင်သာ ကားများ ပိတ်ဆို့နေသော်လည်း ထိုကားများ၏ ခရီးဆုံးဖြစ်သည့် တရုတ်ပြည် ကြယ်ခေါင် ဟိုဘက်ခြမ်းတွင် မည်သည့်ကားမျှ မမြင်ရ။ အလျှိုလျှို ပျောက်ကုန်ကြသည်။ မြန်မာဘက်တွင်မူ အသွားရော အလာရော ကျပ်ညပ်ပိတ်ဆို့ကြန့်ကြာ။

လမ်းတွင်ပိတ်သည် မဟုတ်၊ စစ်ဆေးရေးဂိတ်များကလည်း ပိတ်သည်။ စစ်ဆေးရေးဂိတ် တစ်ခုတွင် တန်းစီနေသော ကုန်ကားတန်း ရှည်ရှည်လျားလျားကြီးကို တွေ့သည့်အတွက် အံ့ဩနေသော စာရေးသူကို ကားဆရာက “ဒီအတန်းကြီးက မကြာခင် တောင်အောက်ကို ရောက်မှာ၊ ဟိုးဘက်တောင် နှစ်လုံးသုံးလုံးထိကို ရောက်တာရှိတယ်” ဟု ပြောပြရာ စာရေးသူမှာ ထပ်ဆင့် အံ့ဩရပြန်သည်။ အံ့ဩလို့မှ မကြာသေး “လေးငါးည ကြာတတ်တယ်” ဟု သတင်းပေးပြန်သည်။ “သေသေချာချာ စစ်နေလို့လား” မေးကြည့်သည်။ “ဒီလိုပါပဲ၊ သေသေချာချာ စစ်တယ်ဆေးတယ်ရယ်လည်း မရှိပါဘူး” မစစ်မဆေးသော်လည်း စစ်ဆေးနေသည့်စခန်း။ မြန်မာဘက်မှ ပို့ကုန်အများစုသည် လယ်ယာစိုက်ပျိုးရေး ထုတ်ကုန်များဖြစ်ပြီး ဖရဲသီးကဲ့သို့ ပုပ်ကုန်များ အများအပြား ပါဝင်ရာ စစ်ဆေးရေးစခန်းတွင် ကြာသွားလျှင် ဟိုဘက်ရောက်လျှင် အများအပြား အပယ်ခံ Reject ဖြစ်ရသည်တဲ့။ တရားမဝင်သမား တကယ်ခံရပြီး အမှန်အကန် လုပ်သူတို့ မြန်မြန်ဆန်ဆန် ထွက်ခွာခွင့်ရအောင် စီမံသင့်သည်။

တာကောနှင့် စစ်ဆေးသူများ


လမ်းတွင် ဂိတ်လေးတစ်ခုက တားသည်။ နောက်ခန်းကိုကြည့်ရာ အသားဖြူဖြူ စာရေးသူနှင့် မိတ်ဆွေတို့ကို တွေ့ပြီး ဝမ်းသာအားရနှင့် ပြတင်းတံခါး အတင်းဖွင့်ခိုင်းသည်။ “တာကောတို့ ဘယ်ကလာကြလဲ” “မန်းလေး (သူ့အသံထွက်အတိုင်း) က” မိတ်ဆွေက ပြန်ဖြေသည်။ စစ်ဆေးသူတို့ မျက်နှာက ထင်တိုင်းမပေါက်၍ စိတ်ပျက်သွားသည့်ပုံ။

“သွားတော့၊ သွားတော့“ “ဆရာတို့ကို တရုတ်တွေမှတ်လို့။ တရုတ်ဆိုရင် ပိုက်ဆံတောင်းပြီပဲ” ကားသမားက ရှင်းပြသည်။ သူပြောတာ ဟုတ် မဟုတ်တော့မသိ။ စာရေးသူ မိတ်ဆွေထံမှ မြန်မာသံ ပီပီသသကြီး ထွက်လာသည့်အခါ တားပြီး စစ်ဆေးသူတို့ စိတ်ပျက်သွားတာတော့ အမှန်။

“သူပုန်ကလည်း တစ်ခါတစ်ခါ ဆက်ကြေးတောင်းတတ်တယ်ဗျ။” “ဟုတ်လား၊ ဘယ်လောက်ပေးရလဲ” “တစ်စီး သုံးသောင်း၊ အန္တရာယ်တော့ မပေးဘူး။ သူတို့အချင်းချင်းသာ တိုက်ကြတာ။” “ဘယ်နားမှာ တိုက်တတ်လဲ” မေးတော့ ခပ်လှမ်းလှမ်း တစ်နေရာကို ညွှန်ပြသည်။ “တစ်ခါက ကျွန်တော် ရှေ့ကကားတွေကို ကျော်တက်သွားတာ ပစ်တဲ့အထဲ ရောက်သွားတာ။ သိလိုက်တာနဲ့ အတင်းမောင်း ထွက်ပြေးရတယ်။” မူဆယ်ရောက်အပြီး တစ်ရက်အကြာတွင် ကြားရသည်မှာ TNLA နှင့် RCSS တို့ တိုက်ပွဲဖြစ်ကြသည်တဲ့။ ယခုလည်း တဂျိမ်းဂျိမ်း ချနေဆဲ။

ကားလမ်းဘေး မြေကွက်လပ်မှ ဖြူဖြူဖွေးဖွေး အရာလေးများကို ကားဆရာက လက်ညှိုးထိုးပြသည်။ “ကိုးကန့်မှာ ကျလာတဲ့ တပ်ကလေ။” အမှတ်တရ ကျောက်တုံးလေးများ မနည်းလှ။ ခေါင်းချသွားသူများထဲတွင် အဝေးမှ လာသူများ ဘယ်လောက်ပါနေမလဲ။

လမ်းက ဆိုးသလားဆိုတော့ မဆိုးလှ၊ သို့သော် သွားသည့်ကား၊ ကားပေါ်တင်ထားသည့်ဝန်နှင့် လမ်းမမျှ။ ပြင်ဦးလွင်အနီး ဝက်အူရစ်သဖွယ် လမ်းအကွေ့အကောက်များအနီးတွင် မော့ကြည့်လျှင် သိသာသည်။ လမ်းနံရံများက မြေသားများ ဖွာထွက်နေသည်။ ထိုမြေသား ကမ်းပါးများနှင့် သုံးလက်မ၊ လေးလက်မအလိုတွင် ကားလေးလေးလံလံကြီးများ၏ ဘီးများက တရွေ့ရွေ့။ လမ်း၏ ခံနိုင်အားနှင့် ဝန်နှင့်။ မိုးကျပြီဆိုလျှင် အန္တရာယ် ပိုများသည်။

လမ်းအပြစ်ကြောင့်ချည်းလည်း မဟုတ်။ လူ၊ ကား၊ လမ်းဆိုသည့် သုံးပွင့်ဆိုင် ပုံသေနည်းအရ ‘လူ’ ဟူသော ကားဆရာများသည်လည်း အရေးကြီးသည်။ “ကားတွေကတိုက်ဆို ဒီနားက ဆေးတအားပေါတယ်”၊ “ကားကြီးမောင်းတဲ့သူတွေက ဆေးချထားကြတာ များတယ်။ ပြီးတော့ ချာတိတ်တွေ” လမ်းတွင် တိုက်ထားသော ကားကြီးပေါ်မှ လူငယ်၏ စိတ်ရှုပ်နေသော အမူအရာကို သတိရသည်။ မျက်နှာနုနုက ရှိလှမှ ဆယ့်ခုနှစ်၊ ဆယ့်ရှစ်နှစ်။

ထိုသို့ အရေးကြီးလှသည့် လမ်းအကြောင်း ထိုလမ်းသုံးသူတို့မှတစ်ပါး သိသူမရှိလှ။ ရန်ကုန်-မန္တလေး အမြန်လမ်းအကြောင်းသာ လူသိများကြပြီး ကြောက်အားပိုကြသည်။ ကြောက်သလောက်လည်း တိုက်ကြသေကြသည်။ သို့သော် ကျွန်တော် ရန်ကုန်-မန္တလေးလမ်း သွားပေါင်းများပြီ။ နှစ်နာရီ သုံးနာရီအတွင်း ယာဉ်မတော်တဆဖြစ်မှု ခြောက်ကြိမ် မတွေ့စဖူး။ လမ်းကလည်း ကျယ်သည်၊ သွားသည့်ကားကလည်း လမ်းနှင့်ယှဉ်လျှင် နည်းသည်။ မှတ်တမ်းမှတ်ရာများသာ တကယ်တမ်းရှိပြီး ယှဉ်ကြည့်လျှင် မန္တလေး-မူဆယ်လမ်းသည် ရန်ကုန်-မန္တလေးလမ်းထက် အထိအခိုက် အသေအပျောက် မလျော့နိုင်။ မန္တလေး-မူဆယ်လမ်းတွင် ဖြစ်လိုက်လျှင် ကုန်တင်ကားပေါင်း များစွာ ပိတ်ဆို့သွားသည့်အတွက် ကုန်သွယ်မှု ကြန့်ကြာသည်။

စီးပွားရေးတွင် အချိန်သည် ငွေဖြစ်သည်။ ထို့ပြင် မန္တလေးမှ မူဆယ်သို့တက်သော ကုန်တင်ကားကြီးများတွင် ငါးပုံတစ်ပုံသည် ဖရဲကားများဟု ကုန်သည်ကြီးတစ်ဦးက ဆိုသည်။ ဖရဲတို့သည် ပျက်လွယ်သည်။ ပျက်လျှင် မြန်မာတို့သာ နာသည်။

ပို့ကုန်သုံးဆအဖြေ


ငါးနှစ်အတွင်း ပို့ကုန်သုံးဆ တိုးမြှင့်မည်ဆိုသော စီးပွား/ကူးသန်းဝန်ကြီး အတွက် မန္တလေး မူဆယ်လမ်းသည် အဖြေဖြစ်သည်။ မူဆယ်လမ်းကိုသာ အဆင့်မြှင့်လိုက်လျှင် တွက်ခြေကိုက်မည်၊ ကုန်စည်များများ မြန်မြန် တရုတ်ပြည်ဘက် ရောက်မည်၊ အပုပ်အသိုး နည်းသည့်အတွက် အပယ်ရနည်းမည်၊ မြန်မာတို့ ဝင်ငွေပိုမည်၊ စိတ်အားတက်ပြီး ပိုစိုက်ကြထုတ်ကြမည်။ တရုတ်ပြည်မှကုန်များ မြန်မာဘက်သို့ ဈေးချိုချိုဖြင့် ရောက်မည်။ သို့သော် စီးပွားကူးသန်းက လမ်းမဖောက်နိုင်၊ လမ်းမပြင်နိုင်။ ဆောက်လုပ်ရေး ဝန်ကြီးဌာန၏ ရက် ၁၀၀ စီမံကိန်းတွင် သွားထည့်နိုင်မှ ပို့ကုန်သုံးဆကို အထောက်အကူပြုမည်။ ယခုမူ ရန်ကုန်-မန္တလေး အမြန်လမ်းသည် ရက် ၁၀၀ အတွင်း ထိပ်ဆုံးက ပါသွားပြီ။ မန္တလေး-မူဆယ်လမ်းသည် ရန်ကုန် မန္တလေးလမ်းနှင့် အနည်းဆုံး တန်းတူအရေးကြီးသည်။ သေချာသည်မှာ မြန်မာနိုင်ငံ၏ ပို့ကုန်၊ မြန်မာ့စီးပွားရေးကို ထမ်းတင်ပေးမည့်လမ်း။

ပြောရင်းဆိုရင်း၊ ငေးရင်းမောရင်း၊ ကျော်ရင်းတက်ရင်း၊ စောင့်ရင်းဆိုင်းရင်း မန္တလေးသို့ ပြန်ရောက်လာပြီ။ ကျွန်တော်တို့ ကျော်တက်လာခဲ့သော ကားကြီးများကား လမ်းခုလတ် မည်သည့်နေရာတွင် ကျန်ခဲ့သည်မသိ။ စင်စစ် အသွားအပြန် ဒေါ်လာဆယ့်လေးသန်းဖိုး သယ်ဆောင်နေသော ထိုကားကြီးများသည် မန္တလေးသို့ ယခုထက် မြန်မြန်ရောက်သင့်သည်။

တစ်ရက် ဒေါ်လာဆယ့်လေးသန်းတန် မန္တလေး-မူဆယ်လမ်းသည် ရက် ၁၀၀ စာရင်းဝင်ရန် အရည်အချင်းပြည့်မီ ကျော်လွန်နေပါသည်။

ဇေယျသူ

]]>
demolay13.mm@gmail.com (Weekly) PERSPECTIVE Mon, 09 May 2016 07:53:06 +0000
မေ ၉ ရက်နေ့ ဗုဒ္ဓဟူးဂြိုဟ်နေကိုထွင်းမည်၊ ဘာတွေဖြစ်လာနိုင်မလဲ http://www.thevoicemyanmar.com/index.php/perspective/item/10674-mkb http://www.thevoicemyanmar.com/index.php/perspective/item/10674-mkb မေ ၉ ရက်နေ့ ဗုဒ္ဓဟူးဂြိုဟ်နေကိုထွင်းမည်၊ ဘာတွေဖြစ်လာနိုင်မလဲ

မေလ ၉ ရက်နေ့တွင် Mercury Transit ဗုဒ္ဓဟူးဂြိုဟ်က နေဝန်းကို ဖြတ်သန်းသွားမည်။ ဤအခြင်းအရာကနေ ဗုဒ္ဓဟူးဂြိုဟ်နှင့် ကမ္ဘာတို့ တစ်တန်းတည်းကျသော အချိန်၌ ဖြစ်ပေါ်လေ့ ရှိတတ်ပါသည်။ သို့သော် ဤ Mercury Transit မျိုးက နေ+လ+ကမ္ဘာတို့ တစ်တန်းတည်း ကျစဉ်ကလို နေကြတ်ခြင်းကို မဖြစ်ပေါ်စေတတ်ပေ။ အဘယ်ကြောင့်ဆိုသော် ဗုဒ္ဓဟူးနှင့် သောကြာဂြိုဟ်တို့က နေနှင့် အလွန်နီးကပ်နေ ကြခြင်းကြောင့် နေ-ဗုဒ္ဓဟူးနှင့် ကမ္ဘာတို့ တစ်တန်းတည်းကျချိန်မျိုး မှာဖြစ်စေ၊ နေ-သောကြာဂြိုဟ်နှင့် ကမ္ဘာတို့ တစ်တန်းတည်း ကျနေချိန်မျိုးမှာ ဖြစ်စေ နေကြတ်ခြင်းကို မဖြစ်ပေါ်စေနိုင်ပေ။ ပြီးတော့ Mercury Transit ဗုဒ္ဓဟူးနေဝန်းကို ဖြတ်သန်းခြင်းမျိုးက နေကြတ်ခြင်း-လကြတ်ခြင်း တို့လို နှစ်စဉ် ဖြစ်ရိုးဖြစ်စဉ်မျိုးလည်း မဟုတ်ပေ။

မှတ်တမ်းများအရကတော့ နိုဝင်ဘာလ ၁၂ ရက် ၁၉၈၆ နောက် နိုဝင်ဘာလ ၆ ရက် ၁၉၉၃ မှာ တစ်ခါ၊ နိုဝင်ဘာလ ၁၅ ရက် ၁၉၉၉ မှာ တစ်ခါ၊ မေလ ၇ ရက် ၂၀၀၃ မှာတစ်ကြိမ် ထို့နောက် နိုဝင်ဘာလ ၈ ရက် ၂၀၀၆ နေ့မှာ Mercury Transit ဗုဒ္ဓဟူးဂြိုဟ်က နေဝန်းကိုထွင်းခဲ့သလို မေလ ၉ ရက် ၂၀၁၆ ခုနှစ်ဆယ်ကြာပြီးမှ တစ်ကြိမ် ဖြစ်ပေါ်လာခြင်းပင် ဖြစ်ပါတယ်။ ဒီတော့ မေလ ၉ ရက်နေ့မှာတော့ (G.M.T 11:12 AM) မြန်မာစံတော်ချိန်အရ (5:42 PM) နေဝင်ဆည်းဆာချိန်မှာ ဗုဒ္ဓဟူးအရိပ်က နေဝန်းကို စတင်ထိတွေ့မှာ ဖြစ်ပြီး တစ်ခါ (G.M.T 14:57 PM) မြန်မာစံတော်ချိန် (9:27 PM) မှာတော့ Transit လမ်းကြောင်း၏ အလယ်ဗဟိုကို ဖြတ်သန်းနေမှာဖြစ်သလို G.M.T (6:42 PM) မေ ၁၀ ရက် မြန်မာစံတော်ချိန် (01:12 AM) အချိန်မှာတော့ ဗုဒ္ဓဟူးနေကိုထွင်းခြင်းမှ ပြီးဆုံးသွားမည်ဖြစ်ပါသည်။ ဗုဒ္ဒဟူး နေကိုထွင်းခြင်းက အချိန် ၇ နာရီ နဲ့ မိနစ်၃၀ ခန့် ကြာမြင့်မည်ဖြစ်ပါသည်။

NASA ၏မှတ်တမ်းများအရ Mercury Transit ဗုဒ္ဓဟူးက နေကိုထွင်းခြင်းက ပုံမှန်နှစ် အပိုင်းအခြား မရှိသလို ဖြစ်စဉ်က များသောအားဖြင့် မေလနှင့် နိုဝင်ဘာလများတွင် အများဆုံး ဖြစ်ပေါ်လေ့ရှိတာကို တွေ့ရပါသည်။ နောက်တစ်ချက်က ဤဗုဒ္ဒဟူးနေဝန်းကို ဖြတ်သန်းခြင်းနှင့် ပတ်သက်၍ NASA ၏ ထူးခြားသော အဓိပ္ပာယ်ဖွင့်ဆိုချက်များလည်း မရှိပေ။ သို့သော် အာကာသနက္ခတ် ဗေဒင်လောကနှင့် မာယန်တို့ ယဉ်ကျေးမှု ထွန်းကားခဲ့စဉ်ကတည်း ဗုဒ္ဓဟူး သို့မဟုတ် သောကြာဂြိုဟ် နေကိုထွင်းခြင်း နှင့်ပတ်သက်လို့ အဓိပ္ပာယ်ဖွင့်ဆိုထားခြင်းများက ရှိခဲ့ဖူးပါသည်။ မာယန်တို့ ခေတ်လောက်ဆီကတည်းက အာကာသတွက်ရိုးများက ရှိနေပြီးဖြစ်တာမို့ မာယန်တို့က နေကြတ်-လကြတ်တို့ကို ကြိုတွက်ထားနိုင်ခြင်း အပြင် Milky way Galaxy စကြဝဠာကြီး၏ အလယ်ဗဟိုနှင့် နေ-ကမ္ဘာတို့ တစ်တန်းကျမည့်နှစ် တို့ကိုလည်း ကြိုတွက်ထားနိုင်ခဲ့သူများလည်း ဖြစ်နေကြပေသည်။ သို့ဖြစ်၍ အာကာသကို အမြဲစောင့်ကြည့် လေ့လာနေခဲ့ကြသော မာယန်တို့က ဤဗုဒ္ဓဟူး သို့မဟုတ် သောကြာတို့ နေကိုထွင်းခြင်းနှင့် ပတ်သက်လို့လည်း အောက်ပါအတိုင်း အဓိပ္ပာယ် ဖွင့်ဆိုထားခဲ့တာမျိုးကလည်း ရှိနေပေသည်။ သို့ဖြစ်၍ မာယန်တို့က ဗုဒ္ဓဟူး သို့မဟုတ် သောကြာ Transit နေကိုထွင်းခြင်း၏ နောက်ကွယ်တွင် တိုင်းပြည်၌ မင်းပြောင်းမင်းလွှဲ ဖြစ်ရခြင်း၊ စစ်မက်-အင်္ဂါရပ် ကြီးထွားလာရခြင်း၊ သွေးထွက်သံယိုမှုတွေ ဖြစ်ရခြင်း၊ တိုင်းရေးပြည်ရေး မတည်ငြိမ်ခြင်း စသဖြင့် မာယန်တို့က လွန်ခဲ့တဲ့နှစ်ပေါင်း ၄၀၀၀ ကတည်းက အထက်ပါအခြင်းအရာနှင့် ပတ်သက်လို့ အဓိပ္ပာယ် ဖွင့်ဆိုထားခဲ့ကြပါသည်။ ထိုခေတ်အခါ ဗုဒ္ဓဟူး သို့မဟုတ် သောကြာတို့ နေကိုထွင်းသော အခြင်းအရာတို့ကို မြင်တွေ့ကြသော် အထက်ဖော်ပြပါ အနိဋ္ဌာရုံများနဲ့ ကင်းဝေးစေရန် မိုးလင်းတာနဲ့ ယစ်ပူဇော်ခြင်း၊ ဗလိနတ်စာကျွေးခြင်း စသည်တို့ကို နေရာအနှံ့မှာ ပြုလုပ်လေ့ ရှိတတ်ကြပါသည်။ ဤသည်ကား ခေတ်တစ်ခု၏ ယုံကြည်မှုနှင့် ခံစားချက်များပင် ဖြစ်ပေသည်။ ခေတ်မီ အာကာသနက္ခတ်ဗေဒင် ကတော့ ဤအခြင်းအရာ တိုက်ရိုက်ဟောကိန်းထုတ်တာမျိုး မဟုတ်ဘဲ မင်းနှင့် တိုင်းပြည်ဇာတာ တို့အပေါ် ချိန်ထိုးပြီးမှသာ တိုင်းရေးပြည်ရေး နိုင်ငံရေး တို့အပေါ် ဆုံးဖြတ်ပေးတတ်ပါသည်။

သို့ဖြစ်၍ ဤဗုဒ္ဓဟူး နေကိုထွင်းခြင်းဖြစ်စဉ်ကို နိုင်ငံတော်ဇာတာနှင့် နိုင်ငံတော်သမ္မတ၏ ဇာတာတို့အပေါ် ချိန်ထိုးရသော် လက်ရှိရောက်ဆဲ လများမှာ နိုင်ငံတော်ဗြိစ္ဆာလဂ်ပေါ်ကို စနေနှင့် အင်္ဂါတို့ စီးထားချိန်ဖြစ်နေသလို နိုင်ငံတော်ဇာတာ၏ MC ဆယ်တန့်ရှိ အင်္ဂါပေါ်သို့ ရာဟုစီးထားချိန် နှင့်လည်း တိုက်ဆိုင်လို့နေပါသည်။ တစ်ခါ နိုင်ငံတော်သမ္မတ ဇာတာ၏ MC ဆယ်တန့်၌ တနင်္ဂနွေ သူရိယနေမင်းက အားကောင်းစွာဖြတ်သန်း နေချိန်မှာ ဗုဒ္ဓဟူးက နေဝန်းကို ထွင်းနေချိန်နှင့် တိုက်ဆိုင်နေသလို နေက ကန်စန်း တနင်္လာ၏ ၈ တန့်သို့ ဖြတ်သန်းနေချိန်တို့နှင့် တိုက်ဆိုင်လို့ နေပြန်ပါသည်။ ပိုပြီး အားကောင်းသွားစေခြင်းက နိုင်ငံတော်၏ MC တိုင်းပြည်၏ ရာဇာပလ္လင်ပေါ် ရာဟုစီးနေချိန် စနေ၏ အမြင်အယှဉ် ရှိနေချိန်တို့နှင့်လည်း တိုက်ဆိုင်နေတာမို့ ဤဗုဒ္ဓဟူးဂြိုဟ် နေကိုထွင်းပြီး နောက်ကွယ်မှာတော့ နိုင်ငံတော်သမ္မတမှ ကျန်းမာရေးကအစ ဘက်စုံ သတိထားစရာများက ရှိလာမှာဖြစ်သလို မာယန်တို့ အဓိပ္ပာယ်ဖွင့်ဆိုထား သလို စစ်မက်အင်္ဂါရပ် ကြီးထွားလာရခြင်း သို့မဟုတ် သမ္မတကြီးကိုယ်တိုင် ရာထူးမှ နုတ်ထွက်လိုစိတ်များ ရုတ်တရက် ပေါ်လာနိုင်ပါသည်။ သို့သော် နုတ်ထွက်မိက ဗုဒ္ဓဟူးနေကိုထွင်းခြင်း၏ နောက်ကွယ်မှာမို့ ဆုံးဖြတ်ချက် မှားသွားနိုင်ပါသည်။ ထို့အပြင် နိုင်ငံရေးမတည်ငြိမ်မှုနှင့် လူထုလှုပ်ရှားမှုများ ရှိလာနိုင်ခြင်း၊ အဓိကရုဏ်းများကို ဖန်တီးလာနိုင်ပြီး တိုင်းပြည်က ဘက်စုံယိုင်လာနိုင်တာမို့ မင်းအစိုးရတို့က ဘက်စုံ ကြိုတင်ပြင်ဆင်ထားဖို့တော့ လိုလိမ့်မည်ဟု မှတ်ချက်ပေးရမည် ဖြစ်ပါသည်။ ဗုဒ္ဒဟူးကို ပြဒါးနှင့် နှိုင်းယှဉ်ထားတာမို့ ပြဒါးကဲ့သို့ ကိုင်တွယ်ရန် ခက်ခဲသောပြဿနာများက ခေါင်းဆောင်တို့၌ ရှိလာနိုင်ပါသည်။

မြန်မာနိုင်ငံသည် လူဦးရေသန်းပေါင်းထောင်ကျော်စီ ရှိနေသော နိုင်ငံကြီး နှစ်ခုကြား အပါအဝင် နယ်နိမိတ်ပေါင်း ၅ ခုကြားမှာ တည်ရှိနေ သည့်အပြင် တောတောင်ထူထပ်သော တောင်တန်းဒေသက ၅၀ ရာခိုင်နှုန်း နီးပါးရှိနေသလို တိုင်းပြည်က လွတ်လပ်ရေးရကတည်းက သောင်းကျန်း သူတွေနဲ့ ဖက်မွေးလာခဲ့ရတဲ့ တိုင်းပြည်လည်း ဖြစ်နေပြန်ပါတယ်။ သို့ဖြစ်၍ တိုင်းပြည်နဲ့စစ်က အပြန်အလှန်မှီနေတာမို့ ပြည်ထောင်စုကြီး တည်နေသရွေ့ စစ်နဲ့ကင်းနေလို့ ဘယ်လိုမှမဖြစ်နိုင်ပေ။ ဤသည်ကား တိုင်းပြည်၏ အကြောင်းတရားတွေပေမို့ ရှောင်လွှဲရန် အလွန်ခက်ခဲလို့ နေလိမ့်မည်။ သို့ဖြစ်၍ နိုင်ငံသားတိုင်းက တိုင်းပြည်ရဲ့တည်နေရာ၊ အခြေအနေနဲ့ အနေအထားပေါ်ကို နားလည်ပေးဖို့တော့ လိုပါသည်။

နောက်တစ်ချက်က ဗုဒ္ဓဟူးဂြိုဟ် နေကိုထွင်းနေစဉ်အတွင်းမှာ သူရိယနေမင်းမှာ ကြီးမားသော ပရမာဏုမြူပေါက်ကွဲမှုကြီး ဖြစ်ပေါ်နေချိန်နှင့် ကြုံနေပါက နေမှလွှင့်ထုတ်လိုက်သော သံလိုက်မုန်တိုင်းများကြောင့် ဗုဒ္ဓဟူးဂြိုဟ်နှင့် ကမ္ဘာပေါ်သို့ သဘာဝဘေးရန်များကို ဖန်တီးလာ နိုင်သလို ထိုသံလိုက်မုန်တိုင်းကြောင့် အာကာသဓာတ် ပျက်လာမှုများ ဖြစ်ပေါ်စေကာ ယနေ့ခေတ်အရ ဆိုပါက GPS Syetem ကမ္ဘာပတ်လမ်းကြောင်းမှ Satellite ဂြိုဟ်တုဆက်သွယ်ရေး စနစ်များ၊ Satellite Navigation System များ၊ Electronic နှင့် Computerized Control System များကို ဤဗုဒ္ဓဟူး နေကိုထွင်းသွားခြင်းက အလွယ်တကူ ဒုက္ခပေးလာနိုင်တာမို့ အာကာသ၌ သွားလာနေသော လေယာဉ်များ၊ အာကာသမှ (ISS) အပြည်ပြည်ဆိုင်ရာ အာကာသစခန်း၏ ဆက်သွယ်ရေးစနစ် များက ဗုဒ္ဓဟူးနေကိုထွင်းခြင်း၏ အကျိုးဆက် ပစ်မှတ်များ ဖြစ်လာနိုင်ပါသည်။

လူသားတိုင်းရင်၌ အကြည်ဓာတ်တစ်ခု ကိန်းအောင်းလို့ အေးချမ်းကြပါစေ။

ဘဲလားလေဘာတီ (Political Scientist)

]]>
chili2028@gmail.com (The Voice) PERSPECTIVE Sun, 08 May 2016 12:26:55 +0000