Fri, 18th April, 2014
Tuesday, 23 April 2013 08:39

လူ့အခွင့်အရေးစောင့်ကြည့်ရေး အဖွဲ့၏ ရခိုင်အရေးအစီရင်ခံစာ မြန်မာအစိုးရပယ်ချ

Written by 

 

ရန်ကုန်၊ ဧပြီ ၂၂

ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများနှင့် ပတ်သက်၍ အမေရိကန် ပြည်ထောင်စု အခြေစိုက် လူ့အခွင့်အရေး စောင့်ကြည့်သူများ (Human Right Watch) က ဧပြီလ၂၂ရက်နေ့ ရက်စွဲဖြင့် ထုတ်ပြန်ကြေညာခဲ့သော အစီရင်ခံစာကို မြန်မာအစိုးရက ယနေ့ပယ်ချလိုက်သည်။

ခင်ဗျားတို့က ဆုတောင်းပေးနိုင်ရုံ သက်သက်မှ တစ်ပါး၊ မြန်မာနိုင်ငံ ရခိုင်ပြည်နယ် အတွင်း ရိုဟင်ဂျာမွတ်ဆလင် လူမျိုးများကို “လူမဆန်သော လူမျိုးတုံးသတ်ဖြတ်မှုများ” ခေါင်းစဉ်ဖြင့် စာမျက်နှာ ၁၅၃ မျက်နှာ ပါဝင်သော ယင်းအစီရင်ခံစာသည်တစ်ဖက်သတ် ရရှိသော သတင်းများကိုသာ အခြေခံ ရေးသားထားခြင်း ဖြစ်ပြီး အစီရင်ခံစာပါ စကားလုံး အသုံးအနှုန်းများ မှာလည်း လက်ခံ နိုင်ဖွယ်မရှိကြောင်း သမ္မတပြောရေးဆိုခွင့်ရှိသူ ဦးရဲထွဋ်က ဆိုသည်။
"နိုင်ငံတော်အနေနဲ့ ဒီလိုတစ်ဖက်သတ် ရေးသားတဲ့ အစီရင်ခံစာအပေါ် အလေးထားမှာ မဟုတ်ဘဲ တရားဝင်ဖွဲ့စည်းထားတဲ့ စုံစမ်းစစ်ဆေးရေး ကော်မရှင်ရဲ့တွေ့ရှိချက်များ၊ အကြံပြုချက်များ အပေါ်မှာပဲ အလေးထား အကောင်အထည် ဖော်သွားမှာပါ" ဟု၎င်းကဆိုသည်။

မြန်မာနိုင်ငံအပေါ် နှစ်ပေါင်း ၂၀ ကျော် ပိတ်ဆို့အရေးယူခဲ့မှု များကို ပြန်လည် သုံးသပ်တော့မည့် ဥရောပသမဂ္ဂ၏ ဧပြီလ ၂၂ရက် အစည်းအဝေး ကျင်းပချိန်နှင့် အချိန်ကိုက် ထုတ်ပြန်ခဲ့သော Human Right Watch ၏လုပ်ဆောင်ချက်သည် မေးခွန်းထုတ်စရာ ဖြစ်နေကြောင်း ၄င်းက သုံးသပ်သည်။

ရခိုင်ပြည်နယ်အတွင်း ပဋိပက္ခများနှင့် ပတ်သက်၍ နိုင်ငံတော်သမ္မတ ကိုယ်တိုင် စုံစမ်းရေး ကော်မရှင်တစ်ရပ် ဖွဲ့စည်းပေးခဲ့ပြီး ယင်းကော်မရှင်တွင် ဂုဏ်သတင်းထင်ရှားသော ပညာရှင်များ၊ လူ့အသိုင်းအဝိုင်းနှစ်ရပ်လုံးက လေးစားသောပုဂ္ဂိုလ်များ ပါဝင်ပြီး ပဋိပက္ခဖြစ်ပွားရာနေရာသို့ အကြိမ်ကြိမ် လေ့လာ ကွင်းဆင်းကာ အစီရင်ခံစာ ပြုစုနေကြောင်း ၄င်းကရှင်းပြသည်။

ဧပြီလ၂၂ရက်နေ့ နေ့စွဲဖြင့် ထုတ်ပြန်လိုက်သော ယင်းအစီရင်ခံစာ တွင် ရခိုင်ပြည်နယ်အတွင်း နှစ်ကြိမ်တိုင်တိုင် ဖြစ်ပွားခဲ့သော လူမျိုးရေးဘာသာရေး အသွင်ဆောင် အပြစ်မဲ့ (ရိုဟင်ဂျာဟု အစီရင်ခံစာတွင် ရေးသားထားသော) မွတ်ဆလင် များအပေါ် အကြမ်းဖက်မှုများကို လုံခြုံရေး အင်အားစုများက မသိချင်ယောင်ဆောင် နေသည့်အပြင် ၄င်းတို့ ကိုယ်တိုင် ကိုယ်တိုင်ကိုယ်ကျ ရာဇဝတ်မှု ကျူးလွန်ခဲ့ကြောင်း၊ အသတ်ခံရသူများကို စနစ်တကျ အလောင်းဖျောက်ဖျက်မှုများ ရှိခဲ့ကြောင်း၊ ယနေ့တိုင် စားနပ်ရိက္ခာအကူအညီများ ထောက်ပံ့ရေးများ မရရှိအောင် ပိတ်ဆို့ ဟန့်တားထားကြောင်း ယင်းအစီရင်ခံစာတွင် ဖော်ပြထားသည်။
မြန်မာအစိုးရအနေနှင့် ယင်းကဲ့သို့ ရခိုင်ပြည်နယ်အတွင်း အစုလိုက်အပြုံလိုက် သတ်ဖြတ်မှု၊ လူမျိုးတုံး သတ်ဖြတ်မှုများကို စုံစမ်းရန် လွတ်လပ်သော နိုင်ငံတကာ စုံစမ်း စစ်ဆေးရေး ကော်မရှင်ကို ခွင့်ပြုသင့်ကြောင်းလည်း ဖော်ပြပါရှိသည်။

မြန်မာနိုင်ငံသည် နှစ်ပေါင်းများစွာ သီးခြားရပ်တည်ခဲ့ရာမှ ဒီမိုကရေစီနည်းလမ်းကျ ဆောင်ရွက်မှု အဆင့်ဆင့်များနှင့် လူ့အခွင့်အရေး ကာကွယ်ရေးကို အလေးပေး ဆောင်ရွက်လာခြင်းများကို တွေ့ရှိပြီး လက်ရှိမြန်မာ့နိုင်ငံရေးတွင် အကျင့်ပျက် ခြစားမှုများ၊ ပြည်တွင်း မငြိမ်မသက်မှုများ စသဖြင့် စိန်ခေါ်မှုများစွာပြည့်နှက် နေသော်လည်း အစိုးရခေါင်းဆောင်များ အနေနှင့် နိုင်ငံတစ်ဝန်းတွင် ရှိသော ပြည်သူများ၏ အခွင့်အရေးများကို အကာအကွယ် ပေးနိုင်မည် ဆိုပါက မြန်မာနိုင်ငံ၏ ပြုပြင်ပြောင်းလဲမှုများ ပို၍ ထင်သာမြင်သာ ရှိလာနိုင်ကြောင်း အမေရိကန်ပြည်ထောင်စု နိုင်ငံခြားရေးဝန်ကြီး ဂျွန်ကယ်ရီက ယင်းအစီရင်ခံစာနှင့် ပတ်သက်၍ သုံးသပ် ပြောကြားသည်။
"အပြည့်အောင်မြင်တယ်လို့ ပြောလို့မရသေးဘူး။ ဒါပေမဲ့ လမ်းကြောင်းမှန်ပေါ် ရောက်နေတာတော့ သေချာတယ်" ဟု ၄င်းက ဆိုသည်။

နှစ်ကြိမ်တိုင်တိုင်ဖြစ်ပွားခဲ့သော ရခိုင်တွင်း ပဋိပက္ခများနှင့် ပတ်သက်သည့် စုံစမ်းစစ်ဆေးရေး ကော်မရှင်၏ အဆုံးသတ် အစီရင်ခံစာကို ဧပြီလ၂၂ရက်နေ့တွင် သမ္မတ ထံသို့ တင်မည်ဖြစ်ပြီး ၂၃ရက်နေ့တွင် အများပြည်သူထံသို့ ထုတ်ပြန် ကြေညာမည် ဖြစ်ကြောင်း ကော်မရှင်က ဆိုသည်။

ယင်းအစီရင်ခံသည် အလားတူ ပဋိပက္ခများ နောက်တစ်ကြိမ် မဖြစ်အောင် တားဆီးနိုင်ရန် အကြံပြုထားကြောင်း ကော်မရှင်က ထုတ်ပြန်ထားသည်။ ရခိုင်ပြည်နယ် ပဋိပက္ခကို စုံစမ်း စစ်ဆေးရန် နယ်ပယ်ပေါင်းစုံမှ ပညာရှင်၂၇ဦး ဖြင့် ရခိုင်ပြည်နယ် စုံစမ်းစစ်ဆေးရေး ကော်မရှင်ကို နိုင်ငံတော်သမ္မတက ယခင်နှစ် သြဂုတ်လ၁၇ရက် နေ့တွင် ဖွဲ့စည်းခဲ့ခြင်း ဖြစ်သည်။

ရခိုင်ပြည်နယ် ပဋိပက္ခကြောင့် လူ ၁၆၇ဦး သေဆုံးပြီး၂၂၃ ဦး ဒဏ်ရာရရှိသည့် အပြင် လူပေါင်းတစ်သိန်းကျော် အိုးမဲ့အိမ်မဲ့ ဒုက္ခရောက် ခဲ့ရသည်။

Copyright © 2013 The Voice
All rights reserved
Powered by The Voice