Sun, 20th April, 2014
Sunday, 31 March 2013 10:40

လက်ပံတောင်းစီမံကိန်း Control Blastine ဖြင့် တွက်ချက် ဆောင်ရွက်သွားစေလို

Written by 

 

သို့
အယ်ဒီတာ
The Voice Weekly

၁။ ၁၂-၃-၂၀၁၃ ရက်နေ့ထုတ် သတင်းစာများတွင် လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်၏ အပြီးသတ် အစီရင်ခံစာကို ဖတ်ရှုခဲ့ရပါသည်။

၂။ အစီရင်ခံစာတွင် ကဏ္ဍအလိုက် အသေးစိတ် ရှင်းလင်းဖော်ပြထားသည်ကို တွေ့ရှိရသော်လည်း မိုင်းခွဲ လုပ်ငန်းနှင့် ပတ်သက်၍ လေ့လာတွေ့ရှိချက်ကို အပိုဒ် (၆၈) တွင်သာ ဖော်ပြထားသည်ကို ဖတ်ရှုရပါသည်။

၃။ မိမိသည် မိုင်းအင်ဂျင်နီယာတစ်ဦးဖြစ်ပြီး တာဝန် အရ မုံရွာရောက်ရှိစဉ် အခါက ကြေးနီစီမံကိန်း မိုင်းခွဲလုပ်ငန်း ဆောင်ရွက်မှုကို မုံရွာမြို့တွင်းမှ Ground Vibration ခံစားခဲ့ဖူးပါသည်။

၎။ ကြေးနီစီမံကိန်းအနေဖြင့် မိုင်းအင်ဂျင်နီယာဖြင့် ဆောင်ရွက်ခဲ့သော်လည်း ပညာရှိ သတိဖြစ်ခဲဆိုသည့် စကားအတိုင်း Ground Vibration Due to Blastine & Damage to Building မဖြစ်ပေါ်စေရေးအတွက် မိုင်းခွဲရာတွင် အသုံးပြုသည့် ယမ်းဘီလူးနှင့် ဆက်စပ်သုံးပစ္စည်းများ (Explosive & Accessories) ကို Safety Distance အရ Control Blastine ပြုလုပ်သွားရန် လိုအပ်ပါသည်ဟု ထင်မြင်ယူဆပါသည်။

၅။ ဆောင်ရွက်ပြီးစီးခဲ့သည့် မိုင်းခွဲလုပ်ငန်းများ တွင်လည်း Safety Distance အရ Control Blastine ဆောင်ရွက်ခဲ့ခြင်း ဟုတ်/ မဟုတ်ကို သုံးစွဲခဲ့သည့် ယမ်းဘီလူးနှင့် ဆက်စပ်သုံးပစ္စည်းများနှင့် မိုင်းခွဲခဲ့သည့် အကြိမ်အရေအတွက် အလိုက်၊ ရက်စွဲအလိုက် စစ်ဆေး သိရှိနိုင်ပါသည်။

၆။ သို့ပါ၍ ကြေးနီစီမံကိန်း ဆက်လက် ဆောင်ရွက် သွားမည်ဆိုပါက Ground Vibration Due to Blastine အတွက် အန္တရာယ်မရှိစေရေး၊ Control Blastine ဖြင့် တွက်ချက်ဆောင်ရွက် သွားစေလိုပါကြောင်း၊ Voice ဂျာနယ်မှတစ်ဆင့် အကြံပြုတင်ပြအပ်ပါသည်။

၇။ မည်သူ့ကိုမျှ ထိခိုက်စေလိုသောဆန္ဒ မရှိပါ။ Safety First ဆိုသည့် ဆောင်ပုဒ်အရ မိုင်းအင်ဂျင်နီယာ တစ်ဦးအနေဖြင့် ကိုယ်ပိုင်ထင်မြင်ယူဆချက် တင်ပြခြင်းသာ ဖြစ်ပါကြောင်း ဖြည့်စွက် ဖော်ပြအပ်ပါသည်။

(မိုင်းအင်ဂျင်နီယာတစ်ဦး)

Copyright © 2013 The Voice
All rights reserved
Powered by The Voice