Sun, 20th April, 2014
Wednesday, 20 March 2013 05:41

ရောဂါမျိုးစုံသည် ကိုယ်အေးခြင်းမှလာသည်

Written by 

 

ရောဂါမျိုးစုံသည် ကိုယ်အေးခြင်းမှလာသည်
မောင်မောင်လှိုင် (အပ်စိုက်ကု)
ထုတ်ဝေတိုက် - Perfect
တန်ဖိုး- ၁၃၀၀

မူရင်းစာရေးဆရာ ဒေါက်တာ အီရှိဟာရမူစုမိ လို့ စာအုပ် တစ်နေရာမှာ တွေ့ရလို့ ဘာသာပြန်ဆိုထားတဲ့ စာအုပ်တစ်အုပ် ဖြစ်မယ်လို့ ယူဆရပေမယ့် တချို့နေရာတွေမှာ စာရေးသူရဲ့ အတွေ့အကြုံတွေနဲ့ပါ ပေါင်းစပ် ရေးသားထားတာမျိုးလည်း တွေ့ရပါတယ်။ ကျန်းမာရေး ဗဟုသုတ အထောက်အကူပြု စာတွေ ရေးသားလေ့ရှိသူ မောင်မောင်လှိုင် (အပ်စိုက်ကု) ရေးသားထား တာဖြစ်ပြီး ရောဂါသည် တွေရဲ့ ဇာစ်မြစ်၊ ခန္ဓာကိုယ်အပူအအေး၊ ကိုယ် အနွေးဓာတ်ရဲ့ အရေးပါပုံ၊ အစားအစာနဲ့ ရောဂါလက္ခဏာ၊ ကျန်းမာရေးအတွက် အထောက်အကူပြုတဲ့ နေထိုင်နည်း၊ စားသောက်နည်း စတာတွေကို ဘက်ပေါင်းစုံက ရေးသားထားတယ်။ စာအုပ်ရဲ့ နောက်ကျောဖုံးကို ခန္ဓာကိုယ်ရဲ့အပူချိန် အရေးပါပုံကို ပြဒါးတိုင်နဲ့ အထင်အရှား ရိုက်နှိပ် ဖော်ပြထားပါတယ်။

တချို့ပတ်ဝန်းကျင်မှာ အကြားရများတဲ့ နံနက်စာကို များများစားမှ ကောင်းတယ်ဆိုတာမျိုး၊ ရေများများသောက်တာ ဝမ်းမှန်စေတာတို့ ဆိုတာမျိုးကိုလည်း ဒီစာအုပ်မှာ မှန်မမှန် ဥပမာတွေနဲ့ ဆန်းစစ်ပြထားတယ်။ စိတ်ဝင်စားဖို့ ကောင်းပါတယ်။ သွေးကြောလည်ပတ်မှု၊ ကြွက်သားတွေရဲ့ လှုပ်ရှားပုံ၊ ခန္ဓာကိုယ် အနွေးဓာတ် ဆက်စပ်နေပုံတွေကိုလည်း ဗဟုသုတရဖွယ် ဖတ်ရှု မှတ်သားနိုင်ပါလိမ့်မယ်။

ကြွက်သားလေ့ကျင့်ခန်းလုပ်ဖို့ ဘယ်လောက် အရေးကြီးတယ် ဆိုတာမျိုး ထောက်ပြထားတဲ့အပြင် ကြွက်သားတွေရဲ့ လှုပ်ရှားမှု အကျိုးရလဒ်တွေကိုလည်း ဖော်ပြပေးထားတယ်။ ကျန်းမာရေး တစ်ခုခု ချို့ယွင်းလိုက်ရင် ငွေကြေးသာမက ဝန်ဆောင်မှု ညံ့ဖျင်းသူ တွေနဲ့ ဆုံလိုက်ရင် ရောဂါပါ ပိုတိုးလာနိုင်တဲ့ အကျိုးဆက်တွေပါ ရလာနိုင်ပါသေးတယ်။

ဒါကြောင့် ကိုယ့်ရဲ့ နေထိုင်စားသောက်မှု ပုံစံ ပြောင်းလဲလိုက်ရုံနဲ့ ခန္ဓာကိုယ် ကျန်းမာမှုကို အတိုင်းအတာ တစ်ခု အထိ ရလာနိုင်မှာမျိုးတွေ ဒီစာ အုပ်ဖတ်ရင်း အသိ အမြင် တိုးလာနိုင်ပါလိမ့် မယ်။ ကိုယ့်ရဲ့ကျန်းမာရေး အတွက် လမ်းညွှန်မှု လိုချင်လို့ပဲဖြစ်ဖြစ် ကျန်းမာရေး ဗဟုသုတကို စာထဲ ကတစ်ဆင့် လိုချင်လို့ ပဲဖြစ်ဖြစ် ဒီစာအုပ်က ထောက်ကူနိုင်ပါလိမ့်မယ်။

Copyright © 2013 The Voice
All rights reserved
Powered by The Voice