Sun, 20th April, 2014
Thursday, 14 March 2013 12:00

ရေကြည်တစ်ပေါက်

Written by 

 

ရေကြည်တစ်ပေါက်
ကျော်ဦး
ထုတ်ဝေတိုက် - ပါရမီစာပေ
တန်ဖိုး - ၂၀၀၀

လူငယ်နှစ်ယောက်ရဲ့ ရေဖြုန်းတီးမှု လုပ်ရပ်က ဒီစာအုပ်ဖြစ်ပေါ်ဖို့ အတွက် တွန်းအားဖြစ်ခဲ့ကြောင်း စာရေးသူ က ဆိုထားတယ်။ ဒီလူငယ် နှစ်ယောက်ရဲ့ ရေဖြုန်းတီးပုံ မြင်ကွင်းကိုလည်း စာရေးသူ က အမှာစာမှာ ထည့်ရေးထား တယ်။ “သူတို့နှစ်ဦး အပါအဝင် ရေကို မလိုအပ်ဘဲ သုံးနေ၊ ဖြုန်းနေကြသူ လူသားများ အားလုံးအတွက် ရေသယံဇာတ ၏ အဖိုးတန်လှပုံ၊ တစ်နေ့တခြား ရှားပါးလာ၍ ရေကောင်းရေသန့် ရရှိရေးသည် ကမ္ဘာ့ထိပ်တန်း ပြဿနာတစ်ခုအဖြစ် ဦးတည်ကြီးထွားလာ ပုံစသည်တို့ကို ကမ္ဘာ့ မီဒီယာများတွင် ထောက်ပြလှုံ့ဆော်နေကြရာ ဤစာအုပ်သည် ယင်းမီဒီယာများ ထဲတွင် “တစ်စက်တစ်ပေါက်” မျှဖြစ်စေ ပါဝင်ရန် အားထုတ်ချက်တစ်ခု ဖြစ်သည်” လို့စာရေးသူရဲ့ အမှာစာမှာ ဖတ်ရပါ လိမ့်မယ်။

ရေရဲ့ အရေးအကြီးဆုံး၊ အဓိကအကျဆုံး အချက်တွေကိုလည်း စာအုပ်ရဲ့နောက်ကျောဖုံးမှာ မီးမောင်းထိုး အထင်အရှား ရိုက်နှိပ်ပြ ထားတယ်။ ဘယ်လိုအကြောင်းအခြင်းအရာ မျိုးမဆို မသိရင်မပူမပင် နေနိုင်ပေမယ့် သိသွားရင်တော့ ဆင်ခြင်တုံတရားနဲ့ ဝေဖန်ပိုင်းခြားမှု ကပ်လာပြီး ဘယ်လို အရာမျိုးမဆို သတိမဲ့ပြုမူတာမျိုး ကင်းသွားနိုင် တာမို့ ကလေးလူငယ်တွေလည်း ဖတ်ရှုထားသင့်တဲ့ စာအုပ်မျိုးပါ။

လူခန္ဓာကိုယ်မှာပါဝင်တဲ့ ရေဓာတ်တွေရဲ့အကျိုးသက်ရောက်ပုံ၊ ရေဓာတ်နည်းရင်၊ ရေဓာတ်များရင် စတာတွေကို ဖတ်ရှုနိုင်မှာဖြစ်သလို ကမ္ဘာ့ရေအစ ဖြစ်ပေါ်ရာကိုလည်း စိတ်ဝင်စားဖွယ် ဖတ်ရှုရပါမယ်။ ရေကြည်တစ်ပေါက်နှင့် သက်ရှိကမ္ဘာ၊ ရေကြည်တစ်ပေါက် သောက်ရလိမ့်နိုး၊ ရေကြည်တစ်ပေါက် မပျောက်ရအောင် ဆိုပြီး အပိုင်း သုံးပိုင်းခွဲရေးထားတယ်။ ခေါင်းစဉ်ခွဲတွေက ရေမရှိ အသက်မရှိ၊ ကမ္ဘာရေအစ ကြယ်တံခွန်က၊ ပေါများနေလျက် အသုံးခက်၊ အရည်ပျော်တောင်ထိပ်များ၊ ညစ်ညမ်းမှုတို့ ပေါင်းစုတ၊ သောက်လိုပါလျက် အသောက်ခက်၊ သည်ရေမျိုးကိုလည်း သောက်ရတော့ မှာပါလား၊ ရေဖိုးမပါရေစသာ၊ ရေငတ်လွန်းသူအတွက် ကုထုံး၊ ညည်းညူသံများ ကြားကြပါစေဆိုပြီး စုစုပေါင်း ၁၈ ခုပါဝင်တယ်။

၂၀၂၅ မှာ ကမ္ဘာ့လူဦးရေရဲ့ သုံးပုံနှစ်ပုံဟာ ရေကောင်းရေသန့် ရရှိဖို့ ပူပန်လာကြရမယ်လို့ ဟောကိန်း ထုတ်ထားလို့ ကမ္ဘာသူ၊ ကမ္ဘာသား အားလုံးနဲ့ သက်ဆိုင်တဲ့ အကြောင်းအရာမျိုးလည်း ဖြစ်ပါတယ်။

Copyright © 2013 The Voice
All rights reserved
Powered by The Voice