Thu, 24th April, 2014
Wednesday, 09 January 2013 07:36

ပထမ

Written by 

 

ပထမ
ဇာဂနာ
ထုတ်ဝေတိုက် - Home
တန်ဖိုး - ၂၅၀၀

၁၉၈၉ ခုနှစ် ဧပြီလ ၂၁ ရက် ထောင်က လွတ်မြောက်လာပြီး လွတ်ပြီး နှစ်ရက် အတွင်းမှာပဲ ချက်ချင်း ချရေး ခဲ့တဲ့ စာမူဖြစ်ကြောင်း ဇာဂနာက ဆိုပါ တယ်။ ဒီစာမူတွေကို စိတ်လှုပ်ရှား ဖွယ် သိမ်းဆည်းထားပုံ အဆင့်ဆင့် ကိုလည်း စာရေးသူရဲ့ ကျေးဇူးစကားမှာ ထည့်ရေး ထား ပါသေးတယ်။ အဖြစ်အပျက် တွေကို ကျော်လွှားပြီးမှသာ ရယ်စရာ ပြောနိုင်ခဲ့ သော်ငြား တကယ့် လက်တွေ့ ဖြတ်သန်း နေစဉ်မှာ ခက်ခဲလှကြောင်း၊ တကယ့် အဖြစ်အပျက် တွေဟာ မေ့ပစ် လိုက်စရာ မဟုတ်ကြောင်း လည်း စာရေးသူက ဆိုတယ်။

“စစ်အစိုးရ တက်လာပြီးသည့် နောက် ပထမဆုံး အဖမ်းခံရတဲ့ အနုပညာ သမားများ ဖြစ်ခြင်း၊ မီးလောင်ပြီးစ အင်းစိန်ထောင် တွင်းသို့ ပထမဆုံး အပို့ ခံရသော နိုင်ငံရေး အကျဉ်းသားများ ဖြစ်ခြင်း စသည့် အကြောင်းများတို့ အပြင် ကျွန်တော်၏ ပင်ရင်း နဂိုမူလ စိတ်မှာ အတန်ငယ်ကြွားဝါ လိုစိတ်ရှိခြင်း တို့ကြောင့် ဤစာအုပ် အမည်ကို “ပထမ”ဟု ကင်ပွန်း တပ်လိုက်ရခြင်း ဖြစ်ပါသည်။ အကယ်၍ မကျေမလည် ဖြစ်သူများ ရှိပါ က အတင်း ပြောကြပါကုန်” လို့ ဇာဂနာ က ပွင့်ပွင့်လင်းလင်း ဆိုထားတယ်။

ပထမဆုံး သူကြုံတွေ့ရတဲ့ ဖမ်းဆီးခံ ရပုံတွေ စစ်ကြောရေး အတွေ့အကြုံ တွေနဲ့ ထောင်တွင်း အတွေ့အကြုံ တွေကို ခပ်သွက်သွက်ဟန်နဲ့ ပေါ့ပေါ့ပါးပါး ဖတ်လို့ရအောင် ရေးထားတယ်။ နာကျင်ဖွယ်ရာ ပင်ပန်း ဆင်းရဲဖွယ်ရာ တွေကို ဖော့ပြီး အသောဟန်နဲ့ ရေးထား တာမို့ တချို့နေရာတွေ၊ တချို့စနစ် တွေရဲ့ လွဲချော်ပုံ၊ ပြုမူပုံတွေဟာ ပြုံးချင် စရာတောင် ကောင်းနေ ပါလိမ့်မယ်။ အဲဒီထဲကမှ စစ်ကြောရေး မေးခွန်းတွေ ကို သူ တုံ့ပြန် ဖြေဆိုပုံတွေကို ကြည့်ပြီး သူ ကြံ့ကြံ့ ခံနိုင်ဖို့ ဒီလို ဟာသဉာဏ်က ထောက်ကူ ခဲ့နိုင်တယ် ဆိုတာကို သဘော ပေါက်မိစေတယ်။

“မင်းက ဇာဂနာ လားကွ” ဟူသော ခပ်ကြမ်းကြမ်း အသံ နှင့်အတူ အုံးခနဲ ရိုက်လိုက်သော လက်ဖဝါး၏ အရှိန်ကြောင့် ကျွန်တော် ၏ နဖူးမှာ အုတ်နံရံနှင့် မိတ်ဖွဲ့ သွား ရကာ ကြယ်တွေလတွေသည် စီကာ တန်းကာပေါ် ထွက်လာ ပါတော့သည်။ သည်နောက် မှာတော့ “ဟေ့ကောင် လုပ်စမ်းပါဦးကွ ဒို့အရေးလေး ဘာလေး” ။ “ဒီမိုကရေစီ အော်ပါဦးကွ” စသဖြင့် ပြောလိုက် ထိုးလိုက်ဖြင့် အနှီပုဂ္ဂိုလ် များမှာ စံချိန်စံညွှန်း မမီမှာစိုးသည့် အလား ကျွန်တော့်အား တဗုန်းဗုန်း တဒိုင်းဒိုင်းနှင့် ဝိုင်းထိုး နေကြပါတော့ သည်။” ဆိုတဲ့ စာသားတွေကို ဖတ်ရင်း လူတစ်ယောက်ကို ခေါင်းစွပ် လက်နှစ်ဖက် နောက်ပြန် လက်ထိတ်ခတ်ပြီး ဝိုင်းထိုး ကြသည့် တာဝန်ရှိသူဟု ဆိုသူများ၏ လုပ်ပုံကိုင်ပုံ တွေကို မျှဝေ ခံစားနိုင်လိမ့် မယ်။ ဒီထဲပါဝင် ပတ်သက်နေသူ တွေရဲ့ နာမည် အတော်များများကို အရင်းတိုင်း ထည့်ရေးထားတယ်။

သူတွေ့ကြုံရသူ တွေထဲက ဆိုးရွားသူ တွေအကြား အဲဒီအချိန်က အာဏာပိုင် တချို့၊ ဝန်ထမ်း တချို့ရဲ့ ကြင်နာမှုတွေ ကိုလည်း ကြည်နူးဖွယ် ထည့်ရေးထား တာတွေ့တယ်။ နိုင်ငံရေး အကျဉ်းသား ဟောင်း တစ်ဦးဖြစ်သူ၊ တောင်ကြီး ထောင်မှာ နေထိုင်ခဲ့ရသူ စန်းဇော်ထွေး ရဲ့ထောင်တွင်းပန်းချီ တချို့က စာတွေ ကိုမွမ်းမံ ပံ့ပိုးထားပြီး ၈၈ ပုံရိပ် ဓာတ်ပုံ တချို့ ကိုလည်း ကြည့်ရှု နိုင်လိမ့်မယ်။

ဆိုင်ကယ် လှလှလေး၊ ပါစင်နယ် အင်တာဗျူး၊ မေ့ပစ်လိုက်ပါဗျာ၊ နာမကရဏ မင်္ဂလာ၊ ဗုဒ္ဓံသရဏံ ဂစ္ဆာမိ၊ ယတြာချေတာပါ၊ ဂတ်စတာပိုများနှင့် တွေ့ဆုံခြင်း၊ ညစာစားပွဲ၊ ဇာတ်ပေါင်းခန်း စတဲ့ ခေါင်းစဉ် ၁၄ ခု လောက်နဲ့ ရေးထား တယ်။ ဒီစာအုပ်ထဲမှာ အကျဉ်းသား တစ်ဦးရဲ့ လွတ်မြောက်ဖို့ မျှော်လင့် ချက်တွေကို ဖတ်ရတာမို့ မျှော်လင့်ချက် နဲ့ရှင်သန်၊ ကိုယ့်ကိုယ်ကိုယ် စိတ်ဓာတ် ခွန်အား ပြန်ပေးရင်း မတရားမှုနဲ့ ထောင်ဒဏ် ချခံနေရသူတွေ အတွက် လွတ်မြောက် ဖို့ ကြိုးပမ်းမှုတွေကို ပူးပေါင်းပါဝင် လိုစိတ် မြင့်တက်လာနိုင်တယ်။

စာမျက်နှာ ၁၁၂ မျက်နှာ ပါဝင်တဲ့ ဒီစာအုပ်က မတရားမှုတွေ ရှိခဲ့တယ် ဆိုတာကို သက်သေပြ နေတာမို့ နေရာတိုင်း တရားမျှတမှုဖြစ် ပေါ်စေရေး အတွက် တောင့်တ မိစေလိမ့်မယ်။

Copyright © 2013 The Voice
All rights reserved
Powered by The Voice